"ტვინების ბრძოლა" არის გუნდური ინტელექტუალური თამაში სკოლის მოსწავლეებისათვის. ერთ სივრცეში განლაგებული გუნდები პასუხობენ წამყვანის მიერ გაჟღერებულ შეკითხვებს. თემატიკა არის ზოგადი, შეკითხვები კი დაფუძნებულია ლოგიკური და ანალიტიკური აზროვნების უნარზე. ტვინების ბრძოლა იმართება სამ ასაკობრივ კატეგორიაში:

I ასაკობრივი კატეგორია (III, IV, V კლასი);

II ასაკობრივი კატეგორია (VI, VII, VIII კლასი).

III ასაკობრივი კატეგორია (IX, X, XI, XII კლასი).

პირველადგილოსანმა გუნდებმა:

"აინშტაინები" - Vა კლასი;

"საუნჯე" - VIIIა კლასი;

"ლიდერები" - XIა კლასი.

მოიპოვეს გამარჯვების დამადასტურებელი დიპლომები და ასპარეზობის უფლება "ტვინების ბრძოლის" საქალაქო ჩემპიონატზე.

ვულოცავთ და მომავალში წარმატებულ ასპარეზობას ვუსურვებთ!

ა(ა)იპ ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის V  კლასის მოსწავლეებს შორის გაიმართა ლიტერატურული ვიქტორინის II ტური, ქართული ენისა და ლიტერატურის მასწავლებლების, ნინო მოქიასა და თამარ ბარბაქაძის, ხელმძღვანელობით.

მოსწავლეებმა  წაიკითხეს და განიხილეს  ჰექტორ მალოს  "უსახლკარო".

 ქულები შემდეგნაირად გადანაწილდა:

"ბრწყინვალე შვიდეული" - 4 ქულა

"მკითხველები" - 4 ქულა

"ტვინიკოსები" - 3 ქულა

"ერუდიტები" - 2 ქულა

ვემზადებით შემდეგი ტურისათვის!

ჩვენი მოსწავლეების წარმატება კინგსის ოლიმპიადაში!

სიხარულით გვინდა გაგიზიაროთ ჩვენი მოსწავლეების წარმატება „კინგსის“ ოლიმპიადაში, სადაც მათ აქტიური მონაწილეობა მიიღეს და შესანიშნავი შედეგები აჩვენეს.

წინა წელს ჩვენი სკოლის მოსწავლეები სხვადასხვა საგანში შეეჯიბრნენ თანატოლებს და გამოიჩინეს მაღალი ცოდნა, უნარები და თავდადება. გამარჯვებულები დაჯილდოვდნენ დიპლომებით და კიდევ ერთხელ დაამტკიცეს, რომ განათლება და მიზანდასახულობა წარმატებისკენ მიმავალი გზაა.

ვულოცავთ ჩვენს გამარჯვებულებს! მათი მიღწევები არამარტო პირადი გამარჯვებაა, არამედ ჩვენი სკოლის ისტორიის ნაწილია. სასიამოვნოა, რომ ისინი ჩვენი სასწავლებლის ღირსეული წარმომადგენლები არიან.

წარმატებებს ვუსურვებთ ჩვენს მოსწავლეებს მომავალ გამოწვევებში!

#კინგსისოლიმპიადა

#მოსწავლეებისწარმატება

#განათლება #გამარჯვება

ამა წლის, 7 მარტს, გაიმართა გამოფენა პროფესიული უნარების სააგენტოს მიერ მხარდაჭერილი პროექტის – ახალგაზრდა ენთუზიასტთა ქსელი “ახალი ტალღა“ – ს ფარგლებში. ღონისძიებაში აქტიური მონაწილეობა მიიღეს სკოლა-გიმნაზიის მოსწავლეებმა, რომლებმაც თავიანთი ნამუშევრები და ინიციატივები წარმოადგინეს.

გამოფენის დათვალიერების შემდეგ გაიმართა პროექტის პრეზენტაცია, სადაც დამსწრე საზოგადოებამ მეტი ინფორმაცია მიიღო პროგრამის მიზნებისა და ახალგაზრდების ჩართულობის მნიშვნელობის შესახებ.

ღონისძიების ერთ-ერთი განსაკუთრებული ნაწილი იყო ვორქშოპი.

ეს იყო შთამბეჭდავი შემოქმედებითი პროცესი, რომელიც დამსწრე საზოგადოებისთვის დიდი ინტერესის საგნად იქცა და ვიზუალურ ხელოვნებაში ნატურალური ხატვის მნიშვნელობაზე გაამახვილა ყურადღება.

