სიახლეები

          • 14 სექტემბერი — ახალი სასწავლო წლის დასაწყისი

          • ახალი სასწავლო წლის პირველი დღე ყოველთვის განსაკუთრებული მოლოდინით, სიხარულითა და იმედით არის სავსე. ეს არის დღე, როდესაც სკოლის კარი კვლავ იღება ცოდნის, მეგობრობის, აღმოჩენებისა და ახალი შესაძლებლობების სამყაროში შესასვლელად.

            14 სექტემბერს კირიონ მეორის სახელობის სკოლა-გიმნაზია ახალ სასწავლო წელს იწყებს.

            სასწავლო წლის საზეიმო გახსნა 10:00 საათზე დაიწყება.

            ამ დღეს განსაკუთრებული სიყვარულითა და სითბოთი მივიღებთ ჩვენს პირველკლასელებს და მათთან ერთად დავიწყებთ ახალ სასწავლო გზას.

            დაე, სკოლის პირველი ზარი თითოეული მოსწავლისთვის იყოს ახალი ცოდნისა და შესაძლებლობების დასაწყისი; ყოველი სასწავლო დღე კი — კიდევ ერთი ნაბიჯი საკუთარი თავის, სამყაროსა და იმ ფასეულობების შეცნობისკენ, რომლებიც განათლებულ და ღირსეულ პიროვნებას აყალიბებს!

          • 2026-2027 სასწავლო წლის სახელმძღვანელოების ჩამონათვალი

          • 5

            ძვირფასო მშობლებო!

            გიგზავნით სახელმძღვანელოების ჩამონათვალს.

            გაცნობებთ, რომ "ზოგადი განათლების შესახებ" საქართველოს კანონში მიმდინარე წელს განხორციელებული ცვლილების თანახმად, სასწავლო პროცესში ასევე გამოიყენება

            სამინისტროს მიერ შექმნილი სკოლის სახელმძღვანელოები, რომელთა შემუშავება და

            ეტაპობრივი დანერგვა 2028 წლის სექტემბრისთვის დასრულდება.

            აღნიშნულის შესაბამისად, ამ ეტაპისთვის, სამინისტროს მიერ შეიქმნა შემდეგი საგნების პირველი სემესტრის სახელმძღვანელოები:

            I კლასი - ქართული ენა და ლიტერატურა, მათემატიკა, ბუნებისმეტყველება;

            V კლასი - მათემატიკა;

            VII კლასი - ქართული ლიტერატურა, ქართული ენა, მათემატიკა, ბიოლოგია, ქიმია, ფიზიკა,

            გეოგრაფია, საქართველოს ისტორია, მსოფლიოს ისტორია;

            IX კლასი - ქართული ლიტერატურა, ქართული ენა,

            X კლასი - მათემატიკა, ბიოლოგია, ქიმია, ფიზიკა, გეოგრაფია, საქართველოს ისტორია. სამინისტროს მიერ შექმნილი სახელმძღვანელო არის სასწავლო

            პროცესში სავალდებულოდ გამოსაყენებელი ძირითადი საგანმანათლებლო რესურსი იმ ზოგადსაგანმანათლებლო დაწესებულებებისათვის (კერძო, საჯარო), რომლებიც

            ზოგადსაგანმანათლებლო პროგრამას ახორციელებენ ეროვნული სასწავლო გეგმის შესაბამისად. რამდენადაც ზემოხსენებული საგნებისა და კლასების სასკოლო სახელმძღვანელოები სასწავლო პროცესში ინერგება 2026-2027 სასწავლო წლიდან, ეს სახელმძღვანელოები კერძო

            სკოლების მიერ შესაძენად ხელმისაწვდომი იქნება მოგვიანებით, რაზედაც დამატებით გაცნობებთ.

          • მოსწავლეთა ფორმის ესკიზები

          • გვიახლოვდება ახალი სასწავლო წელი!

            გთავაზობთ ა(ა)იპ ქობულეთის წმინდა კირიონ მეორის სახელობის მართლმადიდებლური სკოლა-გიმნაზიის მოსწავლეთა ფორმების ესკიზებს გოგონებისა და ვაჟებისთვის (ფორმის შეფერილობა არის მუქი ლურჯი).

            წარმატებულ და ნაყოფიერ სასწავლო წელს გისურვებთ!

          • საზაფხულო ბანაკი "სამშობლო"

          • კირიონ მეორის სახელობის სკოლა-გიმნაზიაში განსაკუთრებული მნიშვნელობის დღე აღინიშნა. სასწავლებელს სტუმრობდა ბათუმისა და ლაზეთის მიტროპოლიტი, მეუფე დიმიტრი, რომლის მონაწილეობით საზეიმოდ გაიხსნა საზაფხულო ბანაკი.

