სიახლეები

          • გვიყვარდეს და პატივი ვცეთ ერთმანეთს – ჩემი მეგობარი

          • 28

            სადამრიგებლო საათი

            კლასი: II ბ

            დამრიგებელი: ირმა ბებია

            ჩატარებული სადამრიგებლო საათის მთავარი მიზანი იყო ბავშვებში მეგობრობის, სიყვარულისა და ურთიერთპატივისცემის მნიშვნელობის გაღვივება. საუბარი გაიმართა იმაზე, თუ რა თვისებები ახასიათებს ნამდვილ მეგობარს.

            მოსწავლეებმა გულწრფელად იმსჯელეს, რომ მეგობრობა მხოლოდ ერთად გართობა და სიცილი არ არის — მეგობარი ის ადამიანია, რომელიც გაგიგებს, მოგისმენს, დაგეხმარება და შენს სიხარულს ან მწუხარებას გულით გაიზიარებს.

            განსაკუთრებული ემოცია მოჰყვა აქტივობას, სადაც ბავშვებმა თითოეულმა აირჩია მათთვის სასურველი ფერის გული. ამ გულებით ისინი სიყვარულსა და კეთილ სურვილებს უზიარებდნენ ერთმანეთს. თითოეული მოსწავლე გამოხატავდა მადლიერებას თავისი მეგობრებისადმი და გულით გადაუნაწილა მათ სითბო, მეგობრობა და პატივისცემა.

            დასასრულს, მოსწავლეებმა გააცნობიერეს, რომ მეგობრობა ჩვენი ცხოვრების ერთ-ერთი ყველაზე დიდი ფასეულობაა და რომ ერთმანეთის სიყვარული და პატივისცემა ბედნიერი საზოგადოების საფუძველია

             

          • სიკეთე გადამდებია

          • 2

            სკოლა- გიმნაზიის ისტორიაში კიდევ ერთი კეთილი საქმე ჩაიწერა.

            I ა კლასის მოსწავლეებმა დამრიგებელი: მაია ყულეჯიშვილი , თავიანთი სუფთა გულითა და ბავშვური სიყვარულით გაახარეს ჩვენი მორჩილი გრიგოლი და გააცილეს ათონის მთაზე, მონასტერში სამოღვაწეოდ.

            მათი გულწრფელი სიხარული და კეთილგანწყობა ყველას გულში ჩაგვრჩა.

            ასეთ წამებში ყველაზე ძლიერად იგრძნობა, რომ სიკეთე მართლაც გადამდებია — ერთი კეთილი საქციელი შთააგონებს მეორეს, ერთი თბილი ჟესტი ანთებს სიყვარულს და მადლიერებას ყველას გულში.

            გულით დავულოცავთ გრიგოლს ამ მადლიან გზას — ღმერთმა აკურთხოს და გააძლიეროს იგი წმინდა ღვაწლში.

            დიდი მადლობა ჩვენს პატარა პირველკლასელებს სითბოსა და გულისხმიერებისთვის , მადლობა მაიკო მასწავლებელს, რომლის სიყვარული და მზრუნველობა ბავშვების გულებში კეთილ ნერგებად იფესვება.

            ვისურვებთ, რომ ჩვენს გიმნაზიაში ყოველთვის სუფევდეს სიყვარული, თანაგრძნობა ,სიხარული და ის განწყობა, რომელიც დღეს პირველკლასელებმა ასე უხვად გვაჩუქეს!

            ჩვენი გიმნაზია ამაყობს თქვენით!

            მუდამ სიკეთით გევლოთ !

            უფალი იყოს თქვენი შემწე და მფარველი!

          • "პინოქიოს თავგადასავალი" - IIბ და IIგ კლასი

          • 51

            ”პინოქიოს თავგადასავალი”

            კლასი: II ბ , IIგ

            მასწავლებელი: ირმა ბებია

            ზღაპრის გმირების გაცოცხლება და როლის მორგება

            აქტივობა „ცხელი სკამი“

            მოსწავლეებმა საფუძვლიანად ჩაუღრმავდნენ ზღაპარს, გააანალიზეს მისი შინაარსი და გმირები. თითოეულმა ბავშვმა აირჩია თავისი საყვარელი პერსონაჟი, მოირგო მისი როლი და სცადა, რომ ზღაპარი „გაეცოცხლებინა“.