შეხვედრამ არა მხოლოდ შემოქმედებითი გარემო შექმნა, არამედ მონაწილეებს საშუალება მისცა, გაეზიარებინათ იდეები და ემსჯელათ შემდგომი თანამშრომლობის შესაძლებლობებზე.

ღონისძიება კიდევ ერთხელ ადასტურებს, რამდენად მნიშვნელოვანია ახალგაზრდებისთვის ისეთი პლატფორმების შექმნა, რომლებიც მათ განვითარებისა და თვითგამოხატვის შესაძლებლობას აძლევს.

მადლობა კოლეჯ “ ახალ ტალღა”-ს მასპინძლობისთვის!

#ახალიტალღა #ენთუზიასტთაქსელი #პროფესიულიუნარები #ნატურში_ხატვა #ახალგაზრდებისმომავალი

”დედავ - სიცოცხლის დიდო საწყისო,

დედავ - ცხოვრების ბურჯო მაგარო,

ეს გული შენი გულით ხალისობს,

შენი თვალებით ვხედავ სამყაროს.

დედავ - სიცოცხლის ტკბილო საწყისო,

დედავ - ცხოვრების დვრიტავ მაგარო,

ეს გული შენი გულით ხალისობს,

შენი თვალებით ვხედავ სამყაროს.”

ა(ა)იპ ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის Iგ კლასი სიყვარულით გილოცავთ დედის დღეს!

დამრიგებელი: ნათია ღაღაიშვილი

2025 წლის რეგისტრაცია ერთიანი ეროვნული გამოცდებისათვის, საერთო სამაგისტრო გამოცდისათვის, ასევე სტუდენტთა საგრანტო კონკურსისათვის 5 მარტს, 10:00 საათზე დაიწყება და 2 აპრილის 18:00 საათზე დასრულდება - ამ თემასთან დაკავშირებით შეფასებისა და გამოცდების ეროვნული ცენტრის დირექტორმა ნინო წერეთელმა დღეს  ბრიფინგი გამართა.

 „წელსაც ცენტრის მთავარი რჩევა გამოსაცდელებისათვის იქნება, რომ დეტალურად გაეცნონ რეგისტრაციის ინსტრუქციას და, რაც მთავარია, განსაკუთრებული ყურადღება მიაქციონ თარიღებს. ამ მხრივ, გამოსაცდელებისათვის წელს გვაქვს მცირე, თუმცა მათთვის მნიშვნელოვანი სიახლე  - იმ შემთხვევაში, თუ  ისინი გამოცდებზე რეგისტრაციის საფასურს გადაიხდიან 2 აპრილის 18:00 საათამდე, მაგრამ რაიმე მიზეზით ვერ მიიყვანენ რეგისტრაციის პროცესს ბოლომდე, მათ შესაძლებლობა ექნებათ 10 აპრილის 18:00 საათამდე დაასრულონ რეგისტრაცია“.

რეგისტრაციის გავლა შესაძლებელი იქნება ვებგვერდზე: online.naec.ge

ერთიან ეროვნულ გამოცდებზე დარეგისტრირების მსურველებმა უნდა გაითვალისწინონ, რომ რეგისტრაციის პროცესი წელსაც რამდენიმეეტაპიანია:  

ძირითად ეტაპზე - 2 აპრილის 18:00 საათამდე გამოსაცდელმა უნდა გადაიხადოს რეგისტრაციის საფასური და შეავსოს პირადი მონაცემები, აირჩიოს საგამოცდო ქალაქი, ჩასაბარებელი საგნები. საგნის შეცვლა ან დამატება, ასევე გამოცდის ენის შეცვლა აბიტურიენტებს 10 აპრილის 18:00 საათამდე შეეძლებათ. ამ დრომდე ექნებათ მათ საგამოცდო ქალაქის შეცვლის შესაძლებლობაც. 

დარეგისტრირებულ აბიტურიენტებს არაერთხელ შეეძლებათ შეცვალონ საგანმანათლებლო პროგრამების პრიორიტეტული ჩამონათვალი. მათი არჩევის, წაშლისა და გადანაცვლების საშუალება გამოსაცდელებს აპელაციების შედეგების გამოქვეყნებიდან მომდევნო დღის ჩათვლით ექნებათ. კონკრეტული თარიღი გამოქვეყნდება ვებგვერდზე www.naec.ge.

