სიახლეები

          • XIIა კლასი - ბოლო ზარი

          • 7

            “ გასრულდა მათი ამბავი ვითა სიზმარი ღამისა…”

            ბოლო ზარი  2026

            კირიონ II-ის სახელობის სკოლა-გიმნაზიის Xll ა კლასი

            დამრიგებელი: ჯეირან ანთაძე

            მეცამეტე გამოშვება

            ძვირფასო კურსდამთავრებულებო!

            დღეს თქვენი ცხოვრების განსაკუთრებული დღეა — სრულდება ერთი მნიშვნელოვანი ეტაპი და იწყება ახალი გზა, სავსე არჩევანით, ოცნებებითა და შესაძლებლობებით.

             

            სკოლამ შეგძინათ ცოდნა, ცხოვრებისეული გამოცდილება და სულიერი ფასეულობები, რომლებიც მუდამ გაგინათებთ მომავალს.

            გვჯერა, რომ თითოეული თქვენგანი ღირსეულად გააგრძელებს ცხოვრების გზას, შეინარჩუნებს სიკეთეს, ადამიანურობას, უფლისა და სამშობლოს სიყვარულს.

             

            გისურვებთ წარმატებას, სიმტკიცეს, უფლის შეწევნასა და საკუთარი შესაძლებლობების რწმენას.

            იყავით განათლებული, მიზანდასახული და კეთილი ადამიანები, რომელთა წარმატებით ყოველთვის იამაყებს ოჯახი, სკოლა და ქვეყანა.

             

            დაე, კირიონ II-ის სახელობის სკოლა-გიმნაზიის მეცამეტე გამოშვების გზა იყოს ნათელი, წარმატებული და ბედნიერებით სავსე!

          • რა? სად? როდის?

          • ახალგაზრდული რეგიონალური ცენტრის ორგანიზებით 9 მაისს ქობულეთში, მეხუთე საჯარო სკოლაში, ჩატარდა ინტელექტუალური თამაში "რა? სად? როდის?"

            თამაშში მონაწილეობდნენ ქობულეთის საჯარო და კერძო სკოლის გუნდები. თითოეული გუნდი შედგებოდა ექვსი მონაწილისაგან.

            ქობულეთის წმინდა კირიონ მეორის სახელობის მართლმადიდებლური სკოლა-გიმნაზიას წარადგენდა  გუნდი "კაიროსი"

            კაპიტანი - ზურა რომანაძე

            ნანა დავითაძე

            ანანო ქათამაძე

            მარიამ ბეჟანიძე

            ელენე კახიძე

            ნინო ნაკაიძე

            პირველადგილოსანმა გუნდმა 14 ქულა დააგროვა, სკოლა-გიმნაზიის გუნდმა კი 10 ქულა.

            საპრიზო ადგილზე გასული გუნდები მონაწილეობას მიიღებენ აჭარის სასკოლო ჩემპიონატის ფინალურ ეტაპზე, რომელიც გაიმართება ქალაქ ბათუმში.

          • ხელსაქმის წრე – „მარჯვე ხელები“

          • 8

            გიმნაზიაში ფუნქციონირებს ხელსაქმის წრე „მარჯვე ხელები“, რომელსაც ხელმძღვანელობს პედაგოგი ნინო ვერულიძე. წრის ფარგლებში მოსწავლეები აქტიურად არიან ჩართულნი შემოქმედებით და პრაქტიკულ საქმიანობაში. წრის მიზანია მოსწავლეებისთვის ხელსაქმის სხვადასხვა ტექნიკის შესწავლა, მათი შემოქმედებითი უნარების განვითარება, შრომისმოყვარეობის, სიზუსტისა და პასუხისმგებლობის ჩამოყალიბება.

            მუშაობის პროცესში მოსწავლეები სწავლობენ ქსოვის სამ ძირითად მიმართულებას: თითებით ქსოვას, ყაისნაღით ქსოვას და ჩხირებით ქსოვას. თითოეული ტექნიკის დაუფლებისას ისინი ქმნიან მრავალფეროვან და საინტერესო ნამუშევრებს, რომლებიც გამოირჩევა ორიგინალურობით, სიზუსტითა და ესთეტიკური ღირებულებით.

