სიახლეები

          • ფილმის ჩვენება - IVა და IVბ კლასი

          • 2

            წიგნი, ფილმი და ბავშვების ემოციები ერთ სივრცეში!

            კლასი: lV ა, lV ბ

            დამრიგებლები:

            ნათია გოხიძე

            ლუიზა ვერულიძე

            მოსწავლეებმა წარმატებით განახორციელეს კითხვის საათი, რომელიც ნოდარ დუმბაძის ნაწარმოების „მე, ბებია, ილიკო და ილარიონი“ გაცნობას მიეძღვნა. გაკვეთილის მიზანი — წიგნის შინაარსისა და თემატიკის უფრო ღრმა გაგება — სრულად შესრულდა.

            კლასმა დიდი ინტერესით მოუსმინა ტექსტის მნიშვნელოვან ეპიზოდებს და აქტიურად ჩაერთო განხილვებში. ფილმის ნახვამ ბავშვებს საშუალება მისცა, ნაწარმოები ვიზუალურად წარმოედგინათ და პერსონაჟების ხასიათები უფრო მკაფიოდ შეეგრძნოთ. მოსწავლეები სიამოვნებით აკეთებდნენ პარალელებს წიგნსა და ფილმს შორის, გამოხატავდნენ საკუთარ აზრს და აზიარებდნენ შთაბეჭდილებებს.

            კითხვის პროცესი ცოცხალად და საინტერესოდ წარიმართა: ბავშვები სვამდნენ კითხვებს, პასუხობდნენ, განმარტავდნენ სცენებს და ავლენდნენ ემოციურ ჩართულობას. განსაკუთრებით ყურადღებას იპყრობდნენ იუმორისტული ეპიზოდები ბებიის, ილიკოსა და ილარიონის მონაწილეობით.

            კითხვის საათმა ხელი შეუწყო მოსწავლეთა წაკითხულის გააზრებას, ინტერესის გაღვივებასა და ჯგუფური მუშაობის უნარების განვითარებას.

          • ანბანის შემობრძანება - Iბ კლასი

          • 29

            "ანბანი მობრძანდებაო…”

            საგანი: ქართული ენა

            კლასი: l ბ

            მასწავლებელი: სალომე ანთაძე

            პირველ ბ კლასში ჩატარდა გაკვეთილი „ანბანი მობრძანდებაო…”ეს იყო განსაკუთრებული და ემოციური დღე პატარა მოსწავლეებისთვის, რომლებიც სულ ცოტა ხნის წინ გადაშალეს საკუთარი ცოდნის პირველი ფურცლები.

            გაკვეთილზე ბავშვებმა წარმოაჩინეს, როგორ შემოიყვანეს თავიანთ პატარა სამყაროში ქართული ანბანის ასოები—სითბოთი, ინტერესითა და დიდი მონდომებით. მათ წარადგინეს მცირე ტექსტები, წაიკითხეს უკვე ნასწავლი ასოებით შედგენილი სიტყვები და შემოქმედებითი აქტივობებით კიდევ ერთხელ დაამტკიცეს, რომ სწავლისადმი დიდი მოტივაცია და სურვილი აქვთ.

            გაკვეთილი გამორჩეული იყო ბავშვების გულწრფელი ემოციებით, სასიამოვნო ატმოსფეროთი და შემოქმედებითი ენერგიით. პირველკლასელებს ვულოცავთ ამ მნიშვნელოვან საფეხურს და ვუსურვებთ ცოდნითა და სიყვარულით სავსე წინსვლას!

          • ხელოვნება - IIIა და IIIბ კლასი

          • 29

            შემოდგომის ფერებში ჩატარებული ხელოვნების გაკვეთილი

            თემა: “შემოდგომა”

            საგანი: ხელოვნება

            კლასი: lll ა, lll ბ

            მასწავლებელი: მარიამ ვერულუძე

            შემოდგომა თავისი ფერთა განსაკუთრებული სიმდიდრით მუდამ შთაგონების წყაროა. მხატვრები ხშირად ქმნიან მზიან, უხვ, ბარაქიან ან სევდიან, ფოთლებშემოძარცულ შემოდგომის სურათებს. ბუნების მრავალფეროვან პეიზაჟებთან ერთად, მხატვრობაში ფართოდ არის წარმოდგენილი მოსავლის აღების, ხილის კრეფისა და რთველის თემატიკა.