აბიტურიენტთა მეტი ინფორმირებულობის მიზნით, 2025 წელსაც გაიმართება საინფორმაციო შეხვედრები გამოსაცდელებისათვის როგორც პირისპირ, ასევე ონლაინ რეჟიმში. დეტალური ინფორმაცია შეფასებისა და გამოცდების ეროვნული ცენტრის ვებ და ფეისბუკ გვერდებზე გამოქვეყნდება. 

გაითვალისწინეთ, რომ სკოლის მოსწავლეები, რომლებიც არ სწავლობენ დამამთავრებელ კლასში, 2025 წლის ერთიან ეროვნულ გამოცდებზე არ დაიშვებიან. ცენტრი განიხილავს მომდევნო წელს არადამამთავრებელი კლასის მოსწავლეებისათვის ალტერნატიული პროექტის შეთავაზების შესაძლებლობას.

კლასები : Vა, Vბ

დამრიგებლები: ნაირა ვასაძე, მაგდა გორგილაძე

საგანი: რუსული ენა

პედაგოგი: მერი ოქროპირიძე

გაკვეთილის თემა: "ტანსაცმელი. ფეხსაცმელი"

 

გაკვეთილის მიზანი:

შევისწავლოთ ზედსართავი და არსებითი სახელების შესიტყვება სქესისა და რიცხვის გათვალისწინებით.

პროექტი: „გენური თერაპია – ალცჰაიმერისა და პარკინსონის დაავადებების განკურნების შანსი“

პროექტის ფარგლებში, რომელიც ეხება გენურ თერაპიას ალცჰაიმერისა და პარკინსონის დაავადებების მკურნალობის პერსპექტივას, მე-11 ა და მე-11 ბ კლასებში, პედაგოგ ნაირა ვასაძის ხელმძღვანელობით, გაიმართა 2014 წელს ოსკარითა და „ოქროს გლობუსით“ დაჯილდოებული ფილმის – „კიდევ ელისი“ საჯარო კინოჩვენება.

ფილმი ასახავს ალცჰაიმერის დაავადებით გამოწვეულ გამოწვევებს, რაც განსაკუთრებულად მნიშვნელოვანია მოსწავლეებისთვის თემის ღრმად გასააზრებლად. კინოჩვენების შემდეგ გაიმართა დისკუსია, სადაც მოსწავლეებმა იმსჯელეს დაავადების სოციალურ და ემოციურ მხარეებზე, ასევე გენური თერაპიის შესაძლო როლზე მის მკურნალობაში.

ვულოცავთ მოსწავლეებს საინტერესო პროექტში მონაწილეობას და ვუსურვებთ სამომავლო წარმატებებს!

პროექტი „კანფეტები“ – III ა და III ბ კლასის შემოქმედებითი მუშაობა

საგნის „მე და საზოგადოება“ , პედაგოგი ლუიზა ვერულიძე, III ა და III ბ კლასის მოსწავლეებმა წარმატებით განახორციელეს პროექტი „კანფეტები“.

პროექტის მსვლელობისას ბავშვებმა შეისწავლეს კანფეტების წარმოების პროცესი, მათი ისტორია და გავლენა საზოგადოებაზე.

მოსწავლეები აქტიურად იყვნენ ჩართული სხვადასხვა საინტერესო და შემოქმედებით აქტივობებში. მათ გამოავლინეს კვლევითი უნარები და საკუთარი იდეების პრაქტიკაში გამოყენების შესაძლებლობა.

გვინდა სიხარულით გაუწყოთ, რომ გამოქვეყნდა ეროვნული სასწავლო ოლიმპიადის მეორე ტურის შედეგები. მესამე ტურში გადავიდა ჩვენი სკოლა-გიმნაზიის XII კლასის მოსწავლე, ანნა შეყილაძე, რომელმაც ქართულ ენასა და ლიტერატურაში დააგროვა შესაბამისი საგნის ტესტის მაქსიმალურ ქულათა  50%-ზე მეტი და მოხვდა შესაბამისი კლასისა და საგნის რეიტინგული სიის პირველ ორმოცდაათ მონაწილეს შორის. ვულოცავთ ანასა და მის პედაგოგს, შორენა შავიშვილს, ამ დიდი წარმატებას!