            შემოქმედებით პროცესში მათ დახატეს ილუსტრაციები, გააფერადეს ისინი და საბოლოოდ შექმნეს საკუთარი პატარა წიგნი

            გარდა ამისა, პატარა შემოქმედებმა დაამზადეს აფიშაც, რომელიც თეატრალური წარმოდგენისთვის გამოიყენეს.

            დასასრულს, მოსწავლეები ესტუმრნენ თეატრს და დაესწრნენ ნამდვილ წარმოდგენას — ასეთმა აქტივობამ პატარებს კიდევ უფრო განუმტკიცა სიყვარული ხელოვნებისა და წიგნის სამყაროს მიმართ.

          • მზრუნველი პატარები

          • ჩვენი სკოლის დიასახლისს პირველი ბ კლასის მოსწავლეებმა მადლობის ნიშნად სიურპრიზი მოუწყვეს — ტკბილეულით გაახარეს , სითბო და სიყვარული აჩუქეს.

            მადლობა ჩვენს პატარებს გულისხმიერებისთვის და სალომე მასწავლებელს — ბავშვებში სიკეთისა და მადლიერების გაღვივებისთვის.

            სალომე მასწავლებელო , თქვენმა და თქვენი პატარების ყურადღებამ და სიყვარულმა კიდევ ერთხელ გაანათა ჩვენი სკოლის დღე.

          • ნაყოფიერი არდადეგები

          • 27

            კლასი: II ბ, II გ

            მასწავლებელი: ირმა ბებია

            მეორე კლასის მოსწავლეები მასწავლებელმა დააჯილდოვა საზაფხულო დავალებების საუკეთესო შესრულებისთვის.

            ვულოცავთ მეორე კლასის მოსწავლეებს საზაფხულო დავალებების წარმატებით შესრულებისთვის მიღებულ ჯილდოს!

            წინ კიდევ უფრო საინტერესო დავალებები გელოდებათ!

            წარმატებები!

          • მე და საზოგადოება - IIIა კლასი

          • 26

            პროექტი „ჩემი ოჯახი“

            საგანი: მე და საზოგადოება

            კლასი: III ა

            მასწავლებელი: ნინო ვერულიძე

            სკოლა- გიმნაზიის მესამე ა კლასის მოსწავლეებმა მონაწილეობა მიიღეს საინტერესო და თბილ პროექტში – „ჩემი ოჯახი“. ბავშვებმა მოიტანეს საკუთარი ოჯახის ფოტოები, ერთმანეთს გაუზიარეს ამბები, დაეხმარნენ ბანერის შექმნაში და ერთად მოვამზადეს დიდი კოლაჟი სახელწოდებით „ჩემი დიდი ოჯახი“.

            პროექტის მიზანი იყო ბავშვებში ოჯახური ღირებულებების, სიყვარულის, პატივისცემისა და ერთობის მნიშვნელობის გაძლიერება.

            საუბრისა და თანამშრომლობის პროცესში ბავშვებმა უკეთ გაიაზრეს, რომ ოჯახი არის ადგილი, სადაც სიყვარული არასოდეს იკლებს, სადაც გვესმის, გვიყვარხარ და ყოველთვის გვიჭერენ მხარს.

            ოჯახი არის ჩვენი ცხოვრების საწყისი და ყველაზე მნიშვნელოვანი საყრდენი.

            მესამე კლასის პატარა მონაწილეებმა კიდევ ერთხელ შეგვახსენეს, რომ ბედნიერი მომავალი სწორედ მყარ ოჯახურ ფასეულობებზე შენდება.

          • ბიოლოგია - VIIა კლასი

          • 3

            ”უჯრედის აღმოჩენა და შესწავლა”

            მასწავლებელი: ნაირა ვასაძე

            ბიოლოგიის გაკვეთილზე VII კლასის მოსწავლეებმა ჩაატარეს პრაქტიკული სამუშაო თემაზე — „უჯრედის აღმოჩენა და შესწავლა“. გაკვეთილის ფარგლებში ისინი გაეცნენ მიკროსკოპის მოწყობილობასა და მუშაობის პრინციპს. მოსწავლეებმა საკუთარი ხელით დაამზადეს სველი მიკროპრეპარატი ხახვის კანის ანათალიდან და მიკროსკოპის საშუალებით დაათვალიერეს მიღებული პრეპარატი.