            თითებით ქსოვის საშუალებით მოსწავლეები ამზადებენ მარტივ და ლამაზ აქსესუარებს, ყაისნაღით ქსოვის პროცესში ქმნიან დეკორატიულ ნივთებსა და სხვადასხვა ორნამენტს, ხოლო ჩხირებით ქსოვისას მუშაობენ უფრო რთულ ნიმუშებსა და პრაქტიკულ ნაკეთობებზე.

            მუშაობა მოსწავლეებს აძლევს შესაძლებლობას, გამოავლინონ საკუთარი შესაძლებლობები, განივითარონ შემოქმედებითი აზროვნება და დახვეწონ პრაქტიკული უნარები. მათი ნამუშევრების წარმოსაჩენად ეწყობა გამოფენა, სადაც წარმოდგენილია თითოეული მონაწილის მიერ შექმნილი ნივთები. აღნიშნული ღონისძიება კიდევ ერთხელ წარმოაჩენს მოსწავლეთა მონდომებას, შრომასა და მიღწეულ შედეგებს!

          • ტვინების ბძოლა

          • 2 მაისს გაიმართა "ტვინების ბრძოლის" რაიონული ტური, რომელშიც ჩვენი სკოლა-გიმნაზიის გუნდები მონაწილეობდა:

            "მაძიებელნი" (IIIგ კლასი, კლასის ხელმძღვანელი ირმა ოქროპირიძე);

            "აისი" (IIIგ კლასი, კლასის ხელმძღვანელი ირმა ოქროპირიძე);

            "საუნჯე" (Vა კლასი, კლასის ხელმძღვანელი თამარ ბარბაქაძე);

            "მოაზროვნე" (Vბ კლასი, კლასის ხელმძღვანელი თეონა მელაძე);

            "შემეცნება" (Vბ კლასი, კლასის ხელმძღვანელი თეონა მელაძე);

            "იბერია" (VIა კლასი, კლასის ხელმძღვანელი ნაირა ვასაძე);

            "გენიოსები" (VIIა კლასი, კლასის ხელმძღვანელი თეონა გოგიტიძე);

            "ათენა" (VIIIა კლასი, კლასის ხელმძღვანელი სოფიო რომანაძე);

            პირველადი შედეგებით რეგიონალურ ტურში ასპარეზობის უფლება, რომელიც გაიმართება 17 მაისს ბათუმის 25-ე საჯარო სკოლაში (ხალვაშის ქუჩა 102ა), შვიდმა გუნდმა მოიპოვა.

            განსაკუთრებით აღსანიშნავია გუნდ "შემეცნების" ასპარეზობა, რომელმაც U5 ასაკობრივ კატეგორიაში ქობულეთის სკოლებს შორის პირველი ადგილი დაიკავა.

            რეგიონალურ ჩემპიონატზე ერთმანეთს დაუპირისპირდებიან ბათუმის, ქობულეთისა და ხელვაჩაურის გუნდები.

            წარმატებას ვუსურვებთ ჩვენს გამარჯვებულ გუნდებს!

          • რა? სად? როდის?

          • დავით დუმბაძის სახელობის ინტელექტუალური მარათონი ბათუმში წარმატებით გაიმართა, რომელშიც ჩვენი სკოლის მოსწავლეებმაც მიიღეს მონაწილეობა.

            ჩვენმა გუნდმა შეჯიბრებაში ღირსეულად იასპარეზა და თავი გამოიჩინა როგორც მაღალი ცოდნით, ისე გამორჩეული გუნდური მუშაობისა და სწრაფი აზროვნების უნარით. თითოეულმა მონაწილემ სრულად წარმოაჩინა საკუთარი შესაძლებლობები, გამოავლინა პასუხისმგებლობის მაღალი გრძნობა, მიზანდასახულობა და მოტივაცია.