ამა წლის 16 თებერვალს ბათუმისა და ლაზეთის მიტროპოლიტმა დიმიტრიმ (შიოლაშვილი) ბათუმის ყოვლადწმინდა ღვთისმშობლის შობის სახელობის საკათედრო ტაძარში, სრულიად საქართველოს კათოლიკოს-პატრიარქ ილია II-ის ლოცვა-კურთხევით ეპარქიის სასულიერო პირები დააჯილდოვა:

ქობულეთის მუნიციპალიტეტის სოფელ ბობოყვათის წმინდა სამთა მღვდელმთავართა სახელობის ტაძრის წინამძღვარი, დეკანოზი მიქაელ სულამანიძე, დაჯილდოვდა გამშვენებული ჯვრის ტარების უფლებით;

ქობულეთის ყოვლადწმინდა ღვთისმშობლის ტაძრად მიყვანების სახელობის ტაძრის წინამძღვარი, დეკანოზი დანიელ სოლომონიძე, დაჯილდოვდა გამშვენებული ჯვრის ტარების უფლებით;

ქობულეთის წმინდა კირიონ მეორის სახელობის ტაძრის წინამძღვარი და სკოლა- გიმნაზიის დირექტორი, დეკანოზი გაბრიელ ჟღენტი, დაჯილდოვდა გამშვენებული ჯვრის ტარების უფლებით;

ა(ა)იპ ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის მოძღვრებს ვულოცავთ დაჯილდოებას!

დღეგრძელობა, ჯანმრთელობა, მხნეობა არ მოაკლოს მათ ღმერთმა!

მრავალჟამიერ თქვენს მსახურებას!

საგანი : ქართული ენა

კლასი: Iბ, Iგ

მასწავლებელი: ირმა ბებია

მოსწავლეებმა მასწავლებლის დახმარებით საშინაო დავალების რვეულში გადმოწერეს დაჩის მილოცვა, შემდეგ პირველი კლასის რვეულის ფურცელზე რამდენიმე წინადადებით გააფორმეს მათთვის განსაკუთრებული „მისალოცი ბარათი“.

შედეგმა, როგორც ყოველთვის, მოლოდინს გადააჭარბა – ბავშვებმა საოცრად მოინდომეს და სიხარულით, სულიერი და შემოქმედებითი ელემენტებით გააფორმეს თავიანთი ტექსტები. ამ აქტივობის მიღწევა კი აჩვენებს, როგორ კარგადაა შერჩეული ჩვენი განათლების მეთოდიკა და თუ როგორ გვეხმარება ახალგაზრდების კრეატიულობის გაძლიერებაში.

გაცნობებთ, რომ კავკასიის საერთაშორისო უნივერსიტეტის მხარდაჭერით, კარიერის განვითარების სააგენტოს მიერ ზოგადსაგანმანათლებლო დაწესებულების უფროსკლასელებისათვის (X-XII კლასი) ხორციელდება ინოვაციური სასკოლო საგანმანათლებლო პროექტი "კარიერის განვითარების აკადემია".

პროექტის მიზანია ახალგაზრდებს კარიერის განვითარების მნიშვნელობის გააზრებასა და შესაბამისი პროფესიული არჩევანის გაკეთებისთვის საჭირო უნარ-ჩვევების განვითრებაში დაეხმაროს.

კარიერის განვითარების აკადემია მოიცავს 4 ძირითად ეტაპს:

1. პრაქტიკული ტრენინგები გამოცდილი სპეციალისტებისგან➢ პროფესიის არჩევის მნიშვნელობა;➢ კარიერის განვითარების გზები: უმაღლესი განათლება, პროფესიულიგანათლება;➢ საკუთარი ინტერესების შეცნობის ინდიკატორები;➢ პროფესიის არჩევის ძირითადი ფაქტორები;

2.ონლაინ სემინარები - აქტუალური პროფესიული მიმართულებით➢ სემინარები სხვადასხვა პროფესიული მიმართულებებით - პროფესიებისგაცნობა;➢ პირადი ინტერესების/ შესაძლებლობებისა და პროფესიის კავშირები

3.ინტერაქციული ვორქშოპები კარიერული უნარების განვითარებისთვის➢ იმიტირებული პროფესიული აქტივობები➢ პრაქტიკული გამოცდილება

4.მენტორინგი პროფესიის არჩევის პროცესში➢ კავშირი - „რა მინდა ?“ „რა მჭირდება?“

დაინტერესების შემთხვევაში დამატებითი ინფორმაციის მისაღებად მიმართეთ სკოლა-გიმნაზიის ადმინისტრაციას.