            მათ დაკვირვების შედეგად შეძლეს ხახვის კანის უჯრედების ამოცნობა და მათი აგებულების დეტალურად შესწავლა. ნანახი უჯრედის სურათი მოსწავლეებმა დაფაზე დახატეს და განიხილეს უჯრედის ძირითადი სტრუქტურები — უჯრედის გარსი, ციტოპლაზმა და ბირთვი.

            გაკვეთილმა მოსწავლეებს საშუალება მისცა თეორიული ცოდნა პრაქტიკულ საქმიანობასთან დაეკავშირებინათ. მიღებული გამოცდილება დაეხმარა მათ უკეთ გაეაზრებინათ უჯრედის მნიშვნელობა, როგორც ცოცხალი ორგანიზმების სტრუქტურული და ფუნქციური ერთეული.

          • ბუნებისმეტყველება - Iგ კლასი

          • ”გზა სახლიდან სკოლამდე“.

            კლასი: პირველი

            საგანი: ბუნებისმეტყველება

            მასწავლებელი: ლელა კენჭაძე

            პატარა მოსწავლეებმა განიხილეს ყოველდღიური მარშრუტი, ისწავლეს საგზაო ნიშნების მნიშვნელობა, უსაფრთხო გადაადგილების წესები და პრაქტიკულადაც დაათვალიერეს გარემო.

            გაკვეთილი საინტერესო, შემეცნებითი და აქტიური იყო — ბავშვებმა უკეთ გაიაზრეს, როგორ უნდა იმგზავრონ უსაფრთხოდ და პასუხისმგებლობით.

          • ხალხური და ლიტერატურული ზღაპრების კვირეული

          • 8

            ხალხური და ლიტერატურული ზღაპრების კვირეული პირველ კლასში

            საგანი: ქართული ენა

            კლასი: Iბ

            მასწავლებელი: სალომე ანთაძე

            ჩვენს პირველკლასელებს ხალხური და ლიტერატურული ზღაპრების საოცარი სამყაროში მოგზაურობა ჰქონდათ!

            მოსწავლეებმა უყურეს საყვარელ ზღაპრებს ეკრანზე, გაიხსენეს ნაცნობი გმირები და სიუჟეტები და ერთმანეთს თავიანთი შთაბეჭდილებები გაუზიარეს.

            შემდეგ კი თითოეულმა საკუთარი ფანტაზიით შექმნა ულამაზესი ნახატი — იმ ზღაპრის მიხედვით, რომელმაც ყველაზე მეტად მოხიბლა.

            ასეთი აქტივობები ბავშვებში ავითარებს ინტერესს ქართული კულტურისა და ლიტერატურის მიმართ და აძლიერებს მათ შემოქმედებით უნარებს.

          • ბუნებისმეტყველება - IIIგ კლასი

          • 6

            პრაქტიკული მეცადინეობა ბუნებისმეტყვრლრბაში

            კლასი_მესამე.

            მასწ: ირმა ოქროპირიძე.

            თემა: ,,დღე_ღამის მონაცვლეობა''

            .

            მესამე კლასის მოსწავლეები გაეცნენ ინფორმაციას დღე_ღამის მონაცვლეობის შესახებ.

            პრაქტიკული მეცადინეობით იხილეს თუ როგორ მოძრაობს დედამიწა საკუთარი წარმოსახვითი ღერძის გარშემო, რაც განაპირობებს დღე_ღამის მონაცვლეობას ბუნებაში.

            საკუთარი ხელით დაამზადეს მზის,, მთვარის და დედამიწის მარტივი მოდულები. პრაქტიკული მეცადინეობის პროცესში გაიაზრეს თუ რატომ არის დედამიწის ერთ მხარეს დღე და მეორე მხარეს ღამე.

            პროექტი იყო საკმაოდ საინტერესო და სახალისო.

