სიახლეები

          • ბიოლოგია - VIIა კლასი

          • 6

            კლასი: VII ა

            საგანი: ბიოლოგია

            თემა: “ვსწავლობთ უჯრედს”

            მასწავლებელი: ნაირა ვასაძე

            მეშვიდე კლასის მოსწავლეებმა ბიოლოგიის გაკვეთილზე იმუშავეს უჯრედის თემაზე, რისთვისაც განახორციელეს პრაქტიკული ექსპერიმენტი. მოსწავლეებმა ჯერ გაიარეს თეორიული ნაწილის შემაჯამებელი მასალა უჯრედის სტრუქტურისა და ფუნქციების შესახებ. ამის შემდეგ, თითოეულმა მოსწავლემ დამოუკიდებლად დაამზადა ხახვის ანათალის პრეპარატი, რომლის მიკროსკოპით დათვალიერების საშუალებაც მიეცათ.

            პროცესის განმავლობაში მათ რეალურად შეძლეს უჯრედის ძირითადი სტრუქტურების: მემბრანის, ბირთვისა და ციტოპლაზმის დანახვა, რითაც გააცნობიერეს, თუ რამდენად მნიშვნელოვანია ყოველი ელემენტი ცოცხალი ორგანიზმის ფუნქციონირებისთვის. მიკროსკოპით მიღებული შედეგები დაფაზე გადმოიტანეს, სადაც დეტალურად განიხილეს უჯრედის აგებულება და მისი სპეციფიკური ფუნქციები. აღნიშნული ექსპერიმენტი დაეხმარა მოსწავლეებს, არა მხოლოდ თეორიული ცოდნის პრაქტიკულ გამოცდილებად ქცევაში, არამედ მეცნიერული მეთოდოლოგიის უკეთ აღქმაში, რაც ხელს უწყობს მათი კრიტიკული და ანალიტიკური აზროვნების განვითარებას.

            გაკვეთილის შემდეგ, მოსწავლეებმა გაგებით უპასუხეს შეკითხვებს უჯრედის სტრუქტურისა და მისი ელემენტების ფუნქციონირების შესახებ, რაც ადასტურებს, რომ მათთვის აღნიშნული მასალა გასაგები და საინტერესო აღმოჩნდა. ასეთი გაკვეთილები აძლიერებს მოსწავლეების დაინტერესებას მეცნიერების მიმართ და ხელს უწყობს მათში ბუნებრივი ცნობისმოყვარეობის გაღვივებას.

          • ტვინების ბრძოლა - II ასაკობრივი კატეგორია

          • 14

            ტვინების ბრძოლა არის გუნდური ინტელექტუალური თამაში სკოლის მოსწავლეებისათვის. ერთ სივრცეში განლაგებული გუნდები პასუხობენ წამყვანის მიერ გაჟღერებულ შეკითხვებს. თემატიკა არის ზოგადი, შეკითხვები კი დაფუძნებულია ლოგიკური და ანალიტიკური აზროვნების უნარზე. 

            II ასაკობრივ კატეგორიაში (VI, VII, VIII კლასი) მონაწილებდნენ გუნდები:

            გენიოსები

            მჭევრმეტყველები

            არწივები

            ათენა

            ნიკე

            ბონა დეა

            ცნობილი ხუთეული

            ლამპარი

            საუნჯე

            ერუდიტი

            ლოგიკის  მგზავრები

            პირველადგილოსანმა გუნდმა "საუნჯე" მოიპოვა გამარჯვების დამადასტურებელი დიპლომი და ასპარეზობის უფლება "ტვინების ბრძოლის" სკოლათშორის ჩემპიონატზე.

            ვულოცავთ და მომავალში წარმატებულ ასპარეზობას ვუსურვებთ!