            ბანაკის გახსნის ღონისძიება მიეძღვნა სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის ნათელ ხსოვნას. ღონისძიებამ კიდევ ერთხელ წარმოაჩინა იმ სულიერი და ეროვნული ფასეულობების მნიშვნელობა, რომლებიც მომავალ თაობებს პასუხისმგებლობის, სიყვარულის, ურთიერთპატივისცემისა და სამშობლოს ერთგულების სულისკვეთებით ზრდის.

            მეუფე დიმიტრის მობრძანებამ განსაკუთრებული სულიერი დატვირთვა შესძინა ამ მნიშვნელოვან დღეს. მისმა სიტყვებმა ახალგაზრდებს რწმენის, განათლებისა და ზნეობრივი ღირებულებებისკენ მოუწოდა, ხოლო ღონისძიება ერთიანობის, სითბოსა და კეთილგანწყობის ატმოსფეროში წარიმართა.

            ღონისძიების ღირსეული მონაწილეები კირიონ II-ის სახელობის სკოლა-გიმნაზიის მოსწავლეები იყვნენ, რომლებმაც თავიანთი მონდომებით, პასუხისმგებლობითა და შემოქმედებითი აქტიურობით ამ დღეს განსაკუთრებული შინაარსი და სილამაზე შესძინეს.

          • წარმატებული კურსდამთავრებულები

          • ჩვენი გიმნაზიის თითოეულ კურსდამთავრებულს ვულოცავთ სტუდენტობას!

            გიორგი გოგიტიძე - სსიპ საქართველოს ტექნიკური უნივერსიტეტი - კომპიუტერული მეცნიერება

            ანდრია სოლომონიძე - ბათუმის სახელმწიფო საზღვაო აკადემია- გემის მექანიკა

            მეა ხარაზი-კავკასიის უნივერსიტეტი-ფსიქოლოგია

            გიორგი ხალვაში-კავკასიის უნივერსიტეტი- არქიტექტურა

            თათია ბოლქვაძე-კავკასიის უნივერსიტეტი-არქიტექტურა

            ილია ცენტერაძე-კავკასიის უნივერსიტეტი-არქიტექტურა

            საბა ქათამაძე-ბათუმის შოთა რუსთაველის სახელმწიფო უნივერსიტეტი-არქიტექტურა

            საბა ვასაძე-ბათუმის შოთა რუსთაველის სახელმწიფო უნივერსიტეტი- ბიზნესის ადმინისტრირება

            ნიკა ბოლქვაძე- ბათუმის შოთა რუსთაველის სახელმწიფო უნივერსიტეტი- საერთაშორისო ურთიერთობები

            ნინი კაკალაძე- ქართულ-ამერიკული უნივერსიტეტი- მედიაპროდუქცია და ვიზუალური მეთოდები დიზაინში

            ელენე მართალიშვილი - თბილისის სახელმწიფო უნივერსიტეტი - ფსიქოლოგია

            ნატალი ცეცხლაძე- შავი ზღვის საერთაშორისო უნივერსიტეტი-სამართალი

            ლიზი რომანაძე-თბილისი საქართველოს ტექნიკური უნივერსიტეტი- დიზაინი

            ლუკა მგელაძე- ქუთაისის საერთაშორისო უნივერსიტეტი-მენეჯმენტი(ინგლისურენოვანი)

            ნატალი მეგრელიძე-საქართველოს უნივერსიტეტი-საერთაშორისო ურთიერთობები

            რეზი ვერულიძე - კიევის შრომის სოციალურ ურთიერთობათა და ტურიზმის აკადემია - ბიზნესის ადმინისტრირება

            ალექსანდრე გოგიტიძე - სსიპ-ბათუმის შოთა რუსთაველის სახელმწიფო უნივერსიტეტი - სურსათის ტექნოლოგია

            მამია ქათამაძე- სსიპ-ბათუმის შოთა რუსთაველის სახელმწიფო უნივერსიტეტი- სამართალმცოდნეობა

            გიორგი ვარშანიძე - სსიპ-საქართველოს ტექნიკური უნივერსიტეტი - ენერგეტიკა და ელექტროინჟინერია

            თეკლა ჯინჭარაძე- სსიპ ივანე ჯავახიშვილის სახელობის თბილისის სახელმწიფო უნივერსიტეტი-ბიზნესის ადმინისტრირება