            ვულოცავთ ჩვენს მოსწავლეებს ამ მნიშვნელოვან წარმატებას და ვამაყობთ მათი მიღწევებით. გვჯერა, რომ მიღებული გამოცდილება მათ კიდევ უფრო მეტად გაუღრმავებს ცოდნისადმი ინტერესს, განუვითარებს ინტელექტუალურ უნარებს და მომავალში ახალი, კიდევ უფრო მნიშვნელოვანი წარმატებების მიღწევაში დაეხმარება.

            მადლობას ვუხდით ისტორიის პედაგოგს, მარიამ ურუშაძეს, მოსწავლეთა თანადგომისათვის!

          • Iა კლასი - მაია ყულეჯიშვილი

          • 20

            დედამიწის დღის ისტორია

            22 აპრილი გამორჩეული თარიღია, რადგან ადამიანები დედამიწის დღეს აღნიშნავენ, რათა გამოხატონ თავიანთი სიყვარული და გამოიჩინონ მზრუნველობა ჩვენი პლანეტის მიმართ. ეს ყველაფერი დაიწყო 1970 წელს, როდესაც ამერიკელმა სენატორმა გეილორდ ნელსონმა გადაწყვიტა, რომ ადამიანებისთვის აეხსნა, თუ რამდენად მნიშვნელოვანია დედამიწის დაცვა. მან მოაწყო დიდი ღონისძიება. სადაც მთელი ქვეყნიდან შეიკრიბნენ ადამიანები , რათა ესაუბრათ პლანეტის დაცვის მრავალფეროვან გზაზე.

            იმ დროს ბევრი ადამიანი იყო შეშფოთებული ჰაერის დაბინძურებისა და სხვა გარემოსდაცვითი პრობლემების გამო. მათ სურდათ დარწმუნებულიყვნენ , რომ დედამიწა კვლავ ჯანსაღი და ლამაზი ადგილი იქნებოდა მომავალი თაობებისთვის. ღონისძიებამ კარგად ჩაიარა და დედამიწის დღის აღსანიშნავ პირველ ღონისძიებაში 20 მილიონზე მეტმა ადამიანმა მიიღო მონაწილეობა!

            მას შემდეგ დედამიწის დღე გლობალურ მოვლენად იქცა, მთელ მსოფლიოში ადამიანები მას აღნიშნავენ ხეების დარგვით, ნაგვის შეგროვებითა და ინფორმაციის გავრცელებით იმის შესახებ, თუ როგორ უნდა დავიცვათ პლანეტა. მიუხედავად იმისა , რომ პატარები ვართ , შეგვიძლია დიდი ცვლილება მოვახდინოთ, თუ ერთად ვიზრუნებთ ჩვენს პლანეტაზე. თქვენ რას გააკეთებთ დედამიწის დღეს?

            l ა კლასი, კლასის ხელმძღვანელი მაია ყულეჯიშვილი, დიდი სიხარულით შეუერთდნენ დედამიწის დღის აღნიშვნას. პატარებმა დამრიგებელთან ერთად დაასუფთავეს სკოლის ეზო და საკუთარი წვლილი შეიტანეს გარემოზე ზრუნვაში. ბავშვებმა ხალისითა და პასუხისმგებლობით იმუშავეს.

            მათ კიდევ ერთხელ დაგვანახეს, რომ გარემოზე ზრუნვა მნიშვნელოვანია და დიდი ცვლილებები სწორედ ასეთი პატარა, გონივრული ნაბიჯებით იწყება.

            მადლობა ჩვენს პატარა შემოქმედებს! გვჯერა, რომ მუდამ ასეთი მზრუნველი და აქტიური მოქალაქეები იქნებით!