          • საგნობრივი ოლიმპიადა

          • 21 ოქტომბრიდან სკოლა-გიმნაზიაში დაიწყო საგნობრივი ოლიმპიადის პირველი ტური, რომელიც აჭარის განათლების სამინისტროს ორგანიზებით ხორციელდება.

            ოლიმპიადა მიზნად ისახავს ჩვენი მოსწავლეების ცოდნისა და უნარების შესწავლას. ამ კონკურსში მოსწავლეებს ეძლევათ შესაძლებლობა, წარმოაჩინონ თავიანთი აკადემიური შესაძლებლობები სხვადასხვა საგნებში. ოლიმპიადა ტარდება შემდეგ საგნებში:

            ქართული ენა და ლიტერატურა,

            ინგლისური ენა,

            მათემატიკა,

            ფიზიკა,

            ქიმია,

            ბიოლოგია.

            წარმატებას ვუსურვებთ თითოეულ მათგანს!

          • ტვინების ბრძოლა - შემოდგომის სეზონი 2025

          • 27

            "ტვინების ბრძოლა" არის გუნდური ინტელექტუალური თამაში სკოლის მოსწავლეებისათვის. ერთ სივრცეში განლაგებული გუნდები პასუხობენ წამყვანის მიერ გაჟღერებულ შეკითხვებს. თემატიკა არის ზოგადი, შეკითხვები კი დაფუძნებულია ლოგიკური და ანალიტიკური აზროვნების უნარზე. ტვინების ბრძოლა იმართება სამ ასაკობრივ კატეგორიაში:

            I ასაკობრივი კატეგორია (III, IV, V კლასი);

            II ასაკობრივი კატეგორია (VI, VII, VIII კლასი).

            III ასაკობრივი კატეგორია (IX, X, XI, XII კლასი).

             

            სასკოლო ჩემპიონატის გამარჯვებული გუნდები:

            "სიბრძნის  ქარავანი" - XIა კლასი;

            "ათენა" - VIIIა კლასი;

            "მწიგნობარი" - Vა კლასი.

            "ცოდნის  მეფეები" - IIIა კლასი

             

            გამარჯვებულ გუნდებს გადაეცათ დიპლომები და ასპარეზობის უფლება "ტვინების ბრძოლის" საქალაქო ჩემპიონატზე.

             

            ვულოცავთ და მომავალში წარმატებულ ასპარეზობას ვუსურვებთ!

          • ბუნებისმეტყველება - IV კლასი

          • 5

            წყლის ბრუნვა ბუნებაში – შემოქმედებითი გაკვეთილი მეოთხე კლასში!

            ჩვენს მეოთხეკლასელებთან ერთად ჩავატარეთ საინტერესო და პრაქტიკული გაკვეთილი თემაზე „წყლის ბრუნვა ბუნებაში“. მოსწავლეებმა არა მხოლოდ თეორიული ცოდნა მიიღეს, არამედ საკუთარი ხელით შექმნეს წყლის ციკლის მაკეტი, სადაც თვალსაჩინოდ გამოსახეს წყლის აორთქლება, კონდენსაცია, ნალექი და მიწაში შეღწევა.

            ამ პროცესით ბავშვებმა უკეთ გაიაზრეს, თუ როგორ მუშაობს ბუნების ერთი ყველაზე მნიშვნელოვანი მექანიზმი – წყლის ციკლი. მათი ცნობისმოყვარეობა, მოტივაცია და შემოქმედებითი მიდგომა ნამდვილად აღფრთოვანებას იწვევს!

            გვსურს, მივულოცოთ ჩვენს პატარა მკვლევარებს ამ შესანიშნავი მუშაობისთვის და მადლობა ვუთხრათ პედაგოგ ლუიზა ვერულიძეს ინოვაციური მიდგომისთვის!

            სწავლა შეიძლება იყოს სახალისოც, ინტერაქტიულიც და შთამაგონებელიც — განსაკუთრებით მაშინ, როცა თეორია ცხოვრებაში გადმოდის!

          • ქრისტიანობის გავრცელება საქართველოში

          • ქრისტიანობის გავრცელება საქართველოში — მოსწავლეების ჩართულობით

            გიმნაზიის სულიერი მოძღვრები შეხვდნენ ზედა საფეხურის მოსწავლეებს და ერთად განიხილეს ერთ-ერთი უმნიშვნელოვანესი თემა — ქრისტიანობის გავრცელება საქართველოში.