            იოსებ ნოღაიდელი -სსიპ - ბათუმის სახელმწიფო საზღვაო აკადემია- საზღვაო ნავიგაცია

            ნინი მახარაძე -შპს საქართველოს ეროვნული უნივერსიტეტი- ფსიქოლოგია

            ნიკოლოზ ხოტივარი-სსიპ-ბათუმის შოთა რუსთაველის სახელმწიფო უნივერსიტეტი- საერთაშორისო ურთიერთობები

            მირიან ხარებავა- სსიპ-ბათუმის შოთა რუსთაველის სახელმწიფო უნივერსიტეტი- ბიზნესის ადმინისტრირება

            დავით მჟავანაძე -სსიპ-საქართველოს ტექნიკური უნივერსიტეტი- კომპიუტერული მეცნიერება

            ელენე ჯაფარიძე-სსიპ-ბათუმის შოთა რუსთაველის სახელმწიფო უნივერსიტეტი- ბიზნესის ადმინისტრირება

            ნიკა დავითაძე- ა(ა)იპ - საქართველოს საპატრიარქოს წმ. ანდრია პირველწოდებულის სახელობის ქართული უნივერსიტეტი- ბიზნესის ადმინისტრირება

            ანანო მემარნე- სსიპ ივანე ჯავახიშვილის სახელობის თბილისის სახელმწიფო უნივერსიტეტი-ბიზნესის ადმინისტრირება

            ჩვენო ძვირფასო გიმნაზიელებო!

            ეს წარმატება მხოლოდ თქვენს შრომასა და მიზანდასახულობასთან ერთად მთელი ჩვენი სკოლა-გიმნაზიის საერთო გამარჯვებაა.

            კურსდამთავრებულებო, გვჯერა, რომ უნივერსიტეტში ახალი ეტაპი გახდება თქვენი შესაძლებლობების კიდევ უფრო დიდი აღმოჩენა.

            წარმატებები, პასუხისმგებლობა და დაუღალავი შემართება გქონდეთ ყველგან და ყოველთვის!

            ეს მხოლოდ დასაწყისია, წინ უამრავი წარმატება და საინტერესო გზა გელოდებათ!

            გფარავდეთ უფალი!

            ასევე, გულით ვულოცავთ მშობლებს, რომელთა თავდადება, სიყვარული და მხარდაჭერა უდიდესი ძალაა ჩვენი გიმნაზიელებისთვის. თქვენი შვილების ეს გამარჯვება – თქვენი გამარჯვებაც არის!

          • ლიტერატურული მარათონი

          • ქობულეთის რესურსცენტრში აჭარის ავტონომიური რესპუბლიკის განათლების, კულტურისა და სპორტის სამინისტროდან შემოსული წერილის საფუძველზე გაცნობებთ, რომ აჭარის ავტონომიური რესპუბლიკის განათლების, კულტურისა და სპორტის სამინისტროს ქვეპროგრამის "კონკურსები და ოლიმპიადები" ფარგლებში "ლიტერატურული მარათონის" კატეგორიაში მოსწავლეებს წინასწარ მიეწოდებათ წასაკითხი ლიტერატურა.   

            გაეცანით 2026-2027 წლის ლიტერატურულ მარათონში წასაკითხად შერჩეულ ლიტერატურას კატეგორიების შესაბამისად.

          • I ადგილი - ტვინების ბრძოლის ფინალი

          •  

            სასწავლო წელი დიდი გამარჯვებით დააგვირგვინეს ჩვენი სკოლა-გიმნაზიის VIIIა კლასის მოსწავლეებმა, კლასის ხელმძღვანელი: სოფიო რომანაძე.

            ბათუმში ჩატარებულ U8 კატეგორიის ფინალში დაიკავეს I ადგილი  52 ქულით.

            გუნდი: ათენა 

            კაპიტანი: ლილე მიქელაძე

            ნანო ჩავლეიშვილი

            თედო შავაძე

            ანასტასია მანელიშვილი

            ანასტასია ანთაძე

            ყოჩაღ, ჩვენო ტვინიკოსებო! 

            თქვენი შემართება და ცოდნისკენ სწრაფვა ნამდვილად გადამდებია. 

            უღრმესი მადლობა თითოეულ გულშემატკივარს, მშობელსა თუ მასწავლებელს ამ  მხარდაჭერისათვის! 

          • ამბები ბიბლიოთეკიდან - IVბ კლასი

          • 12

            მართლმადიდებლური სკოლა-გიმნაზიის IV ბ კლასის მოსწავლეებმა , დამრიგებლები: ნათია გოხიძე, ლუიზა ვერულიძე, წარმოადგინეს შთამბეჭდავი და ემოციური ღონისძიება — „ამბები ბიბლიოთეკიდან“, რომელიც არა მხოლოდ წიგნისა და კითხვის სიყვარულს მიეძღვნა, არამედ სასწავლო წლის დასასრულსა და საყვარელ დამრიგებლებთან გულთბილ გამომშვიდობებასაც.