          • ქართული ენა და ლიტერატურა - IXა და IXბ კლასი

          • 2

            საგანი: ქართული ენა და ლიტერატურა

            კლასი: IXა, IXბ

            მასწავლებელი: ნინო მოქია, ირინე წულუკიძე

            თემის სათაური - " ფესვები"

            ბავშვებმა წაიკითხეს მიხეილ ჯავახიშვილის "მიწის ყივილი" , ნახეს ფილმი "ფესვები" და გამართეს დისკუსია!

            განიხილეს ნაწარმოები და ფილმი, შეადარეს ერთმანეთს და იმსჯელეს მსგავსება-განსხვავებაზე!

            გაიხსენეს შესწავლილი ნაწარმოებები , გაავლეს პარალელი და გამოკვეთეს მთავარი სათქმელი! შეხვედრა ძალიან საინტერესო, შინაარსიანი და დასამახსოვრებელი იყო!

          • ბარაქიანი შემოდგომა - II კლასი

          • 10

            ბარაქიანი შემოდგომა ბერიძეების მარანში

            სტუმრობა „ბერიძეების მარანში“ გიმნაზიის მეორე კლასელებისთვის დაუვიწყარი დღე აღმოჩნდა

            მასწავლებელი: ნინო ვერულიძე,

            დამრიგებელი მარიამ ვერულიძე, მოსწავლეებმა აჭარის ბარაქიან მიწაზე მოყვანილი ყურძენი საკუთარი ხელით დაწურეს და გემრიელი ჩურჩხელებიც ამოავლეს. ღვინის ტკბილი სურნელი, ჩურჩხელების სიმკვრივე და შემოდგომის მზიანი დღეები ბავშვებისთვის ქართული ტრადიციების გაცოცხლების და ოჯახის, შრომის და სიხარულის სიღრმისეული გაცნობა გახდა.

            ტრადიციული ქართული საქმიანობების თითოეული პროცესი ბავშვებისთვის სასწავლო თავგადასავლად იქცა. ყურძნის დაწურვისგან დაწყებული, ჩურჩხელების მომზადებამდე.თითოეული მოსწავლე სიამაყით ინაწილებდა ამ საოცარ გამოცდილებას. მათ გააცნობიერეს, რომ ბარაქიანი შემოდგომა და მისი სიხარული თაობებიდან თაობებს გადაეცემა სწორედ ამ შრომის და სიყვარულის გზით.

            დაბინდულა, ქარვისფერი შემოდგომა ბარბაცებს,

            თვალგაყინულ მწვანე ვენახს, მდუმარება არწევს.

            თითქოს ძილი, თითქოს თრთოლვა, თითქოს შიში დაჰყვება,

            ვეფხვებივით გაუნძრევლად, მიჯრით სხედან ქვევრები.”

            ასეთი აქტივობები კიდევ უფრო ახსენებს ყველას ქართული ტრადიციების სიძლიერეს და სილამაზეს. დღე, რომელიც მარანში გაატარეს, ბავშვებისთვის დიდხანს იქნება მშობლიური ღირებულებების მტკიცე საფუძვლად.

          • მოსწავლეთა თვითმმართველობის არჩევნები

          • 16

             

            ქობულეთის წმინდა კირიონ მეორის სახელობის მართლმადიდებლურ სკოლა- გიმნაზიაში

            წარმატებით ჩატარდა თვითმმართველობის არჩევნები საბაზო და საშუალო საფეხურის მოსწავლეებთან. მოსწავლეებმა კიდევ ერთხელ აჩვენეს აქტიურობა, პასუხისმგებლობა და გუნდური მუშაობის უნარი, რაც მნიშვნელოვანია სკოლაში დემოკრატიული ღირებულებების განვითარებისთვის. არჩევნებმა მშვიდ გარემოში ჩაიარა, მოსწავლეთა მაღალი ჩართულობითა და მხარდაჭერით. ამ ღონისძიებამ ხელი შეუწყო სკოლის თვითმმართველობის საქმიანობის გაგრძელებას.

