სიახლეები

          • IIIგ კლასი - დამრიგებელი ირმა ოქროპირიძე

          • 9

            კლასი: მე-3 გ

            დამრიგებელი: ირმა ოქროპირიძე

            საგანი: ქართული ენა და ლიტერატურა

            მას შემდეგ, რაც მესამე კლასელებმა კლასგარეშე კითხვის ფარგლებში ინტერესით წაიკითხეს „პეპი გრძელწინდა“ და შეიყვარეს მისი თავგადასავლები, მათ გადაწყვიტეს საყვარელი გმირი სცენაზეც ენახათ. სწორედ ამიტომ დაესწრნენ ამავე სახელწოდების სპექტაკლს, რომელმაც ბავშვებზე განსაკუთრებული შთაბეჭდილება მოახდინა.

            სცენაზე მათ იხილეს ცელქი, უშიშარი და საოცრად მხიარული გოგონა, რომელსაც აქამდე მხოლოდ წიგნის ფურცლებზე ხვდებოდნენ. ცოცხალმა თამაშმა, ფერადმა დეკორაციებმა და მხიარულმა ეპიზოდებმა პერსონაჟი კიდევ უფრო ახლობელი და რეალური გახადა.

            მოსწავლეებმა ინტერესით გაავლეს პარალელები ნაწარმოებსა და სპექტაკლს შორის, იმსჯელეს მსგავსებებსა და განსხვავებებზე და კიდევ ერთხელ ჩაუღრმავდნენ პერსონაჟების ხასიათებსა და ამბის მთავარ იდეებს.

            ეს დღე ნაყოფიერი და დასამახსოვრებელი აღმოჩნდა — წიგნიდან დაწყებული მოგზაურობა თეატრის სცენაზე გაგრძელდა, ხოლო ბავშვები ახალი შთაბეჭდილებებითა და ემოციებით დაბრუნდნენ სკოლაში.

          • IIა კლასი - წიგნის ხმამაღლა კითხვის დღე

          • წიგნის ხმამაღლა კითხვის საერთაშორისო დღე ჩვენს სკოლა-გიმნაზიაში

            მასწავლებელი სოფიო ოქროპირიძე

            წიგნის ხმამაღლა კითხვის საერთაშორისო დღის აღსანიშნავად , ჩვენი სკოლა-გიმნაზიის მეორე ა კლასის მოსწავლეებმა განსაკუთრებული, თბილი და შემეცნებითი აქტივობა მოაწყვეს. მოსწავლეები ერთმანეთს აცნობდნენ თავიანთ საყვარელ წიგნებს, ხმამაღლა კითხულობდნენ საინტერესო ამონარიდებს და ამავე დროს ერთობლივად განიხილავდნენ ლიტერატურულ პერსონაჟებსა და ისტორიებს.

            აქტივობის მიზანი იყო წიგნის სიყვარულის გაღვივება , კითხვის უნარების განვითარება და იმის შეგრძნება, რომ წიგნი საუკეთესო მეგობარია . ეს დღე სავსე იყო ბავშვური სიცილით , ინტერესით და ცოდნის მიღების სურვილით.

            ვამაყობთ ჩვენი პატარა მკითხველებით ,რომლებიც გვიმტკიცებენ, რომ კითხვა არის ცოდნის , წარმოსახვის და წარმატებისკენ მიმავალი ყველაზე ლამაზი გზა.

          • ჩვენ ვსწავლობთ ბიბლიას

          • სკოლა-გიმნაზიის წარმატება ინტელექტუალურ თამაშში “ჩვენ ვსწავლობთ ბიბლიას”

            ყოველწლიურად, პატრიარქის კურთხევით, იმართება ინტელექტუალური თამაში “ჩვენ ვსწავლობთ ბიბლიას”, რომელშიც წარმატებით იასპარეზეს ჩვენი სკოლის მოსწავლეებმა.