            ღონისძიების ხელმძღვანელებმა — ნათია გოხიძემ და ლუიზა ვერულიძემ — მოსწავლეებთან ერთად მაყურებელი წიგნების ჯადოსნურ სამყაროში ამოგზაურეს. თეატრალიზებული ეპიზოდები, მხატვრული სიტყვა, მუსიკა და ბავშვების გულწრფელი შესრულება ერთ მთლიან და შთამბეჭდავ სანახაობად იქცა. სცენაზე გაცოცხლებულმა პერსონაჟებმა კიდევ ერთხელ შეგვახსენა, რომ წიგნი ცოდნის, სიბრძნისა და წარმოსახვის ამოუწურავი წყაროა.

            განსაკუთრებით ამაღელვებელი იყო ის გარემოება, რომ ეს ღონისძიება IV ბ კლასის მოსწავლეებისთვის ერთგვარი შემაჯამებელი შეხვედრაც გახლდათ. ბავშვებმა მადლიერებით, სიყვარულითა და თბილი სიტყვებით დაემშვიდობნენ თავიანთ დამრიგებლებს, რომლებმაც ოთხი წლის განმავლობაში ცოდნის, მზრუნველობისა და მხარდაჭერის გზაზე ღირსეულად უხელმძღვანელეს მათ. ეს იყო ემოციებით სავსე წუთები, სადაც ერთმანეთს ენაცვლებოდა სიხარული, სიამაყე და მომავლის იმედი.

            საგანგებოდ გაფორმებული სცენა, წიგნებით შექმნილი დეკორაციები და მონაწილეთა მონდომება კიდევ უფრო მეტად უსვამდა ხაზს ღონისძიების შინაარსსა და მნიშვნელობას. თითოეულმა მოსწავლემ ღირსეულად წარმოაჩინა საკუთარი შესაძლებლობები, შემოქმედებითი ნიჭი და პასუხისმგებლობის მაღალი გრძნობა.

            ვუსურვებთ IV ბ კლასის მოსწავლეებს წარმატებულ მომავალს, ხოლო მათ დამრიგებლებს — ნათია გოხიძესა და ლუიზა ვერულიძეს — კიდევ მრავალ თაობასთან შეხვედრას, რომელთაც ისეთივე სიყვარულითა და ერთგულებით გაუნათებენ გზას, როგორც დღემდე.

          • Iგ კლასი - ლელა კენჭაძე

          • დასრულდა პირველი თავი, იწყება ახალი ისტორია

            სკოლა-გიმნაზიის l გ კლასის მოსწავლეებმა, კლ. ხელმძღვანელი: ლელა კენჭაძე, წარმატებით გადალახეს ცოდნისკენ მიმავალი პირველი მნიშვნელოვანი საფეხური.

            ამ წლის განმავლობაში მათ ისწავლეს კითხვა, წერა, მეგობრობა, ერთმანეთის პატივისცემა და სიკეთის კეთება. თითოეულმა დღემ ახალი გამოცდილება, სიხარული და საინტერესო აღმოჩენები მოუტანა მათ.

            დღეს კი უკვე უფრო თავდაჯერებულები, უფრო ჭკვიანები და უფრო დამოუკიდებლები ემზადებიან ახალი სასწავლო გამოწვევებისთვის.

            გიმნაზიელებო, გილოცავთ , სასწავლო წლის წარმატებით დასრულებას! ვუსურვებთ მათ ბედნიერ, მხიარულ და საინტერესო ზაფხულს, ხოლო მომავალ წელს — კიდევ უფრო მეტ წარმატებას, ახალ მეგობრებსა და დაუვიწყარ გამარჯვებებს.

            პატარა ნაბიჯებით დაწყებული გზა დიდ მომავალს ქმნის. წარმატებები, ძვირფასო აწ უკვე მეორეკლასელებო!

          • IIგ კლასი - ნათია ღაღაიშვილი

          • მართლმადიდებლური სკოლა-გიმნაზიის ||_გ კლასი გილოცავთ, ბავშვთა დაცვის საერთაშორისო დღეს!