          • ქართული ენა და ლიტერატურა - VIIა კლასი

          • “ენა სულია ერისა”

            საგანი: ქართული ენა და ლიტერატურა

            კლასი: Vlllა

            მასწავლებელი: ირინე წულუკიძე

            დედაენის კვირეულის ფარგლებში გიმნაზიაში ჩატარდა გაკვეთილი თემაზე „ენა სულია ერისა“, რომელიც მიეძღვნა დედაენის დღეს და 1978 წლის 14 აპრილის ისტორიულ მოვლენებს.

            გაკვეთილი საინტერესო და ემოციური გამოვიდა. მოსწავლეებმა წინასწარ მოიძიეს და მოამზადეს სხვადასხვა მასალა. ამან კი საშუალება მისცა აქტიურად ჩართულიყვნენ საგაკვეთილო პროცესში. მათ ისაუბრეს ქართული ენის მნიშვნელობაზე, მის როლზე ერის ცხოვრებაში და ხაზი გაუსვეს ქართული ენის დაცვასა და გაფრთხილებას.

            გაკვეთილი მდიდარი იყო მხატვრული ნაწილითაც — მოსწავლეებმა წაიკითხეს ლექსები, რომლებიც ქართულ ენას ეძღვნებოდა. ასევე შესრულდა სიმღერა და საგალობელი, რამაც განსაკუთრებული განწყობა შექმნა და გაკვეთილს საზეიმო ელფერი შესძინა.

            მოსწავლეთა ჩართულობამ და მონდომებამ ნათლად აჩვენა მათი დამოკიდებულება მშობლიური ენის მიმართ. გაკვეთილი იყო შემეცნებითი და ამაღელვებელი, რომელმაც კიდევ ერთხელ გაუსვა ხაზი იმ აზრს, რომ ენა მართლაც ერის სულია და მისი დაცვა თითოეული ადამიანის ვალია.

          • Iგ - ლელა კენჭაძე

          • სინათლემ ისევ გაიმარჯვა სიბნელეზე, სიკეთემ ისევ გაიმარჯვა ბოროტებაზე, სიცოცხლემ ისევ აჯობა სიკვდილს...

            საფლავი ცარიელიააა...

            ქრისტე აღსდგა!

            ჭეშმარიტად აღსდგა!

            კლასი: l გ

            კლასის ხელმძღვანელი: ლელა კენჭაძე

            ჩვენი პაწაწინა ხელებით ,სიყვარულით სავსე თბილი გულებით ,დიდი მონდომებითა და სიხარულით ვემზადებოდით ბრწყინვალე აღდგომის შესახვედრად. თითოეულ დეტალში ჩავაქსოვეთ სითბო, სიკეთე და გულწრფელი სიყვარული, რათა ეს დღე განსაკუთრებული და დაუვიწყარი გამხდარიყო.

            ეს დღე არის იმედის, სინათლის და სიყვარულის დღესასწაული. ეს არის დრო, როცა ერთმანეთს მეტად ვუფრთხილდებით, ვუზიარებთ სიხარულს და გულებში ვანთებთ კეთილ სურვილებს. ჩვენც, როგორც ერთი დიდი ოჯახი, ამ ნათელ დღეს ვხვდებით სიხარულით, ერთობითა და სიყვარულით, რომელიც გვაერთიანებს და გვაძლიერებს.

            გვინდა, ამ ბრწყინვალე დღეს თითოეულ თქვენგანს ვუსურვოთ მშვიდობა, ჯანმრთელობა, სითბო და ბედნიერება.

            დაე, აღდგომის მადლი შემოვიდეს თქვენს სახლებში, გაანათოს თქვენი გულები და მოგიტანოთ ახალი იმედი, რწმენა და სიყვარული.

            გილოცავთ აღდგომის ბრწყინვალე დღესასწაულს!

            ქრისტე აღსდგა!

            ჭეშმარიტად აღსდგა!

          • IIგ კლასი - ნათია ღაღაიშვილი

          • ქრისტე აღსდგა!

            ჭეშმარიტად აღსდგა!

            მართლმადიდებლური სკოლა-გიმნაზიის ||_გ კლასი გილოცავთ აღდგომის ბრწყინვალე დღესასწაულს!