            მოსწავლეებმა მოისმინეს როგორც ისტორიული, ისე სულიერი ასპექტები IV საუკუნეში მომხდარი მოვლენებისა და დაადგინეს გზები, თუ როგორ მოიძიონ დამატებითი ინფორმაცია სარწმუნოებრივი კუთხით.

            მოსწავლეებს დაევალათ მოიძიონ წყაროები და მომავალი შეხვედრისთვის მოამზადონ მცირე სალექციო ფორმატის პრეზენტაციები —

            ქრისტიანობის ისტორია საქართველოში.

            მომდევნო მოძღვრის საათი დაგეგმილია ნოემბრისთვის და მასში მოსწავლეების აქტიური მონაწილეობა იგეგმება.

             

          • ქართული ენა - Iა კლასი

          • 6

            კლასი: I ა

            საგანი: ქართული ენა

            მასწავლებელი: მაია ყულეჯიშვილი

            კომპლექსური დავალება: გაკვეთილების ცხრილის შედგენა

            მოსწავლეებს დაევალათ საპრეზენტაციო ფურცელზე მომზადებული ლოგოების განლაგება კვირის დღეების მიხედვით, შემდეგ კი მათ მიერ შექმნილი ცხრილის წარდგენა მეგობრებთან.

            პირველკლასელებმა მუშაობისას გაითვალისწინეს რომელ საგნებს სწავლობენ სკოლაში, დღეში რამდენი გაკვეთილი აქვთ და რომელ დღეს რა გაკვეთილი უტარდებათ.

            სახალისო იყო პირველკლასელთათვის კომპლექსურ დავალებაზე მუშაობა.

          • საღვთო სჯული - I კლასი

          • 2

            საგანი : საღვთო სჯული.

            მასწავლებლები:

            ანნა გორგასლიძე,

            ნინო ვერულიძე.

            კლასი: I ა,I ბ, Iგ .

            მასწავლებლებმა საღვთო სჯულის გაკვეთილზე შეაჯამეს შესწავლილი მასალა

            თემა “სამყაროს შექმნა. “

            ბავშვები დიდი ინტერესით გაეცნენ სამყაროს წარმოშობის ბიბლიურ ისტორიას, ისაუბრეს ყოველი დღის მნიშვნელობაზე და იმაზე, თუ როგორ იქმნებოდა ყველაფერი, რაც გარშემო გვახვევია. პატარები თემის ირგვლივ სვამდნენ საინტერესო კითხვებს და მასწავლებლებისგან ღებულობდნენ დამაკმაყოფილებელ პასუხებს.

            გაკვეთილი კიდევ უფრო საინტერესოდ წარიმართა – როცა მოსწავლეებმა ნახეს ანიმაციური ფილმი “ ედემის ბაღი” .

            ფილმი დაეხმარა პატარებს წარმოდგენა უკეთ შეექმნათ სამყაროს შექმნის შესახებ.

            მოსწავლეებმა განსაკუთრებული სიხარულით, სიფხიზლითა და გულწრფელი განცდით გაიაზრეს გაკვეთილის არსი და კიდევ ერთხელ დაადასტურეს, როგორი მიმღებია ბავშვური გული ღვთის სიტყვისთვის.

          • მასწავლებელთა საერთაშორისო დღე

          • 2 ოქტომბერს ქობულეთის კულტურის სახლში გაიმართა მასწავლებლის დღისადმი მიძღვნილი ღონისძიება "მადლობა, მასწავლებელო!"

            ღონისძიებაზე დაჯილდოვდნენ ღვაწლმოსილი მასწავლებლები, რომელთა ცოდნა, შრომა და დაუღალავი ძალისხმევა ღირსეული მომავალი თაობების აღზრდის საწინდარია!

            წელს სასკოლო საზოგადოების გადაწყვეტილებით ეს დამსახურებული ჯილდო გადაეცა ჩვენი სკოლა-გიმნაზიის მასწავლებელს, მაია ყულეჯიშვილს.

            ვულოცავთ ქალბატონ მაიას ამ აღიარებას და ვუსურვებთ მომავალ წარმატებებს პროფესიულ საქმიანობაში!