            ბავშვობა ყველაზე ლამაზი და ბედნიერი პერიოდია-სავსე სურვილებით, თამაშით, მეგობრობითა და სიყვარულით. გისურვებთ, მუდამ გქონდეთ სიხარული გულში, სიკეთე თვალებში და ბედნიერი მომავალი. იზრდებოდეთ ჯანმრთელები, განათლებულები, მოსიყვარულეები და ღირსეული ადამიანები. მინდა ყოველი დღე იყოს თქვენთვის ახალი აღმოჩენებით, წარმატებითა და ბედნიერი წუთებით სავსე. თქვენ ხართ ჩვენი ქვეყნის ნათელი მომავალი და უდიდესი იმედი! შეგვეწიოს ქართველთა განმანათლებელი წმ. ნინო და გვფარავდეს მისი მადლი! სიყვარულით მართლმადიდებლური სკოლა-გიმნაზიის ||_გ კლასის დამრიგებელი ნათია ღაღაიშვილი

          • VIIIა კლასი - რუსული ენა

          • 7

            სიკეთის კეთება

            სიკეთე იწყება პატარა ნაბიჯებით, გულწრფელი სურვილითა და სასარგებლო საქმით…

            სკოლა-გიმნაზიის VIIIა კლასში თემაზე — „სიკეთის კეთება“, საგნის მასწავლებელი: ზამირა მახარაძე, კლ. ხელნძღვენილი: სოფო რომანაძე, ჩატარდა განსაკუთრებული და შინაარსით დატვირთული გაკვეთილი, რომელმაც მოსწავლეებს კეთილი საქმის მნიშვნელობა არა მხოლოდ სიტყვით, არამედ საქმითაც.

            მოსწავლეებმა სიყვარულითა და პასუხისმგებლობის გრძნობით დაალაგეს სკოლის ეზო და დარგეს ნერგები — სიცოცხლის, განახლებისა და მომავლის სიმბოლოები. თითოეული დარგული ნერგი იქცა კეთილი ნებისა და გარემოზე ზრუნვის ნათელ გამოხატულებად.

            ერთობლივი შრომის პროცესში გამოიკვეთა თანამშრომლობა, ურთიერთდახმარება და საერთო მიზნისადმი ერთგულება. მოსწავლეებმა კიდევ ერთხელ დაამტკიცეს, რომ გარემოს გაფრთხილება, ბუნების სიყვარული და საზოგადოებრივ კეთილდღეობაზე ზრუნვა თითოეული ადამიანის პასუხისმგებლობაა.

            ასეთი აქტივობები განსაკუთრებულად მნიშვნელოვანია მოზარდების ღირებულებითი აღზრდისთვის, რადგან ისინი ახალგაზრდებში აყალიბებს შრომისმოყვარეობას, ეკოლოგიურ ცნობიერებას, თანაგრძნობასა და მოქალაქეობრივ პასუხისმგებლობას.

            სიკეთის კეთება მხოლოდ სიტყვა არ არის — ეს არის მოქმედება, რომელიც სამყაროს უფრო ლამაზს, სუფთასა და თბილს ხდის!

            გიმნაზიელებო, გვიყვარხართ!

          • Iბ კლასი - სალომე ანთაძე

          • 38
            💫✨აწ უკვე მეორეკლასელები✨💫
            👩🏻‍🎓🧑‍🎓სკოლა- გიმნაზიის პირველმა ბ კლასმა, 🧑‍🏫კლ. ხელმხღვანელი სალომე ანთაძე, განსაკუთრებული, ემოციებით სავსე გასვლითი ღონისძიებით დაემშვიდობა პირველ სასწავლო წელს, სკოლას, საყვარელ მასწავლებლებსა და იმ დაუვიწყარ დღეებს, რომლებმაც მათი ბავშვობის კიდევ ერთი ლამაზი ფურცელი შექმნა.🩷❤️💜
            👭👬სულ ცოტა ხნის წინ ისინი სკოლაში პირველი მორიდებული ნაბიჯებით შემოვიდნენ, დღეს კი უკვე გამოცდილებით, ცოდნით, მეგობრობითა და სიყვარულით გამდიდრებულები ამაყად ამბობენ — ჩვენ აწ უკვე მეორეკლასელები ვართ!👩🏻‍🎓🧑‍🎓
            👬👭✨💫სიხარულით, თამაშით, ღიმილითა და თბილი ემოციებით დატვირთულმა დღემ კიდევ ერთხელ გააერთიანა ბავშვები, მშობლები და მასწავლებლები. ეს იყო მადლიერების, სიყვარულისა და კეთილი მოგონებების დღე.💜🩷❤️
            💫✨წინ ახალი გზა, ახალი აღმოჩენები და კიდევ უფრო საინტერესო თავგადასავლები ელით, მაგრამ პირველი კლასი მათ გულებში მუდამ განსაკუთრებულ ადგილს დაიკავებს.💜🩷❤️
            ✨💫გილოცავთ, გიმნაზიელებო!
            იფრინეთ ცოდნის ფრთებით, შეინარჩუნეთ სიკეთე, მეგობრობა და ბავშვური სითბო.
            🌼🌞ბედნიერი ზაფხული და წარმატებული გზა — აწ უკვე მეორეკლასელებს!