            გიმნაზიის წარმომადგენელმა გუნდმა, მასწავლებელი ანნა გორგასლიძე, ღირსეულად შეასრულეს დაკისრებული დავალებები და ღირსეულ მეტოქეებთან – ჩოხატაურის გიმნაზიის მოსწავლეებთან – მეორე ადგილი დაიკავეს.

            მოსწავლეები გააგრძელებენ მონაწილეობას კონკურსის მომდევნო ეტაპზე, სადაც კვლავ წარმოაჩენენ საკუთარ ცოდნას, შემართებასა და თანაგუნდურ სულიერებას.

            ჩვენი სკოლა გულწრფელად ულოცავს გუნდს წარმატებულ გამოსვლას და უსურვებს მოსწავლეებს მომავალ ეტაპზე საუკეთესო შედეგებს.

          • ლიტერატურული ვიქტორინა - II კლასი

          • 45

            მართლმადიდებლური სკოლა-გიმნაზიის მეორე კლასელთათვის ჩატარდა ლიტერატურული ვიქტორინა კარლო კოლოდის უკვდავი ნაწარმოების — „პინოქიოს თავგადასავალი“ — მიხედვით.

            ღონისძიებაში მონაწილეობა მიიღეს II ა, ბ და გ კლასების მოსწავლეებმა, რომლებმაც კიდევ ერთხელ დაამტკიცეს, რომ წიგნი, თამაში და სწავლა ერთად ნამდვილ სიხარულად შეიძლება იქცეს.

            ვიქტორინა გამოირჩეოდა საინტერესო, მრავალფეროვანი და შემოქმედებითი აქტივობებით, რომლებმაც სამივე კლასის მოსწავლეები გააერთიანა საერთო მიზნის ირგვლივ. ბავშვები დიდი მონდომებითა და სიხარულით ჩაერთნენ თითოეულ დავალებაში, გამოავლინეს ლიტერატურული ცოდნა, სისწრაფე, დაკვირვების უნარი და რაც ყველაზე მთავარია — გუნდური მუშაობის შესანიშნავი მაგალითი აჩვენეს.

            ღონისძიებას განსაკუთრებული სითბო და ხალისი შემატა მშობელთა ჩართულობამ. მათთან ერთად თამაში, მხარდაჭერა და გულშემატკივრობა კიდევ ერთხელ გვახსენებს, რომ სწავლა და სიხარული ასაკს არ სცნობს და რომ სკოლა არის სივრცე, სადაც ბავშვები, მშობლები და პედაგოგები ერთ დიდ, მეგობრულ ოჯახად ერთიანდებიან.

            ვიქტორინის დასასრულს მონაწილეები ჟიურიმ შეაფასა და ყველა გუნდი სამახსოვრო სიგელებით დააჯილდოვა. თუმცა, ამ დღის მთავარი გამარჯვებული მაინც მეგობრობა, ურთიერთპატივისცემა და ერთობა იყო — ის ღირებულებები, რომლებიც ასეთი ღონისძიებების დროს ბუნებრივად ყალიბდება.

            დიდი მადლობა თითოეულ მოსწავლეს აქტიური მონაწილეობისთვის, მშობლებს — გულწრფელი ჩართულობისა და მხარდაჭერისთვის, და ყველა იმ ადამიანს, ვინც ეს დღე სითბოთი, ღიმილითა და დადებითი ემოციებით სავსე, დაუვიწყარ მოგონებად აქცია.

            დამრიგებლები:

            სოფიო ოქროპირიძე

            ირმა ბებია

            ნათია ღაღაიშვილი

          • ალილო

          • 6

            “ისევ გადაიშალა ჟამთა ბრუნვის ერთი ფურცელი, ისევ ინათა ვარსკვლავმა ბეთლემის თავზე და მოვიდა დიდებული დღე ქრისტეს შობისა. ანგელოზთა გუნდნი ისევ მოჰფენენ ნაცნობ ჰანგებს ცასა და ქვეყანას: “დიდება მაღალთა შინა ღმერთსა, ქვეყანასა ზედა მშვიდობა და კაცთა შორის სათნოება...”