            ქრისტეს აღდგომა არის ცოდვისა და სიკვდილის ძლევა, რომელიც ადამიანს აძლევს ხსნის იმედსა და მარადიული სიცოცხლის გზას. ქრისტეს აღდგომის სიხარულმა განამტკიცოს ჩვენი რწმენა და აავსოს გულები მშვიდობითა და სიყვარულით!

            მადლობა ჩვენს მუსიკის მასწავლებელს, რომლის შრომა მოსწავლეებში შემოქმედებითი ნიჭის განვითარებას უწყობს ხელს! სოფო, გვიყვარხარ, სიყვარულით მართლმადიდებლური სკოლა-გიმნაზიის || გ კლასის ხელმძღვანელი: ნათია ღაღაიშვილი

          • Iბ კლასი - სალომე ანთაძე

          • ქრისტე აღდგა!

            ჭეშმარიტად აღდგა!

            გილოცავთ აღდგომის ბრწყინვალე დღესასწაულს!

            ეს უდიდესი სულიერი მნიშვნელობის დღე გვახსენებს სიყვარულის, იმედისა და სიცოცხლის მარადიულ გამარჯვებას.

            გისურვებთ ჯანმრთელობას, სულიერ სიმშვიდეს, სიხარულსა და კეთილდღეობას.

            დაე, აღდგომის ნათელმა თქვენი სახლები აავსოს სითბოთი, სიკეთითა და ჰარმონიით, ხოლო თითოეული ახალი დღე გახდეს წარმატებისა და კეთილი საქმეების დასაწყისი.

            გისურვებთ, რომ თქვენს გულებში მუდამ სუფევდეს სიყვარული, თანაგრძნობა და ურთიერთპატივისცემა.

            პატივისცემით,

            I ბ კლასი

            კლასის ხელმძღვანელი: სალომე ანთაძე

          • Iა კლასი - მაია ყულეჯიშვილი

          • ქრისტე აღსდგა!

            ჭეშმარიტად აღსდგა!

            კლასი: l ა

            კლასის ხელმძღვანელი: მაია ყულეჯიშვილი

            პატარა, გულწრფელი და მონდომებული მოსწავლეები განსაკუთრებული სიყვარულითა და სიხარულით მოემზადნენ აღდგომის ბრწყინვალე დღესასწაულისთვის. მათ საკუთარი ხელით დარგეს სიცოცხლის სიმბოლო — ჯეჯილი, დიდი გულმოდგინებით დაამზადეს სააღდგომო მისალოცი ბუკლეტები, იგალობეს და ამ ყველაფერში ჩადეს სითბო, რწმენა და ბავშვური სიწმინდე. ისინი დიდი სიყვარულითა და სიხარულით გილოცავენ ამ ნათელ დღესასწაულს.

            გისურვებთ სიხარულით, მშვიდობითა და სიყვარულით სავსე ცხოვრებას. ქრისტეს აღდგომის მადლი მუდამ გფარავდეთ და თქვენს ოჯახებში სუფევდეს ბედნიერება და კეთილდღეობა.

            ქრისტე აღსდგა!

          • ”საქარველოვ, შენ ვინ მოგცა შვილი დასაკარგავი!“

          • 2

            ”საქარველოვ, შენ ვინ მოგცა შვილი დასაკარგავი!“

            კლასი: lX ა

            კლასის ხელძღვანელი : მთვარისა ჯინჭარაძე

            ღონისძიება მიეძღვნა ჩვენი ქვეყნისთვის ერთ-ერთ ყველაზე ტრაგიკულ თარიღს და კიდევ ერთხელ გააცოცხლა ის ტკივილი, რომელიც 9 აპრილს უკავშირდება. ამავდროულად, ყურადღება გამახვილდა იმ სევდასა და განცდებზე, რასაც საქართველო დღეს განიცდის – პატრიარქის დაკარგვით გამოწვეულ საერთო ეროვნულ მწუხარებაზე.