          • მათემატიკა - Vა კლასი

          • 15

            „კოორდინატები რუკაზე — განძის მაძიებლები“

            საგანი:მათემატიკა

            კლასი:V კლასი

             

            მასწავლებელი:სოფიო მჟავანაძე

            პროექტის მიზანი:

            მოსწავლეებმა გაიღრმავონ ცოდნა კოორდინატთა სისტემის შესახებ, შეძლონ წერტილების პოვნა კოორდინატების მიხედვით და პრაქტიკულად გამოიყენონ მიღებული ცოდნა რუკაზე ორიენტირების პროცესში.

            პროექტის აღწერა:

            პროექტი „განძის მაძიებლები“ განხორციელდა მეხუთე კლასში. მოსწავლეები გადაიქცნენ პატარა მკვლევრებად და სპეციალურად შექმნილ კოორდინატულ რუკაზე ეძებდნენ „განძს“. მათ ეძლეოდათ სხვადასხვა კოორდინატი, რომლის მიხედვითაც უნდა ეპოვათ შესაბამისი წერტილები, გაევლოთ მარშრუტი და საბოლოოდ მიეღწიათ განძამდე.

            პროექტის განმავლობაში მოსწავლეებმა იმუშავეს როგორც ინდივიდუალურად, ასევე ჯგუფურად. ისინი ხატავდნენ რუკებს, ნიშნავდნენ წერტილებს, ადგენდნენ გზებს და ერთმანეთს აძლევდნენ დავალებებს. აქტივობებმა ხელი შეუწყო მათემატიკური აზროვნების, სივრცითი წარმოდგენისა და თანამშრომლობის უნარების განვითარებას.

            გამოყენებული რესურსები:

            კოორდინატული ბადე

            ფერადი ფურცლები

            მარკერები და ფანქრები

            საგანძურის რუკები

            ბარათები კოორდინატებით

            განვითარებული უნარები:

            კოორდინატთა სისტემაში მუშაობა

            ლოგიკური აზროვნება

            სივრცითი ორიენტაცია

            გუნდური მუშაობა

            პრობლემის გადაჭრა

            შედეგი:

            პროექტმა მოსწავლეებში დიდი ინტერესი და მოტივაცია გამოიწვია. მათ თამაშითა და პრაქტიკული საქმიანობით უკეთ გაიგეს კოორდინატების მნიშვნელობა და გამოყენება. სასწავლო პროცესი გახდა სახალისო, შემოქმედებითი და საინტერესო.

          • საქართველოს ქრისტიანობის სახელმწიფო რელიგიად გამოცხადების 1700 წლის იუბილე

          • 3

            საქართველოს ქრისტიანობის სახელმწიფო რელიგიად გამოცხადების 1700 წლის იუბილესა და 26 მაისის — საქართველოს დამოუკიდებლობის დღისადმი მიძღვნილი სასკოლო ღონისძიება

            საქართველოს ისტორიის უმნიშვნელოვანეს თარიღებს — ქრისტიანობის სახელმწიფო რელიგიად გამოცხადების 1700 წლის იუბილესა და 26 მაისის, საქართველოს დამოუკიდებლობის დღეს — მიეძღვნა შთამბეჭდავი სასკოლო ღონისძიება, მასწავლებელი: მარიამ ურუშაძე, რომელიც შეეხო ეროვნული თვითმყოფადობის, სარწმუნოების, თავისუფლებისა და ისტორიული მეხსიერების თემებს.

            ღონისძიების ფარგლებში მოსწავლეებმა მრავალფეროვანი შემოქმედებითი ნომრები წარმოადგინეს: შესრულდა პატრიოტული და თემატური მუსიკალური კომპოზიციები, ქორეოგრაფიული დადგმები, მხატვრულად იქნა გაცოცხლებული საქართველოს ისტორიის მნიშვნელოვანი ეპიზოდები. განსაკუთრებული ყურადღება დაეთმო აფხაზ მუჰაჯირთა თემას — ისტორიული ტკივილისა და ეროვნული მეხსიერების მნიშვნელოვან ნაწილს, რომელმაც აუდიტორიას კიდევ ერთხელ შეახსენა სამშობლოს, იდენტობისა და კულტურული ფესვების მნიშვნელობა.