            ვულოცავთ არჩეულ წევრებს და ვუსურვებთ წარმატებებს მომავალი გამოწვევების დაძლევაში!

          • ინფორმაციული ტექნოლოგიები - VIა და VIბ კლასი

          • საგანი: ინფორმაციული ტექნოლოგიები

            კლასი: VIა , VIბ

            თემა: „კომპიუტერის შექმნისა და განვითარების ისტორია“

            მასწავლებელი: თეონა გოგიტიძე

            ჩვენს გიმნაზიაში, მეექვსე კლასში, ჩატარდა საგაკვეთილო პროექტი თემაზე „კომპიუტერის შექმნისა და განვითარების ისტორია.“ მოსწავლეები გაეცნენ კომპიუტერის განვითარების ეტაპებს, მის საწყის ფორმებსა და თანამედროვე შესაძლებლობებს. მათ გაანალიზეს კომპიუტერის როლი როგორც მეცნიერებაში, ასევე ყოველდღიურ ცხოვრებაში.

            სწავლების პროცესში მოსწავლეებმა გამოიყენეს სხვადასხვა კვლევითი მასალა, მოამზადეს პრეზენტაციები და ისაუბრეს ცნობილ მეცნიერთა წვლილზე ამ სფეროში. პროექტის დასასრულს, გაიმართა ჯგუფური დისკუსია, სადაც მოსწავლეებმა თავიანთი დასკვნები გაუზიარეს ერთმანეთს და შეაფასეს კომპიუტერის მომავალი განვითარება.

            ეს აქტივობა ხელს უწყობს მოსწავლეების განვითარებას და აძლიერებს მათ დაინტერესებას ტექნოლოგიებისადმი.

          • მასწავლებლის საერთაშორისო დღე

          • 4

            დღეს, ქობულეთის კულტურის სახლში, მერიის ორგანიზებით, რესურსცენტრისა და პედაგოგთა პროფკავშირის მხარდაჭერით, გაიმართა პედაგოგთა დღისადმი მიძღვნილი საზეიმო ღონისძიება. ეს მნიშვნელოვანი დღე განათლების სფეროში მოღვაწე პედაგოგების ღვაწლისა და მნიშვნელობის აღნიშვნას ემსახურებოდა, რათა საზოგადოებამ კიდევ ერთხელ დააფასოს მათი შრომა და როლი მომავალი თაობების აღზრდაში.

            ღონისძიება ჩატარდა საზეიმო ატმოსფეროში, რომელშიც მონაწილეობას იღებდნენ როგორც სკოლების წარმომადგენლები, ასევე მოწვეული სტუმრები. მათი სიტყვები ემსახურებოდა პედაგოგთა პროფესიის მნიშვნელობის ხაზგასმას და იმ პატივისცემის გამოხატვას, რომელიც მასწავლებლების ყოველდღიურ საქმიანობას ეკუთვნის.

            ღონისძიების ბოლოს გაიმართა პედაგოგთა დაჯილდოება.

            ჩვენთვის სასიხარულოდ, ჩვენი გიმნაზიის პედაგოგი, ქალბატონი თამარ ბარბაქაძე, დაჯილდოვდა წარმატებული პედაგოგიური მოღვაწეობისთვის.

            ვულოცავთ ყველა პედაგოგს ამ ღირსეულ აღიარებას და ვუსურვებთ შემდგომ წარმატებებს

          • ბუნებისმეტყველება - IVბ კლასი

          • საგანი: ბუნებისმეტყველება

            კლასი: IV

            თემა: წყლის ბრუნვა

            მასწავლებელი : ლუიზა ვერულიძე

            დღეს IV კლასში, ბუნების გაკვეთილზე, მოსწავლეებმა ისწავლეს მნიშვნელოვანი პროცესის, წყლის ბრუნვის, მექანიზმი და მისი მნიშვნელობა დედამიწაზე. გაკვეთილის ფარგლებში განხილული იყო წყლის მოძრაობა ოკეანიდან ღრუბლებში, მისი გადაქცევა ნალექებად და უკან, ოკეანეში დაბრუნება, რითაც ბუნებაში ხანგრძლივი წრე სრულდება.