             

            ღონისძიებამ გააერთიანა სხვადასხვა თაობის ადამიანები, კიდევ ერთხელ შეგვახსენა ჩვენი ისტორიის სიმძიმე და დაგვანახვა ერთიანობის და პატივისცემის მნიშვნელობა.

            ჩვენ ვიხსენებთ წარსულს, ვგრძნობთ დღევანდელ ტკივილს და ერთად ვქმნით მომავალს!

          • ტვინების ბრძოლა - გაზაფხულის სეზონი

          • 18

            "ტვინების ბრძოლა" არის გუნდური ინტელექტუალური თამაში სკოლის მოსწავლეებისათვის. ერთ სივრცეში განლაგებული გუნდები პასუხობენ წამყვანის მიერ გაჟღერებულ შეკითხვებს. თემატიკა არის ზოგადი, შეკითხვები კი დაფუძნებულია ლოგიკური და ანალიტიკური აზროვნების უნარზე. ტვინების ბრძოლა იმართება სამ ასაკობრივ კატეგორიაში:

            I ასაკობრივი კატეგორია (III, IV, V კლასი);

            II ასაკობრივი კატეგორია (VI, VII, VIII კლასი).

            III ასაკობრივი კატეგორია (IX, X, XI, XII კლასი).

            პირველადგილოსანმა გუნდებმა:

            "საუნჯე" - Vა კლასი (დამრიგებელი: თამარ ბარბაქაძე);

            "ათენა" - VIIIა კლასი (დამრიგებელი: სოფიო  რომანაძე)

            მოიპოვეს გამარჯვების დამადასტურებელი დიპლომები და ასპარეზობის უფლება "ტვინების ბრძოლის" საქალაქო ჩემპიონატზე.

            ვულოცავთ გუნდებს და მომდევნო ტურებშიც  წარმატებას ვუსურვებთ!

          • ჩვენ ვსწავლობთ ბიბლიას

          • 2026 წლის 30 მარტს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის ორგანიზებით ჩვენს სკოლა-გიმნაზიაში გაიმართა ინტელექტუალური კონკურსი - „ჩვენ ვსწავლობთ ბიბლიას“, რომელშიც მონაწილეობდნენ ჩოხატაურის ყოვლადწმიდა ღვთისმშობლის სახელობის  მართლმადიდებლური სკოლის გუნდი "მეთერთმეტე ჟამის მუშაკნი" და ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის გუნდი "ივერონი". 

            კონკურსი - „ჩვენ ვსწავლობთ ბიბლიას“ უკვე მე-16 წელია მიმდინარეობს, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II- ის ლოცვა-კურთხევითა და საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის ორგანიზებით.

            კონკურსის მხარდამჭერები არიან: საქართველოს განათლებისა და მეცნიერების სამინისტრო, საქართველოს საპატრიარქოს ტელევიზია „ერთსულოვნება“.

            ინტელექტუალურ კონკურსში - „ჩვენ ვსწავლობთ ბიბლიას“ მონაწილეობენ საქართველოში არსებული საჯარო სკოლები და სასულიერო გიმნაზიები.

            ორი თამაშის ქულათა გათვალისწინებით მომდევნო ეტაპზე გადავიდა გუნდი "მეთერთმეტე ჟამის მუშაკნი". ვულოცავთ მონაწილებს ამ წარმატებას, ჩვენი გუნდი კი აქტიურად განაგრძობს მზადებას მომდევნო სასწავლო წლისათვის.

             

          • რა? სად? როდის?

          • 18

            სენაკის წმ. ალექსი შუშანიას სახელობის სკოლა-გიმნაზიაში , 3 აპრილს ჩატარდა მორიგი თამაში -- რა? სად? როდის?

            პირველი თამაში ჩაატარა ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის გუნდმა - თათია ბოლქვაძის ექვსეულმა.

            მეორე თამაში სკოლა-გიმნაზიის გუნდმა - ელენე გვასალიას ქვსეულმა.

