ა(ა)იპ ქობულეთის წმინდა კირიონ მეორის  სახელობის  მართლმადიდებლური სკოლა-გიმნაზიის მისიაა ზნეობრივად, ინტელექტუალურად და ფიზიკურად  ჯანსაღი, ტოლერანტი, პატრიოტული სულისკვეთებით გამსჭვალული თაობის აღზრდა, რომელიც გააცნობიერებს თავის პასუხისმგებლობას ქვეყნის ინტერესების, ტრადიციების, ისტორიული და კულტურული ღირებულებების მიმართ. მოსწავლეებს შესძინოს მართლმადიდებლურ ცნობიერებაზე დაფუძნებული დემოკრატიული აზროვნება. ჩამოუყალიბოს სოციალური და სააზროვნო უნარ-ჩვევები, რათა მათ შეძლონ ცხოვრებაში წამოჭრილი პრობლემების დამოუკიდებლად გადაჭრა და თანამედროვე სამყაროში წარმატებით თვითდამკვიდრება.

• სასკოლო განათლება მოსწავლეებს განუვითარებს ქრისტიანულ ცნობიერებასა და პასუხისმგებლობას ქვეყნის ისტორიული და კულტურული ღირებულებების მიმართ, შესძენს დემოკრატიულ საზოგადოებაში წარმატებით თვითდამკვიდრებისათვის საჭირო უნარ-ჩვევებს, რაც საშუალებას მისცემს მუდმივად ინარჩუნებდეს პოზიციას მოთხოვნად სკოლებს შორის; 
• არაფორმალური განათლების ხელშეწყობით  საგანმანათლებლო სივრცეში არსებულ პროექტებში ინტეგრირებული მოსწავლეების რაოდენობის მუდმივი ზრდა;
• სკოლა-გიმნაზიის ბაზაზე პედაგოგთა პროფესიული განვითარების მუდმივი ხელშეწყობით წამყვანი და მენტორი მასწავლებლების რიცხვის ზრდა.

• ღვთისა და მოყვასის სიყვარული;
• პროფესიონალიზმი და მიუკერძოებლობა;
• პასუხისმგებლობა და კეთილსინდისიერება;
• თანადგომა და თანაგანცდა;
• შემწყნარებლობა და განსხვავებული აზრის პატივისცემა;
• თანამშრომლობა და გუნდური მუშაობა.