            მოსწავლეებმა მარტივი და საინტერესო მაგალითებით შეისწავლეს, თუ როგორ ხდება წყლის აორთქლება, კონდენსაცია და ნალექის წარმოქმნა. ასევე, ყურადღება გამახვილდა წყლის ბრუნვის მნიშვნელობაზე ეკოსისტემებისთვის და ადამიანის ცხოვრებისთვის.

            გაკვეთილის დასასრულს, ბავშვებმა ჩაატარეს პრაქტიკული სავარჯიშო, სადაც საკუთარი თვალით იხილეს წყლის აორთქლების და კონდენსაციის პროცესი, რაც კიდევ უფრო გააღრმავა მათი ცოდნა ამ თემაზე. გაკვეთილმა განაპირობა მოსწავლეთა უფრო დიდი დაინტერესება ბუნების პროცესების მიმართ და დაანახა, თუ რამდენად მნიშვნელოვანია წყალი დედამიწაზე სიცოცხლის შენარჩუნებისთვის.

          • ქართული ენა - IIგ კლასი

          • საგანი: ქართული ენა

            კლასი': IIგ კლასი

            მასწავლებელი: ირმა ოქროპირიძე

            თემა: პინოქიოს თავგადასავალი

            ქართული ენისა და ლიტერატურის გაკვეთილზე, მე-2 კლასის მოსწავლეებმა საინტერესო კომპლექსურ დავალებაზე დიდი მონდომებით იმუშვეს.

            პატარებმა შესანიშნავად მოირგეს ,,პინოქიოს თავგადასავალს'' პერსონაჟთა როლები.

            მსგავსი აქტივობა ხელს უწყობს ტექსტის გაგება-გააზრებას, პერსონაჟის მიმართ დამოკიდებულების გამოხატვის უნარის განვითარებას.

            გაკვეთილი ძალიან საინტერესო და სახალისო აღმოჩნდა მოსწავლეებისათვის.

          • ხელოვნება IIIა და IIIბ კლასი

          • 5

            კლასი: IIIა - IIIბ

            მასწავლებელი: ლუიზა ვერულიძე

            თემა: აპლიკაცია „ფერმერი“ - შემოდგომა

            დღეს IIIა და IIIბ კლასებში, ხელოვნების გაკვეთილზე, მოსწავლეებმა შემოქმედებითი და შემოდგომის სურნელით გაჯერებული თემა შეისწავლეს — „ფერმერი“ აპლიკაციის ტექნიკით. გაკვეთილი მიზნად ისახავდა მოსწავლეებში შემოდგომის თემის ირგვლივ წარმოსახვის, ფერთა შეხამების და გამოყენების უნარების განვითარებას.

            პატარებმა შექმნეს ფერმერების შემოდგომის ფერებით გაჯერებული ნამუშევრები, რომლებშიც გამოხატეს საკუთარი ხედვა იმაზე, თუ როგორ გამოიყურება შემოდგომის მინდვრები, ვენახები და მოსავლიანი ფერმები. მათი ნამუშევრები გამოირჩეოდა კრეატიულობით და ფერთა ჰარმონიით, რაც კიდევ ერთხელ მოწმობს მათ მზარდ ხელოვნებისადმი ინტერესს და უნარებს.

            გაკვეთილი ძალიან საინტერესო და ნაყოფიერი აღმოჩნდა, სადაც თითოეულმა მოსწავლემ შეძლო საკუთარი ინდივიდუალობის და შემოქმედების გამოხატვა. აპლიკაციების დამზადების პროცესმა ხელი შეუწყო მოტორიკის განვითარებას და გააღრმავა ხელოვნებისადმი სიყვარული.