            ამ ულამაზესი განწყობით მე-3ა და მე-3ბ კლასებში ჩატარდა ხელოვნების გაკვეთილი „შემოდგომა“. მოსწავლეები სიამოვნებით ეზიარენ შემოდგომის ფერებს, სითბოსა და სიმდიდრეს, საკუთარი შემოქმედებითი ხედვა კი ფურცელზე მხატვრული ნამუშევრის სახით გადმოიტანეს.

            გაკვეთილი იყო სითბოთი, ფერებითა და შემოქმედებითი ენერგიით სავსე. ბავშვებმა კიდევ ერთხელ დაგვარწმუნეს, რომ შემოდგომის სამყაროში თითოეული ფერი ერთ დიდ, ჰარმონიულ სურათს ქმნის.

          • მოსწავლეთა თვითმმართველობის არჩევნები

          • 9

            2025- 2026 სასწავლო წლის

            თვითმმართველობის არჩევნები საბაზო და საშუალო საფეხურის მოსწავლეებთან წარმატებით ჩატარდა.

            მოსწავლეებმა კიდევ ერთხელ აჩვენეს აქტიურობა, პასუხისმგებლობა და გუნდური მუშაობის უნარი, რაც მნიშვნელოვანია სკოლაში დემოკრატიული ღირებულებების განვითარებისთვის. არჩევნებმა მშვიდ გარემოში ჩაიარა, მოსწავლეთა მაღალი ჩართულობითა და მხარდაჭერით. ამ ღონისძიებამ ხელი შეუწყო სკოლის თვითმმართველობის საქმიანობის გაგრძელებას.

            ვულოცავთ არჩეულ წევრებს და ვუსურვებთ წარმატებებს მომავალი გამოწვევების დაძლევაში!

          • ანბანის შემობრძანება - Iა კლასი

          • 17

            "პირველი ნაბიჯები ცოდნისა და საოცრებების სამყაროში

            საგანი: ქართული ენა

            კლასი: I ა

            მასწავლებელი: მაია ყულეჯიშვილი

            გიმნაზიის I ა კლასის მოსწავლეებისთვის ეს დღე ნამდვილად განსაკუთრებული იყო — პირველი ასოსა და ბგერის გაცნობა მათთვის ნამდვილი ემოციური და ამაღელვებელი გამოცდილება აღმოჩნდა.

            სადაც პირველი წაკითხული სიტყვა, პირველი წინადადება და პირველი დაწერილი ასო — ახალ სიცოცხლეს იძენს და საკუთარ ისტორიას ჰყვება.

            „დედა ენა“ — ეს არის წიგნი, რომელიც პირველია და ყველაზე ძვირფასი ყველა სხვა წიგნს შორის. ის როგორც გაზაფხულის პირველი ია, ისე სუფთაა და ნათელი, როგორც მზის პირველი სხივი, ასე სითბოსა და სიცოცხლეს ანიჭებს ბავშვის სულს.

            მასწავლებელმა საოცარი სიყვარულითა და შემოქმედებითი მიდგომით, მრავალფეროვანი, ფერადი და სახალისო აქტივობების მეშვეობით მოსწავლეები ამოგზაურა ცოდნის სამყაროში.

            მოსწავლეებმა სიხარულით აღმოაჩინეს, რომ სწავლა მხოლოდ წიგნი კი არა — თამაშით, ფერებითა და ემოციებით სავსე საოცარი მოგზაურობაა.

            თითოეულმა მოსწავლემ სიამაყით დაწერა თავისი პირველი ასო — თითქოს პატარა სასწაული ჩაიწერა ფურცელზე.

            მათ თვალებში ბრწყინავდა სიხარული, ცნობისმოყვარეობა და აღფრთოვანებით სავსე მზერა, რომელიც ნათლად აჩვენებდა: რომ გზა ცოდნისკენ იწყება ერთი პატარა ასოთი, ერთი პირველით ნაბიჯით.

            ეს დღე აუცილებლად დარჩება ყველა ბავშვის გულში — როგორც ერთ-ერთი ყველაზე თბილი, ნათელი და დაუვიწყარი მოგონება.