 

ქარიშხალმა, რომელმაც რეგიონი არაერთი გამოწვევის წინაშე დააყენა, მნიშვნელოვანი ზიანი მიაყენა სკოლა-გიმნაზიის ინფრასტრუქტურასა და გამწვანებულ ტერიტორიას. ძლიერი ქარისა და გადაუღებელი ნალექის შედეგად ეზოს მრავალწლოვანი ხეები მოიშალა, ხოლო მცენარეული საფარი მნიშვნელოვნად დაზიანდა.

თუმცა, ბუნების მიერ გამოწვეული ეს სირთულეებმა სკოლა-გიმნაზიის ადმინისტრაცია, პედაგოგიური კოლექტივი და მოსწავლეები კიდევ უფრო გააერთიანა. ერთობლივი ძალისხმევით, საგანმანათლებლო დაწესებულების ეზოს აღდგენის სამუშაოები სწრაფად დაიწყო. სკოლის ხელმძღვანელობის ინიციატივით, ადგილობრივი გარემოსდაცვითი ორგანიზაციების მხარდაჭერით, ეზოს ახალი ნარგავები შეემატა, რაც არა მხოლოდ ეკოლოგიური ბალანსის აღდგენას შეუწყობს ხელს, არამედ მომავალ თაობებს ბუნების სიყვარულისა და მოვლის კულტურას კიდევ უფრო მეტად განუვითარებს.

ახალი გამწვანების პროცესში აქტიური მონაწილეობა მიიღეს თავად მოსწავლეებმა. ისინი არა მხოლოდ თვალს ადევნებდნენ ნარგავების დარგვის პროცესს, არამედ უშუალოდ ჩაერთვნენ მცენარეების მოვლაში, რაც მათთვის ეკოლოგიური განათლების პრაქტიკული მაგალითი გახდა. განსაკუთრებული ყურადღება დაეთმო იმ ჯიშების შერჩევას, რომლებიც მდგრადია კლიმატური ცვლილებების მიმართ და სკოლისთვის მრავალწლიან სილამაზეს შეინარჩუნებს.

აღსანიშნავია, რომ სკოლის ეზოს განახლება მხოლოდ ესთეტიკური მიზნებით არ შემოიფარგლება. სპეციალისტების რეკომენდაციით, ახალდარგული მცენარეები ხელს შეუწყობს ჰაერის ხარისხის გაუმჯობესებას, მიკროკლიმატის რეგულაციას და ბუნებრივი ბარიერის შექმნას მომავალი სტიქიური მოვლენების საწინააღმდეგოდ.

ამგვარი ინიციატივები კიდევ ერთხელ უსვამს ხაზს საგანმანათლებლო დაწესებულებების როლს არა მხოლოდ ცოდნის გადაცემის, არამედ გარემოსდაცვითი პასუხისმგებლობის განვითარებაში. ქარიშხლისგან მიყენებული ზიანი შესაძლოა დროებითი აღმოჩნდეს, მაგრამ მისი შედეგად გაჩენილი ერთიანობა, შრომისმოყვარეობა და ბუნების დაცვის სურვილი – მუდმივ ღირებულებად დარჩება.

 lVა, lVბ კლასები

ხელმძღვანელები: მაიკო ყულეჯიშვილი, თეონა მელაძე

დღე სიკეთის, სიყვარულის, ბედნიერების...

ინიციატივა და სურვილი ერთმანეთის გახარების თვით ბავშვებისგან წამოვიდა. გოგონებმა ისურვეს თამაში, სიკეთის ანგელოზები ვიქნებით და თანაკლასელებს გავახარებთო, წელს ასე, მომავალში უფრო დიდები ვიქნებით და სხვებსაც გავაბედნიერებთო...

და ჩვენც დავიწყეთ...

მშობლების გვერდში დგომა ცალკე აღსანიშნია... პატარებმა ჯერ წერილებით გაუხარეს ერთმანეთს გული (ისე, რომ საკუთარი თავი არ გაუმჟღავნებიათ), მერე კი კრეატიული საჩუქრებით გაათბეს მეგობრები. მადლობა უფალს ამ დღისთვის, ამ პატარებისთვის, სიყვარულისთვის, სიხარულისთვის...

სიკეთის ანგელოზებს მრავალჟამიერი!

გიმნაზიის I გ კლასი შობა-ახალი წლის შესახვედრად მზად არის!

თავიანთი საკლასო ოთახის კუთხე-კუნჭული ნამდვილ სადღესასწაულო საოცრებად იქცა, სადაც შობის სიხარული იგრძნობა.