            ქობულეთის წმინდა კირიონ მეორის სახელობის მართლმადიდებლური სკოლა- გიმნაზია გოლოცავთ შობის ბრწყინვალე დღესასწაულს!

          • IIგ კლასი - ხელმძღვანელი ნათია ღაღაიშვილი

          • 27

            ძვირფასო მასწავლებლებო, მშობლებო და მეგობრებო,

            მეორე კლასელები გულით გილოცავთ დამდეგ შობასა და ახალ წელს!

            გისურვებთ ჯანმრთელობას, სიხარულს, ბედნიერ დღეებს და ბევრ ღიმილს.

            ახალი წელი ყოფილიყოს წარმატებებით, სიყვარულით და კეთილი ამბებით სავსე.

            ჩვენ გპირდებით, რომ ახალ წელსაც მონდომებით ვისწავლით და კიდევ უფრო გავიზრდებით!

            სიყვარულით,

            II გ კლასელები

            დამრიგებელი : ნათია ღაღაიშვილი

          • ეროვნული სასწავლო ოლიმპიადის მეორე ტური 9 -14 იანვარს ჩატარდება

          • 2025-2026 სასწავლო წლის ეროვნული სასწავლო ოლიმპიადის მეორე ტური მთელი საქართველოს მასშტაბით 9 იანვრის 10:00 საათზე დაიწყება და 14 იანვარს დასრულდება. დეტალები მითითებულია მოსაწვევზე, რომლის ამობეჭდვას ზოგადსაგანმანათლებლო დაწესებულებები დღეიდან შეძლებენ ამ ბმულის გამოყენებით: https://online1.naec.ge/olimp/Login.aspx 

            მოსწავლეებმა უნდა გაითვალისწინონ, რომ  I სესიაზე რეგისტრაცია დაიწყება 09:30 საათზე, ხოლო ტესტირება  - 10:00 საათზე. II სესიაზე რეგისტრაცია  - 14:30 საათზე, ტესტირება კი 15:00 საათზე დაიწყება. დეტალური ინფორმაცია ტესტირების ადგილისა და დროის თაობაზე მითითებული იქნება მოსაწვევზე, რომლისთვისაც მოსწავლემ უნდა მიმართოს სკოლის ადმინისტრაციას. 

            მოსაწვევი და პირადობის დამადასტურებელი დოკუმენტი, პასპორტი, დაბადების მოწმობა ან ფოტოსურათიანი ცნობა, რომელსაც გასცემს სკოლის ადმინისტრაცია მოსწავლემ უნდა წარმოადგინოს ტესტირებამდე რეგისტრაციის გავლისას.

            ტესტირება ჩატარდება: 

             9 იანვარს:

            10:00 საათზე - ქართულ ენასა და ლიტერატურაში და ქართულ ენაში არაქართულენოვანი ზოგადსაგანმანათლებლო დაწესებულების მოსწავლეებისათვის;

            15:00 საათზე - ისტორიაში; 

             11 იანვარს:

            10:00 საათზე - მათემატიკაში;

            15:00 საათზე - ინგლისურ ენაში; 

             12 იანვარს:

            10:00 საათზე - ფიზიკაში;

            15:00 საათზე - გეოგრაფიაში; 

             13 იანვარს:

            10:00 საათზე - ქიმიაში;

            15:00 საათზე - გერმანულ ენაში;  

             14 იანვარს:

            10:00 საათზე - ბიოლოგიაში;

            12:30 საათზე - რუსულ ენაში (რეგისტრაცია დაიწყება 12:00 საათზე);

            15:00 საათზე - ფრანგულ ენაში.  

          • ხელსაქმის წრე

          • 6

            სკოლა-გიმნაზიაში წარმატებით ფუნქციონირებს ხელსაქმის წრე „მარჯვე ხელები“, ამჟამად მოეწყო მოსწავლეთა ნამუშევრების გამოფენა, სადაც წარმოდგენილი იყო. ბავშვების მიერ შესრულებული, ალმასებით ქარგვის ტექნოლოგით შექმნილი, მრავალფეროვანი და საინტერესო ნამუშევრები.