            მათი პირველი წარმატება, პირველი სიტყვა და პირველი წინადადება კიდევ უფრო მჭიდროდ აკავშირებს სკოლასთან, მასწავლებელთან და საოცარ სამყაროსთან, რომელსაც „დედა ენა“ ჰქვია.

            წარმატებები ჩვენს პატარა გიმნაზიელებს ცოდნის ამ ახალ, ფერად და შთამაგონებელ გზაზე!

             

          • ლიტერატურული ვიქტორინა - Vა კლასი

          • ა(ა)იპ ქობულეთის წმინდა  კირიონ მეორის სახელობის მართლმადიდებლური სკოლა-გიმნაზიის  Vა   კლასის მოსწავლეებს შორის გაიმართა ლიტერატურული ვიქტორინის I ტური.

            მოსწავლეებმა  წაიკითხეს და განიხილეს  ჯეიმს გრინვუდის  "პატარა  მაწანწალა".

            • ჯეიმს გვინვუდი მკითხველს კარგად აჩვენებს თუ რამხელა მნიშვნელობა აქვს გარემო პირობებს ადამიანის ჩამოყალილებაში;

            • ჯიმი იყო: ძლიერი, ამაყი, პასუხისმგებლიანი, სამართლიანი, შეუპოვარი, მიზანსწრაფული...

            • ენით აღუწერელი გაჭირვების, ტკივილისა და ტანჯვის მიუხრდავად, ჯიმიმ შეძლო ცხოვრება სწორად და ღირსეულად წარემართა;

            • ეს ნაწარმოები გვასწავლის, რომ ფარ-ხმალი არასოდეს უნდა დავყაროთ, რთულ ვითარებაშიც უნდა შევძლოთ მოქმედება და გამოსავლის ძიება;

             ქულები შემდეგნაირად გადანაწილდა:

            "გენიოსები" - 3 ქულა

            "მწიგნობარი" - 2 ქულა

            "ლამპარი" - 1 ქულა

            ვემზადებით შემდეგი ტურისათვის!

          • პატივისცემა ურთიერთობის საფუძველი - VIIა კლასი

          • 3

            ”პატივისცემა ურთიერთობის საფუძველი “

            დამრიგებელი თეონა გოგიტიძე

            VII ა

            კლასში ჩატარდა კლასს საათი თემაზე „პატივისცემა ურთიერთობის საფუძველი“.

            მოსწავლეებმა მასწავლებლის ხელმძღვანელობით ისაუბრეს იმაზე, თუ რამდენად მნიშვნელოვანია ერთმანეთის პატივისცემა ყოველდღიურ ცხოვრებაში — ოჯახში, სკოლაში და მეგობრებთან ურთიერთობისას.

            ბავშვებმა დაასახელეს მაგალითები, როგორ გამოხატავენ პატივისცემას უფროსების, თანატოლებისა და გარემოს მიმართ.

            მათ გააცნობიერეს, რომ პატივისცემა ნიშნავს ყურადღებას, კეთილ სიტყვას, დახმარების სურვილს და ერთმანეთის გაგებას.

            დასასრულს მოსწავლეებმა პატარა სცენებითა და თამაშებით აჩვენეს, როგორ შეიძლება მეგობრული და პატივისცემაზე დაფუძნებული ურთიერთობა.

            ბავშვებმა შეიმეცნეს, რომ პატივისცემა კეთილი ურთიერთობების საწყისია, და სადაც პატივისცემა სუფევს — იქ მუდამ სიხარული, მეგობრობა და სიყვარულია.

          • ეროვნული სასწავლო ოლიმპიადა 2025-2026

          • 2025-2026 სასწავლო წლის ეროვნული სასწავლო ოლიმპიადა იწყება. ოლიმპიადაში მონაწილეობა შეუძლია თითოეულ საგანში/საგნებში განსაზღვრული კონკრეტული ასაკობრივი ჯგუფის (X-XII კლასები) მოსწავლეს, თუმცა, სურვილის შემთხვევაში, საბაზო საფეხურის ნებისმიერ მოსწავლესაც.  

            ოლიმპიადისათვის რეგისტრაციის გავლა შესაძლებელია 4 ნოემბრის 10:00 საათიდან 18 ნოემბრის 18:00 საათამდე ამ ბმულის გამოყენებით.

            რეგისტრაციის გასავლელად მოსწავლეს დასჭირდება მხოლოდ პირადი თერთმეტნიშნა ნომერი.