ფერადი განათებები და ბრწყინვალე დეკორაციები, საზეიმოდ მორთული ნაძვის ხე და აქეთ-იქით გაბნეული ხელოვნების უნიკალური დეტალები გვაგრძნობინებს, რომ ახლოვდება შობის ჯადოსნური დღეები!

ამ სილამაზის უკან დგას ჩვენი ხელოვნების მასწავლებელი და კლასის ხელმძღვანელი ნათია ღაღაიშვილი. მისი ნიჭის, სითბოსა და თავდაუზოგავი ენერგიის გარეშე ასეთი განუმეორებელი გარემოს შექმნა შეუძლებელი იქნებოდა.

პატარებისთვის სანტას ვიზიტმა ყოველგვარ მოლოდინს გადააჭარბა!სიხარულითა და აღტაცებით აღსავსე ბავშვებმა სანტას გულთბილად უმასპინძლეს. პატარებს გადაეცათ საჩუქრები, ხოლო მათ თვალებში სიხარულისა და ბედნიერების ნაპერწკალი ერთგვარად დღესასწაულის ნამდვილ მნიშვნელობას ასახავდა. ეს დღე თითოეული ბავშვისთვის დაუვიწყარ მოგონებად დარჩება!

ვულოცავთ ყველას დამდეგ შობასა და ახალ წელს! გისურვებთ მშვიდობას, სიხარულს და კეთილდღეობას თქვენს ოჯახებში და სრულუად საქართველოში!

 

ჩვენმა მეორეკლასელებმა, დამრიგებელი ირმა ოქროპირიძე, გამართეს გულისამაჩუყებელი და სითბოთი სავსე ღონისძიება - „შობას მოაქვს სიხარული”.

პატარებმა შობის მადლსა და სიხარულს ახალი ფერებით აუმაღლეს ჟღერადობა, წაიკითხეს ლექსები, იმღერეს საგალობლები და საოცარი თეატრალური წარმოდგენით გვიჩვენეს შობის არსი.

ღონისძიება იყო არა მხოლოდ დღესასწაულის მნიშვნელობის გაცნობიერება, არამედ ოჯახურ სითბოში გაზიარებული სიხარული, რომელიც ყველამ თან წამოვიღეთ. განსაკუთრებული მადლობა ბავშვების მშობლებსა და პედაგოგებს, რომლებმაც ღონისძიების წარმატებაში უდიდესი წვლილი შეიტანეს.

შობას სიხარული და სიკეთე მოეტანოს თითოეული ჩვენგანისთვის!

ერთად სიკეთე კიდევ უფრო ძლიერდება!

ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის IIIა კლასის მოსწავლეები, დამრიგებლების ნათია გოხიძისა და ლუიზა ვერულიძის ხელმძღვანელობით, ბათუმის წმინდა ეკატერინეს სახელობის მოხუცთა სავანეს ესტუმრნენ. ამ საახალწლო დღეებში ბავშვებმა სითბო და სიხარული მოუტანეს მოხუცებს – მიულოცეს დამდეგი შობა-ახალი წელი, იმღერეს, იცეკვეს და მთელი გულით გაალამაზეს მათი დღე.

ღონისძიების დასასრულს, მოსწავლეებმა თავიანთი ხელით მომზადებული საახალწლო ნობათი გადასცეს მოხუცებს, რითაც კიდევ ერთხელ გამოხატეს სითბო და სიყვარული.

ეს დღე ნამდვილ მაგალითს გვაძლევს, თუ როგორ უნდა დავაფასოთ ერთმანეთი და როგორ გავავრცელოთ სიკეთე და სითბო ირგვლივ. მადლობა ჩვენს პატარა მოსწავლეებს ,დამრიგებლებს, მშობლებს ამ შესანიშნავი ინიციატივისთვის!

 

ა(ა)იპ ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის V  კლასის მოსწავლეებს შორის გაიმართა ლიტერატურული ვიქტორინის I ტური, ქართული ენისა და ლიტერატურის მასწავლებლების, ნინო მოქიასა და თამარ ბარბაქაძის, ხელმძღვანელობით.

მოსწავლეებმა  წაიკითხეს და განიხილეს  ჯეიმს გრინვუდის  "პატარა  მაწანწალა".

 ქულები შემდეგნაირად გადანაწილდა:

"ერუდიტები" - 4 ქულა

"მკითხველები" - 3 ქულა

"ბრწყინვალე შვიდეული" - 3 ქულა

"ტვინიკოსები" - 3 ქულა

ვემზადებით შემდეგი ტურისათვის!