            თითოეული ნამუშევარი გამოირჩევა სიზუსტით, ესთეტიკური გემოვნებითა და შემოქმედებითი მიდგომით, რაც ნათლად ასახავს მოსწავლეთა შრომისმოყვარეობასა და მხატვრულ უნარებს.

            წრის ხელმძღვანელი, ნინო ვერულიძე, მიზანმიმართულად უწყობს ხელს მოსწავლეებში ხელსაქმისადმი ინტერესის გაღვივებას, წვრილი მოტორიკის, მოთმინებისა და შემოქმედებითი აზროვნების განვითარებას. აღსანიშნავია, რომ წრის საქმიანობა სამომავლოდ კიდევ უფრო გაფართოვდება და დაგეგმილია ხელსაქმის სხვადასხვა მიმართულების შესწავლა, მათ შორის ქსოვა, ქარგვა, ძერწვა და სხვა ტექნიკები, რაც მოსწავლეებს მრავალმხრივ განვითარების შესაძლებლობას მისცემს და მათ შემოქმედებით პოტენციალს კიდევ უფრო გაამდიდრებს!

          • სასკოლო ღონისძიება "შობის ანგელოზები"

          • 13

            1977 წლის, 25 დეკემბერს საქართველოს სამოციქულო ეკლესიის XII საეკლესიო კრებამ, 45 დელეგატის არჩევანით საქართველოს მართლმადიდებელი ეკლესიის 141-ე საჭეთმპყრობლად ერთხმად აირჩია ცხუმ-აფხაზეთის მიტროპოლიტი ილია შიოლაშვილი

            ვულოცავთ მის უწმინდესობასა და უნეტარესობას, სრულიად საქართველოს კათოლიკოს-პატრიარქს, მცხეთა თბილისის მთავარეპისკოპოსს და ბიჭვინთისა და ცხუმ-აფხაზეთის მიტროპოლიტ ილია II-ს აღსაყდრებიდან 48 წლისთავს.

            შევთხოვოთ ღმერთს, რომ წარგვიძღვეს წინ... რომ ქართული ეკლესიების ზარების რეკვა წინანდებურად ომისა და უბედურების მაცნე კი არ ყოფილიყოს ჩვენი ერისთვის, არამედ სარწმუნოების, სასოების, სიყვარულის, შრომისა და სიკეთის ზეიმისა“, -

            ამ დღესთან დაკავშირებით სკოლა- გიმნაზიაში გაიმართა სასკოლო ღონისძიება "შობის ანგელოზები”

            ზღვა ემოცია და დაუვიწყარი წუთები გვაჩუქა ჩვენმა აღსაზრდელებმა, მადლობა

            ჩვენო პატარებო, გვიყვარხართ და გვეამაყებით

            თუ საქართველო წმინდა ჯვარია, -

            ნატრობ, -სამოთხის კართან იყოსო...

            თქვენი სიცოცხლე ერს უხარია,

            მრავალჟამიერ, კათალიკოსო!

          • ტვინების ბრძოლა - ფინალი

          • 21 დეკემბერს "ტვინების ბრძოლის" ფინალური ტური გაიმართა, რომელშიც ა(ა)იპ ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის სამი გუნდი მონაწილეობდა:

            "მწიგნობარი" (Vა კლასი, დამრიგებელი: თამარ ბარბაქაძე),

            "ათენა" (VIIIა კლასი, დამრიგებელი: სოფიო რომანაძე),

            "სიბრძნის ქარავანი" (XIა კლასი, დამრიგებელი: ზამირა მახარაძე),

            ფინალამდე გუნდებმა სასკოლო, საქალაქო და სარაიონო ტურები  წარმატებით გადალახეს და 3590 გუნდიდან საუკეთესო შედეგის მქონე მონაწილეთა შორის ღირსეულად იასპარეზეს!