            მოსწავლეთა ემოციურმა, გააზრებულმა და პასუხისმგებლობით შესრულებულმა გამოსვლებმა ნათლად წარმოაჩინა ახალგაზრდების ისტორიული ცნობიერება, ეროვნული ღირებულებების პატივისცემა და სამშობლოს სიყვარულით განმსჭვალული დამოკიდებულება.

            ღონისძიება არა მხოლოდ შემეცნებითი და კულტურული ხასიათის იყო, არამედ მნიშვნელოვანი შესაძლებლობა აღმოჩნდა მოსწავლეთათვის, კიდევ უფრო ღრმად გააზრებულიყო საქართველოს ქრისტიანული მემკვიდრეობა, დამოუკიდებლობის იდეა და ისტორიული წარსულის გახსენების აუცილებლობა მომავალი თაობების აღზრდის საქმეში.

          • Iა კლასი - ყველაზე ჭკვიანები და მხიარულები

          • 26

            ინტეგრირებული გაკვეთილ-ვიქტორინა — „ყველაზე ჭკვიანები და მხიარულები“

            კლასი: l ა

            მასწავლებელი: მაია ყულეჯიშვილი

            სასწავლო წლის დასასრულს პირველკლასელებმა მონაწილეობა მიიღეს ინტეგრირებულ გაკვეთილ-ვიქტორინაში, რომელიც მთელი წლის განმავლობაში შესწავლილი მასალის შეჯამებასა და ცოდნის განმტკიცებას ემსახურებოდა.

            ვიქტორინა აერთიანებდა სხვადასხვა საგნებს:

            ქართულ ენას,

            მათემატიკას,

            ბუნებისმეტყველებას,

            საღვთო სჯულს,

            ხელოვნებასა და მუსიკას.

            მოსწავლეები სამ გუნდად —

            ”წითელქუდიანებად“,

            “ლურჯქუდიანებად“ ,

            ”ყვითელქუდიანებად“

            იყვნენ დაყოფილნი და მრავალფეროვანი, საინტერესო დავალებების შესრულების გზით წარმოაჩინეს წლის განმავლობაში მიღებული ცოდნა, ლოგიკური აზროვნება, შემოქმედებითი უნარები და გუნდური მუშაობის კულტურა.

            გაკვეთილი მიმდინარეობდა მხიარულ, შემეცნებით და კეთილგანწყობილ გარემოში, სადაც სწავლა თამაშის ელემენტებთან იყო შერწყმული. პატარა მონაწილეებმა დიდი მონდომებით, აქტიურობითა და ინტერესით უპასუხეს შეკითხვებს, შეასრულეს შემოქმედებითი და სააზროვნო აქტივობები და კიდევ ერთხელ დაამტკიცეს, რომ ცოდნის მიღება სიხარულთან და თანამშრომლობასთან ერთად განსაკუთრებით ნაყოფიერია.

            ინტეგრირებული გაკვეთილ-ვიქტორინა გახდა სასწავლო წლის ღირსეული შეჯამება, რომელმაც ნათლად წარმოაჩინა პირველკლასელთა მიღწევები, განვითარებული უნარები და ცოდნისადმი სიყვარული!

            მადლობა პედაგოგებს!

            წარმატებები პატარა გიმნაზიელებს!

          • გილოცავთ დამოუკიდებლობის დღეს

          • საქართველოს დამოუკიდებლობის დღეს გილოცავთ, მართლმადიდებლური სკოლა-გიმნაზიის მესამე კლასელები!

            გისურვებთ მშვიდობიან, წარმატებულ და გაძლიერებულ საქართველოს, სადაც მომავალი თაობები სიყვარულითა და რწმენით შექმნიან უკეთეს ხვალინდელ დღეს.

            ღმერთმა დალოცოს ჩვენი სამშობლო!

          • IIგ კლასი გილოცავთ დამოუკიდებლობის დღეს

          • მართლმადიდებლური სკოლა-გიმნაზიის ll გ კლასი, დამრიგებელი: ნათია ღაღაიშვილი , გილოცავთ საქართველოს დამოუკიდებლობის დღეს!

            26 მაისი ჩვენი ისტორიის ერთ-ერთი უმნიშვნელოვანესი თარიღია — ეროვნული ღირსების, თავისუფლებისა და სახელმწიფოებრივი სულის გამოხატულება.

            ეს დღე გვახსენებს ჩვენი წინაპრების თავდადებას, სამშობლოს სიყვარულსა და იმ ფასეულობებს, რომლებმაც საქართველო საუკუნეთა განმავლობაში შეინარჩუნა.