             დეტალური ინსტრუქცია

            ეროვნულ სასწავლო ოლიმპიადას შეფასებისა და გამოცდების ეროვნული ცენტრი ყოველ წელს სამ ტურად ატარებს. პირველ ტურს მონაწილეები ელექტრონულად გადიან. მომდევნო ორი ტური კი საგამოცდო ცენტრებში ტარდება. 

            ეროვნული სასწავლო ოლიმპიადის პირველ ტურზე რეგისტრირებულ მოსწავლეებს ცენტრი შესაძლებლობას აძლევს ონლაინ რეჟიმში გაიარონ საცდელი ტესტირება. აპლიკანტს საშუალება ექნება ყოველგვარი შეფასების გარეშე ივარჯიშოს და წინასწარ გაეცნოს იმ ელექტრონულ პროგრამას, რომლითაც ჩატარდება ტესტირება. პრეტესტში მონაწილეობა ნებაყოფლობითია. დეტალური ინსტრუქცია გამოქვეყნდება ოლიმპიადის დაწყებამდე რამდენიმე დღით ადრე.

            მეორე ტურში მონაწილეობის უფლებას მოიპოვებს ის მონაწილე, რომელიც დააგროვებს ტესტის მაქსიმალური ქულის 60%-ს ან მეტს და, ამასთან ერთად, მოხვდება საგნის რეიტინგული სიის პირველ 1 000 მოსწავლეს შორის.

            ეროვნული სასწავლო ოლიმპიადა ჩატარდება: ქართულ ენასა და ლიტერატურაში, ქართულ ენაში (არაქართულენოვანი სკოლების მოსწავლეებისათვის), მათემატიკაში, ისტორიაში, გეოგრაფიაში, ფიზიკაში, ქიმიაში, ბიოლოგიაში და უცხოურ ენებში (ინგლისური, გერმანული, ფრანგული და რუსული).

            მოსწავლეებს, რომლებსაც ესაჭიროებათ სპეციფიკური საგამოცდო გარემოს შექმნა, რეგისტრაციის დროს უნდა მონიშნონ - „სპეციალური პირობები“ და შეფასებისა და გამოცდების ეროვნულ ცენტრში (მის.: თბილისი, ე. მინდელის N9), რეგიონებში კი ადგილობრივ საგანმანათლებლო რესურსცენტრში 18 ნოემბრის 18:00 საათამდე უნდა წარმოადგინონ შესაბამისი ჯანმრთელობის ცნობა (ფორმა N100).

            ტესტირების თარიღისა და დროის თაობაზე ინფორმაცია, ასევე სხვა მნიშვნელოვანი დეტალები  გამოქვეყნდება ცენტრის ოფიციალური ვებგვერდზე: www.naec.ge 

          • ბუნებისმეტყველება - IIა კლასი

          • 33

            პრაქტიკული სამუშაო — “რა იხსნება წყალში ?”

            კლასი : II ა

            მასწავლებელი: სოფიო ოქროპორიძე

            მეორე კლასში ჩატარდა შემეცნებითი პრაქტიკული სამუშაო თემაზე „რა იხსნება წყალში“.

            ცდა ჩატარდა სოფო მასწავლებლის დახმარებით.

            მოსწავლეებმა დიდი ინტერესით ჩაატარეს ექსპერიმენტი: თითოეულმა ჭიქაში ჩაყარა შაქარი, მარილი, ქვიშა , შემდეგ კი დააკვირდნენ, რა მოხდებოდა.

            დაკვირვების შედეგად ბავშვებმა აღმოაჩინეს, რომ შაქარი , და მარილი წყალში იხსნება, ხოლო ქვიშა — არ იხსნება.

            მოსწავლეებმა პრაქტიკული გზით დაასკვნეს, რომ ნივთიერებები განსხვავდებიან ერთმანეთისგან და ყველა მათგანი ვერ იხსნება წყალში.

            ეს ცდა ძალიან საინტერესო, სახალისო და შემეცნებითი აღმოჩნდა ყველასთვის.

            ბავშვები კიდევ ერთხელ დარწმუნდნენ, რომ სწავლა შეიძლება ერთდროულად იყოს სასარგებლოც და ძალიან საინტერესოც!