            სასკოლო საზოგადოების სახელით ვულოცავთ და მადლობას ვუხდით გუნდებს! 

            ფინლურ ტურში მონაწილე გუნდები დაჯილდოვდნენ სერტიფიკატებითა და ზამთრის ბანაკის ვაუჩერებით!

             

          • საშობაო იგავი

          • მესამე კლასში ბავშვებმა უყურეს ანიმაციურ ფილმს “საშობაო იგავი”. იგავმა მათ გააცნო სიკეთის, სიყვარულისა და ერთმანეთის დახმარების მნიშვნელობა. მოსწავლეებმა დიდი ინტერესით უყურეს და ემოციებით სავსე შთაბეჭდილებები გაუზიარეს ერთმანეთს. ასეთი გაკვეთილები ბავშვებს ადამიანურ ღირებულებებს ასწავლის და მათ გულებში სითბოსა და სიხარულს თესავს.

          • რუსული ენა - VIა და VIბ კლასი

          • 17

            კლასი: VIა და VIბ

            დამრიგებლები: ნაირა ვასაძე და სოფიო მჟავანაძე

            საგანი: რუსული ენა

            მასწავლებელი: მერი ოქროპირიძე

            პროექტის თემა: "წერილი თოვლის ბაბუას"

            მეექვსე კლასში საინტერესო და სასიამოვნო გაკვეთილი გვქონდა. თოვლის ბაბუას წერილები დავწერეთ, სადაც ჩვენი სურვილები, ოცნებები და ახალი წლის მოლოდინი გამოვხატეთ. ეს აქტივობა ძალიან მოეწონათ ბავშვებს, რადგან ფანტაზიის გამოყენება, წერითი უნარების განვითარება და პოზიტიური ემოციების გაზიარება შევძელეს. გაკვეთილმა საახალწლო განწყობა შეუქმნა და ყველას კარგი ხასიათი დაუტოვა .

          • გილოცავთ ნიკოლოზობას!

          • 7

            მართლმადიდებლური სკოლა-გიმნაზია გილოცავთ ნიკოლოზობას!

            ტროპარი: კანონად სარწმუნოებისა და ხატად სიმშვიდისა და მოძღვრად მარხვისა გყო შენ ქრისტემან, სამწყსოსა შენისათვის ჭეშმარიტებით, ამისთვისცა მოიგე სიმდაბლითა სიმაღლე და სიგლახაკითა სიმდიდრე, წმიდაო მღვდელთმთავარო ნიკოლოზ, ევედრე ქრისტესა ღმერთსა შეწყალებად სულთა ჩვენთათვის.

            კონდაკი: მირონთ გამო, წმიდაო, მსხვერპლის შემწირველად გამოსჩნდი, რამეთუ შენ ქრისტეს სახარებაჲ აღასრულე და დასდევ სული შენი ერისა მისთვის შენისა, და იხსენ უბრალონი სიკვდილისაგან; ამისთვისცა წმიდა იქმენ შენ, დიდი მესაიდუმლე მადლისა ღმრთისა.

          • შემოქმედებითი გამოფენა - ჩვენი საშობაო ფერები

          • 15

             ქობულეთის მუზეუმში, გაიხსნა ბავშვთა შემოქმედებითი გამოფენა „#ჩვენი_საშობაო_ფერები“.

            გამოფენაზე წარმოდგენილი იქნა სტუდია–სახელოსნო #ARTrom-ის მოსწავლეების 52 ნამუშევარი, რომლებიც ასახავს ბავშვურ ხედვას, ფერთა მრავალფეროვნებასა და წინასაახალწლო განწყობას.

            გამოფენაში მონაწილეობა მიიღეს სკოლა- გიმნაზიის მოსწავლეებმაც!

            მრავალ ბარბარობას დაგასწროთ უფალმა!