            ძალიან საინტერესო, დაძაბული და ემოციური შეხვედრები შედგა. სექტორ სტუმარში მოწვეულნი იყვნენ ქართული ენისა და ლიტერატურის პედაგოგი და ახალი საქართველოს უნივერსიტეტის ასოცირებული პროფესორი - ნანა თავართქილაძე და არქეოლოგი, ნოქალაქევის ქართულ-ინგლისური არქეოლოგიური ექსპედიციის წევრი და მასწავლებელი -- დავით ალანია.

            სტუმრების გუნდის საუკეთესო მოაზროვნედ დასახელდა ლუკა მგელაძე. საუკეთესო კითხვის ავტორი კი გახდა - გიორგი მესხია, სტუდენტი თბილისიდან.

            ელენე გვასალიას ექვსეულში საუკეთესო მოაზროვნის ტიტული მოიპოვა ნინი მელქაძემ. გუნდის კაპიტანს კი ყავის და ჩაის სახლმა ,,ართომ" გადასცა 50 ლ. ვაუჩერი, ხოლო საუკეთესო კითხვის ავტორი გახდა გიმნაზიის კურსდამთავრებული დუტა ჩიქობავა.

            ჩვენი გიმნაზიის სახელით გულითად მადლობას ვუხდით სკოლა-გიმნაზიას საინტერესო და შემეცნებითი ინტელექტუალური თამაშის – „რა? სად? როდის?“ – ორგანიზებისა და მასპინძლობისთვის. აღნიშნულმა ღონისძიებამ ჩვენს მოსწავლეებს მისცა შესაძლებლობა გამოეჩინათ ცოდნა, ლოგიკური აზროვნება და გუნდური მუშაობის უნარები.

            განსაკუთრებით ვაფასებთ თამაშის მაღალ დონეზე ჩატარებას, მეგობრულ გარემოსა და იმ დადებით ემოციებს, რაც ამ დღემ თითოეულ მონაწილეს მოუტანა. ასეთი აქტივობები მნიშვნელოვან როლს ასრულებს ახალგაზრდების განვითარებაში და მათ მოტივაციაში.

            ვიმედოვნებთ, რომ ჩვენი თანამშრომლობა მომავალშიც გაგრძელდება და კიდევ არაერთ საინტერესო შეხვედრას ერთად გავატარებთ.

            კიდევ ერთხელ გიხდით მადლობას გულთბილი მასპინძლობისა და დაუვიწყარი გამოცდილებისთვის.

          • კლასსაათი თემაზე „პატრიარქის ღვაწლის გახსენება“

          • 1

            კლასსაათი თემაზე — „პატრიარქის ღვაწლის გახსენება“

            კლასი: X ა

            კლასის ხელმძღვანელი : ნინო მოქია

            მოსწავლეების მხრიდან შეხვედრა იქცა გულწრფელი მადლიერების, სიყვარულისა და პატივისცემის გამოხატულებად.

            შეუფასებელია მისი ღვაწლი ჩვენი ქვეყნის წინაშე ! მისმა უანგარო სიყვარულმა, სიბრძნემ და თავმდაბლობამ შეძლო ადამიანების გაერთიანება, იმედის გაღვივება და სულიერი ფასეულობების განმტკიცება ჩვენს საზოგადოებაში.

            მოსწავლეებმა განსაკუთრებული გულისხმიერებით მოამზადეს სიტყვები პატრიარქის ცხოვრების, მოღვაწეობისა და მისი სულიერი გზავნილების შესახებ. თითოეული გამოსვლა იყო გულიდან წამოსული, სითბოთი და მადლიერებით სავსე.

            კლასსაათი დამშვენდა პატრიარქის საგალობლით — „წმინდაო ღმერთო“, რომლის შესრულებამ განსაკუთრებული სულიერი განწყობა შექმნა ჩვენს გულებში.

            მადლობა ჩვენო პატრიარქო ყველაფრისთვის — თქვენი სიყვარულისთვის, ლოცვისთვის, სიბრძნისთვის.