          • სასკოლო სპორტული ოლიმპიადა

          • სასკოლო ოლიმპიადის ფარგლებში გამართული რაიონული პირველობა ჩვენი გიმნაზიისთვის კიდევ ერთი წარმატებული ფურცელია!

            2025-26სასწ. წლის სასკოლო სპორტული ოლიმპიადის ფარგლებში ჩატარებულ რაიონულ პირველობაზე (ამანათრბენი გოგონები ) მონაწილე სკოლებს შორის ჩვენმა გოგონებმა მეორე ადგილი დაიკავა!

            ბარბარე ჯაიანი

            ბარბარე კონცელიძე

            ელენე მოწყობილი

            ბარბარე ჯინჭარაძე

            ბარბარე მესხიძე

            მარიამ მოწყობილი

            გილოცავთ ყველას !

            ჩვენი გამარჯვებების გზა გრძელდება!

          • “ბულინგი და მისი პრევენცია” - IXბ კლასი

          • 5

            კლასი IX ბ

            კლასის საათი: “ბულინგი და მისი პრევენცია”

            დამრიგებელი: სოფო შენგელია

            IX ბ კლასში ჩატარდა კლასის საათი თემაზე „ბულინგი და მისი პრევენცია“. შეხვედრის მიზანი იყო მოსწავლეებში ცნობიერების ამაღლება ბულინგის სხვადასხვა ფორმისა და მისი შედეგების შესახებ.

            საუბარი გაიმართა იმაზე, თუ რა არის ბულინგი, როგორ ვლინდება ის ყოველდღიურ ურთიერთობებში და რა გავლენა აქვს როგორც მსხვერპლზე, ისე დამკვირვებლებსა და თვით ბულინგის განმახორციელებელზე. მოსწავლეებმა აქტიურად მიიღეს მონაწილეობა დისკუსიაში, გამოთქვეს საკუთარი მოსაზრებები და იმსჯელეს, როგორ უნდა მოიქცეს ადამიანი მსგავს სიტუაციაში.

            განსაკუთრებული ყურადღება დაეთმო მეგობრობის, ურთიერთპატივისცემისა და ემპათიის მნიშვნელობას. ღონისძიება დასრულდა ერთობლივი გადაწყვეტილებით — ყველამ უნდა ვეცადოთ, ჩვენი კლასი და სკოლა იყოს უსაფრთხო, კეთილგანწყობილი და მხარდამჭერი სივრცე, სადაც ადგილი არ ექნება ბულინგს.

            კლასის საათმა კიდევ ერთხელ შეგვახსენა, რომ თითოეულს შეგვიძლია ვიყოთ ცვლილების ნაწილი — გავავრცელოთ სიკეთე და დავიცვათ ერთმანეთი.

          • გვიყვარდეს და პატივი ვცეთ ერთმანეთს – ჩემი მეგობარი

          • 28

            სადამრიგებლო საათი

            კლასი: II ბ

            დამრიგებელი: ირმა ბებია

            ჩატარებული სადამრიგებლო საათის მთავარი მიზანი იყო ბავშვებში მეგობრობის, სიყვარულისა და ურთიერთპატივისცემის მნიშვნელობის გაღვივება. საუბარი გაიმართა იმაზე, თუ რა თვისებები ახასიათებს ნამდვილ მეგობარს.

            მოსწავლეებმა გულწრფელად იმსჯელეს, რომ მეგობრობა მხოლოდ ერთად გართობა და სიცილი არ არის — მეგობარი ის ადამიანია, რომელიც გაგიგებს, მოგისმენს, დაგეხმარება და შენს სიხარულს ან მწუხარებას გულით გაიზიარებს.

            განსაკუთრებული ემოცია მოჰყვა აქტივობას, სადაც ბავშვებმა თითოეულმა აირჩია მათთვის სასურველი ფერის გული. ამ გულებით ისინი სიყვარულსა და კეთილ სურვილებს უზიარებდნენ ერთმანეთს. თითოეული მოსწავლე გამოხატავდა მადლიერებას თავისი მეგობრებისადმი და გულით გადაუნაწილა მათ სითბო, მეგობრობა და პატივისცემა.