          • რუსული ენა - IXა და IXბ კლასი

          • 29

            კლასი:IXა და IXბ

            საგანი: რუსული ენა

            მასწავლებელი: მერი ოქროპირიძე

            პროექტის თემა: "ალექსანდრე გრიბოედოვისა და ნინო ჭავჭავაძის ტრაგიკული სიყვარულის ისტორია"

          • რაიონული პირველობა ჭადრაკში

          • ა(ა)იპ ქობულეთის კომპლექსური სასპორტო სკოლის, თენგის ხალვაშის სახელობის ღია რაიონულ ჭადრაკის ტურნირში 8, 10 და 12 წლამდე ასაკის ჭაბუკთა და გოგონათა შორის ჩვენი გიმნაზიის მოსწავლეებმა წარმატებით იასპარეზეს!

            გილოცავთ გიმნაზიელებო!

          • საერთაშორისო კონკურსი მენტალურ არითმეტიკაში

          • საქართველომ 6–7 დეკემბერს უმასპინძლა UCMAS-ის საერთაშორისო შეჯიბრებას და მსოფლიო თასს 2025, რომელიც საქართველოს ეროვნული უნივერსიტეტი სეუ • Georgian National University SEU-ში გაიმართა.

            UCMAS-ის საერთაშორისო კონკურსი და მსოფლიო თასი 2025 წელს კავკასიის რეგიონში ერთ-ერთ ყველაზე მასშტაბურ საგანმანათლებლო მოვლენად იქცა.

            მენტალური არითმეტიკის საერთაშორისო შეჯიბრმა გააერთიანა 84-ზე მეტი ქვეყნის 1,500-მდე მოსწავლე და 4,000-ზე მეტი სტუმარი — მათ შორის პედაგოგები და განათლების მიმართულებით ოფიციალური პირები მთელი მსოფლიოდან.

            ამ კონკურსის მესამე საპრიზო ადგილის მფლობელი გახდა ჩვენი გიმნაზიის VII ა კლასის მოსწავლე ნიკოლოზ ხადური!

            ეს ღონისძიება იყო არა მხოლოდ კონკურსი, არამედ კოგნიტიური ბრწყინვალების, საერთაშორისო ერთობისა და ახალგაზრდების უსაზღვრო შესაძლებლობების ზეიმი.

            ვულოცავთ ნიკოლოზს ამ დიდ გამარჯვებას და ვუსურვებთ უფრო დიდ წარმატებებს!

          • I ადგილი - მათე მახარაძე

          • საქართველოს ჩემპიონატი კიოკუშინკაი კარატეში ბავშვთა და მოზარდთა შორის, -40 კგ კატეგორიაში პირველი ადგილი დაიკავა სკოლა- გიმნაზიის lll კლასის მოსწავლემ მათე მახარაძემ.

            ვულოცავთ პატარა გიმნაზიელს ამ დიდ გამარჯვებას და ვუსურვებთ წარმატებებს მომავალში!

          • საახალწლო სამზადისი Iა კლასში

          • 5

            გიმნაზიაში საახალწლო სამზადისი განსაკუთრებული სიხარულით მიმდინარეობს.

            lა კლასში უკვე იგრძნობა ახალი წლის ჯადოსნური განწყობა. დამრიგებლის, მაიკო ყულეჯიშვილის ხელმძღვანელობით, მოსწავლეები დიდი ენთუზიაზმით ემზადებიან დღესასწაულისთვის. ისინი ერთად ალამაზებენ საკლასო ოთახს, ამზადებენ ფერად დეკორაციებს, საახალწლო ნახატებსა და ხელნაკეთ ნამუშევრებს. თითოეული ბავშვი სიხარულით და სიყვარულით ერთვება ამ პროცესში, რაც კლასში თბილ და მეგობრულ გარემოს ქმნის. საახალწლო სამზადისი ბავშვებისთვის არა მხოლოდ დღესასწაულის მოლოდინია, არამედ ურთიერთგაგების, ერთობისა და სიხარულის ლამაზი მაგალითი.