            ვუსურვებთ ჩვენს ქვეყანას მშვიდობას, ძლიერებასა და კეთილდღეობას; ჩვენს მომავალ თაობებს კი — პასუხისმგებლობით, განათლებითა და სამშობლოს სიყვარულით აღსავსე გზას.

            ქედს ვიხრით საქართველოს თავისუფლებისათვის მებრძოლი გმირების წინაშე.

            ღმერთმა დალოცოს საქართველო და განამტკიცოს მისი ერთობა და მომავალი!

          • IIა კლასი - “ჩვენ, მზე და გაზაფხული”

          • 28

            მეორე ა კლასში,

            კლ. ხელმძღვანელი: სოფიო ოქროპირიძე,

            განსაკუთრებული სითბოთი და ბავშვური სიხარულით გაიმართა ღონისძიება — „ჩვენ, მზე და გაზაფხული“.

            დარბაზი სავსე იყო ფერებით, ღიმილითა და იმ ნათელი ემოციებით, რომლებიც მხოლოდ ბავშვების გულწრფელ სამყაროს შეუძლია დაბადოს.

            პატარა მონაწილეებმა ლამაზად და შთამბეჭდავად გააცოცხლეს გაზაფხულის ზღაპრული სამყარო — მზის სხივებით, ყვავილების ფერადოვნებით და სიკეთით სავსე პერსონაჟებით. თეთრ და ყვითელ ფერებში გამოწყობილი მოსწავლეები თავად ჰგავდნენ გაზაფხულის პირველ სხივებს, რომლებიც სითბოსა და სინათლეს აფრქვევდნენ სცენიდან.

            ღონისძიებაზე შესრულებულმა ლექსებმა, ცეკვებმა და მუსიკალურმა ნომრებმა განსაკუთრებული განწყობა შექმნა. თითოეულ ბავშვში იგრძნობოდა მონდომება, პასუხისმგებლობა და ის გულწრფელი სიხარული, რომლითაც ისინი მაყურებლის წინაშე წარდგნენ. სცენა ერთ დიდ, ფერად და კეთილ სამყაროდ გადაიქცა, სადაც ერთმანეთს ერწყმოდა ბავშვური ფანტაზია, სიყვარული და შემოქმედება.

            ჩვენ, მზე და გაზაფხული“ მხოლოდ ღონისძიება არ ყოფილა — ეს იყო სიკეთის, მეგობრობისა და სილამაზის ზეიმი, რომელმაც თითოეულ დამსწრეს დაუვიწყარი შთაბეჭდილება დაუტოვა. განსაკუთრებული მადლობა ეკუთვნით პედაგოგებსა და მშობლებს, რომელთა ზრუნვამ, შრომამ და სიყვარულმა ეს ლამაზი დღე ბავშვებისთვის ნამდვილ დღესასწაულად აქცია!

          • XIIბ კლასი - ბოლო ზარი

          • 8

            ბოლო ზარი- 2026

            ”აწმყო, შობილი წარსულისაგან,

            არის მშობელი მომავალისა.“

            კირიონ II-ის სახელობის სკოლა-გიმნაზიის მეთორმეტე ბ კლასი ცხოვრების ერთ-ერთ ყველაზე მნიშვნელოვან ეტაპს დაემშვიდობა.

            კლასის ხელმძღვანელი: თამუნა მენაღარიშვილი

            სკოლის წლები — ეს არის მოგონებებით, მეგობრობით, ცოდნითა და სითბოთი სავსე გზა, რომელმაც თითოეული თქვენგანის პიროვნებად ჩამოყალიბებაში მნიშვნელოვანი კვალი დატოვა. აქ გატარებული ყოველი დღე მომავალში ძვირფას მოგონებად დარჩება.

            ეს დღე მხოლოდ დამშვიდობება არ არის — ეს არის ახალი ცხოვრების დასაწყისი, ახალი მიზნების, არჩევანისა და წარმატებებისკენ გადადგმული ნაბიჯი.

            გისურვებთ, მუდამ შეგენარჩუნებინოთ სიკეთე, ღირსება, ადამიანურობა და საკუთარი თავის რწმენა. დაე, ცოდნა და ღირებულებები, რომლებიც სკოლამ შეგძინათ, თქვენი ცხოვრების მტკიცე საყრდენი გახდეს.

            იყავით განათლებული, მიზანდასახული და ბედნიერი ადამიანები, რომლებითაც ყოველთვის იამაყებს ოჯახი, სკოლა და სამშობლო.

            დაე, თქვენი მომავალი იყოს ნათელი, მშვიდობით, სიყვარულითა და წარმატებით სავსე!