            დასასრულს, მოსწავლეებმა გააცნობიერეს, რომ მეგობრობა ჩვენი ცხოვრების ერთ-ერთი ყველაზე დიდი ფასეულობაა და რომ ერთმანეთის სიყვარული და პატივისცემა ბედნიერი საზოგადოების საფუძველია

             

          • სიკეთე გადამდებია

          • 2

            სკოლა- გიმნაზიის ისტორიაში კიდევ ერთი კეთილი საქმე ჩაიწერა.

            I ა კლასის მოსწავლეებმა დამრიგებელი: მაია ყულეჯიშვილი , თავიანთი სუფთა გულითა და ბავშვური სიყვარულით გაახარეს ჩვენი მორჩილი გრიგოლი და გააცილეს ათონის მთაზე, მონასტერში სამოღვაწეოდ.

            მათი გულწრფელი სიხარული და კეთილგანწყობა ყველას გულში ჩაგვრჩა.

            ასეთ წამებში ყველაზე ძლიერად იგრძნობა, რომ სიკეთე მართლაც გადამდებია — ერთი კეთილი საქციელი შთააგონებს მეორეს, ერთი თბილი ჟესტი ანთებს სიყვარულს და მადლიერებას ყველას გულში.

            გულით დავულოცავთ გრიგოლს ამ მადლიან გზას — ღმერთმა აკურთხოს და გააძლიეროს იგი წმინდა ღვაწლში.

            დიდი მადლობა ჩვენს პატარა პირველკლასელებს სითბოსა და გულისხმიერებისთვის , მადლობა მაიკო მასწავლებელს, რომლის სიყვარული და მზრუნველობა ბავშვების გულებში კეთილ ნერგებად იფესვება.

            ვისურვებთ, რომ ჩვენს გიმნაზიაში ყოველთვის სუფევდეს სიყვარული, თანაგრძნობა ,სიხარული და ის განწყობა, რომელიც დღეს პირველკლასელებმა ასე უხვად გვაჩუქეს!

            ჩვენი გიმნაზია ამაყობს თქვენით!

            მუდამ სიკეთით გევლოთ !

            უფალი იყოს თქვენი შემწე და მფარველი!

          • "პინოქიოს თავგადასავალი" - IIბ და IIგ კლასი

          • 51

            ”პინოქიოს თავგადასავალი”

            კლასი: II ბ , IIგ

            მასწავლებელი: ირმა ბებია

            ზღაპრის გმირების გაცოცხლება და როლის მორგება

            აქტივობა „ცხელი სკამი“

            მოსწავლეებმა საფუძვლიანად ჩაუღრმავდნენ ზღაპარს, გააანალიზეს მისი შინაარსი და გმირები. თითოეულმა ბავშვმა აირჩია თავისი საყვარელი პერსონაჟი, მოირგო მისი როლი და სცადა, რომ ზღაპარი „გაეცოცხლებინა“.

            შემოქმედებით პროცესში მათ დახატეს ილუსტრაციები, გააფერადეს ისინი და საბოლოოდ შექმნეს საკუთარი პატარა წიგნი

            გარდა ამისა, პატარა შემოქმედებმა დაამზადეს აფიშაც, რომელიც თეატრალური წარმოდგენისთვის გამოიყენეს.

            დასასრულს, მოსწავლეები ესტუმრნენ თეატრს და დაესწრნენ ნამდვილ წარმოდგენას — ასეთმა აქტივობამ პატარებს კიდევ უფრო განუმტკიცა სიყვარული ხელოვნებისა და წიგნის სამყაროს მიმართ.

          • მზრუნველი პატარები

          • ჩვენი სკოლის დიასახლისს პირველი ბ კლასის მოსწავლეებმა მადლობის ნიშნად სიურპრიზი მოუწყვეს — ტკბილეულით გაახარეს , სითბო და სიყვარული აჩუქეს.

            მადლობა ჩვენს პატარებს გულისხმიერებისთვის და სალომე მასწავლებელს — ბავშვებში სიკეთისა და მადლიერების გაღვივებისთვის.

            სალომე მასწავლებელო , თქვენმა და თქვენი პატარების ყურადღებამ და სიყვარულმა კიდევ ერთხელ გაანათა ჩვენი სკოლის დღე.

          • ნაყოფიერი არდადეგები

          • 27

            კლასი: II ბ, II გ

            მასწავლებელი: ირმა ბებია

            მეორე კლასის მოსწავლეები მასწავლებელმა დააჯილდოვა საზაფხულო დავალებების საუკეთესო შესრულებისთვის.

            ვულოცავთ მეორე კლასის მოსწავლეებს საზაფხულო დავალებების წარმატებით შესრულებისთვის მიღებულ ჯილდოს!

            წინ კიდევ უფრო საინტერესო დავალებები გელოდებათ!

            წარმატებები!

          • მე და საზოგადოება - IIIა კლასი

          • 26

            პროექტი „ჩემი ოჯახი“

            საგანი: მე და საზოგადოება

            კლასი: III ა

            მასწავლებელი: ნინო ვერულიძე

            სკოლა- გიმნაზიის მესამე ა კლასის მოსწავლეებმა მონაწილეობა მიიღეს საინტერესო და თბილ პროექტში – „ჩემი ოჯახი“. ბავშვებმა მოიტანეს საკუთარი ოჯახის ფოტოები, ერთმანეთს გაუზიარეს ამბები, დაეხმარნენ ბანერის შექმნაში და ერთად მოვამზადეს დიდი კოლაჟი სახელწოდებით „ჩემი დიდი ოჯახი“.

            პროექტის მიზანი იყო ბავშვებში ოჯახური ღირებულებების, სიყვარულის, პატივისცემისა და ერთობის მნიშვნელობის გაძლიერება.

            საუბრისა და თანამშრომლობის პროცესში ბავშვებმა უკეთ გაიაზრეს, რომ ოჯახი არის ადგილი, სადაც სიყვარული არასოდეს იკლებს, სადაც გვესმის, გვიყვარხარ და ყოველთვის გვიჭერენ მხარს.

            ოჯახი არის ჩვენი ცხოვრების საწყისი და ყველაზე მნიშვნელოვანი საყრდენი.

            მესამე კლასის პატარა მონაწილეებმა კიდევ ერთხელ შეგვახსენეს, რომ ბედნიერი მომავალი სწორედ მყარ ოჯახურ ფასეულობებზე შენდება.

          • ბიოლოგია - VIIა კლასი

          • 3

            ”უჯრედის აღმოჩენა და შესწავლა”

            მასწავლებელი: ნაირა ვასაძე

            ბიოლოგიის გაკვეთილზე VII კლასის მოსწავლეებმა ჩაატარეს პრაქტიკული სამუშაო თემაზე — „უჯრედის აღმოჩენა და შესწავლა“. გაკვეთილის ფარგლებში ისინი გაეცნენ მიკროსკოპის მოწყობილობასა და მუშაობის პრინციპს. მოსწავლეებმა საკუთარი ხელით დაამზადეს სველი მიკროპრეპარატი ხახვის კანის ანათალიდან და მიკროსკოპის საშუალებით დაათვალიერეს მიღებული პრეპარატი.

            მათ დაკვირვების შედეგად შეძლეს ხახვის კანის უჯრედების ამოცნობა და მათი აგებულების დეტალურად შესწავლა. ნანახი უჯრედის სურათი მოსწავლეებმა დაფაზე დახატეს და განიხილეს უჯრედის ძირითადი სტრუქტურები — უჯრედის გარსი, ციტოპლაზმა და ბირთვი.

            გაკვეთილმა მოსწავლეებს საშუალება მისცა თეორიული ცოდნა პრაქტიკულ საქმიანობასთან დაეკავშირებინათ. მიღებული გამოცდილება დაეხმარა მათ უკეთ გაეაზრებინათ უჯრედის მნიშვნელობა, როგორც ცოცხალი ორგანიზმების სტრუქტურული და ფუნქციური ერთეული.

          • ბუნებისმეტყველება - Iგ კლასი

          • ”გზა სახლიდან სკოლამდე“.

            კლასი: პირველი

            საგანი: ბუნებისმეტყველება

            მასწავლებელი: ლელა კენჭაძე

            პატარა მოსწავლეებმა განიხილეს ყოველდღიური მარშრუტი, ისწავლეს საგზაო ნიშნების მნიშვნელობა, უსაფრთხო გადაადგილების წესები და პრაქტიკულადაც დაათვალიერეს გარემო.

            გაკვეთილი საინტერესო, შემეცნებითი და აქტიური იყო — ბავშვებმა უკეთ გაიაზრეს, როგორ უნდა იმგზავრონ უსაფრთხოდ და პასუხისმგებლობით.