          • ჩვენი საქართველო - VIა კლასი

          • დღეს, გიმნაზიაში, მეექვსე კლასის მოსწავლეებმა საინტერესო და სასარგებლო გაკვეთილი გაიარეს, რომლის თემაც იყო “ღვინის კულტურა და კახური ღვინის რეკლამა.”

            მასწავლებელი: სოფო რომანაძე

            გაკვეთილზე მოსწავლეებმა შეიტყვეს ქართული ღვინის უძველესი ტრადიციების შესახებ და გაიგეს, თუ რა როლი აქვს საქართველოს კახეთის რეგიონს ღვინის წარმოებაში.

            განხილული იყო ქვევრში ღვინის დამზადების ტრადიციული მეთოდი, რომელიც მსოფლიოსთვის უნიკალურია, ხოლო ქართული კულტურისთვის მნიშვნელოვან ნაწილს წარმოადგენს.

            ისწავლეს, თუ როგორ შეიძლება რეკლამის დახმარებით პოპულარიზაცია გაუკეთონ კახურ ღვინოს, რაც დაეხმარებათ არა მხოლოდ საქართველოს, არამედ მსოფლიო საზოგადოებასაც მისი განსაკუთრებული ღირებულებების გაცნობაში.

            მოსწავლეებმა დამოუკიდებლად შექმნეს კახური ღვინის რეკლამა, სადაც გამოიყენეს როგორც საკუთარი შემოქმედებითი უნარები, ასევე გაკვეთილზე მიღებული ცოდნა.

            გიმნაზიაში ჩატარებული ასეთი შემოქმედებითი გაკვეთილები ეხმარება ჩვენს მოსწავლეებს უკეთ გაიგონ საკუთარი კულტურის სიმდიდრე და მნიშვნელობა, ასევე განუვითარდეთ ახალი უნარები, რომლებიც მომავალში გამოადგებათ.

          • რუსული ენა - Vა და Vბ კლასი

          • საგანი : რუსული ენა

            კლასი : Vა და V ბ

            დამრიგებელი: ნაირა ვასაძე, ჯენი ჭყონია

            პედაგოგი: მერი ოქროპირიძე

            სწავლების პირველი წელი.

            რიგით მეხუთე გაკვეთილი

            დამოუკიდებლად ვკითხულობთ წიგნში დაბეჭდილი ასოებით და გადაბმულად ვწერთ დაფაზე

          • კინგსის ქართული და ინგლისური ენის ლიგა

          • ქობულეთის წმინდა კირიონ მეორის სახელობის მართლმადიდებლური სკოლა- გიმნაზიის მოსწავლემ, ნინო გამარჯობაშვილმა.

            2023 წლის კინგსის საგაზაფხულო სეზონის

            ქართული და ინგლისური ენის ლიგაზე საუკეთესო ასპარეზობისთვის ბრინჯაოს მედალი მოიპოვა

            მოსწავლის წარმატება კიდევ ერთხელ ადასტურებს, რომ სწავლისადმი სერიოზული მიდგომა, მიზნისკენ მუდმივი სვლა და ყოველდღიური ძალისხმევა საბოლოოდ ყოველთვის საუკეთესოსთან მიგვიყვანს.

            ეს გამარჯვება დიდი მოტივაცია იქნება როგორც ჩვენი გიმნაზიის სხვა მოსწავლეებისთვის, ისე ყველა მათთვის, ვინც შრომისმოყვარეობას პირველ ადგილზე აყენებს. ნინოს ვუსურვებთ მომავალში კიდევ უფრო დიდ მიღწევებს და დარწმუნებულები ვართ, რომ ეს მხოლოდ დასაწყისია დიდი წარმატებების გზაზე. გიმნაზია ყოველთვის იქნება შენი მხარდამჭერი და სიხარულით გაიზიარებს შენს გამარჯვებებს!

          • დედაენის დღე

          • დედაენის დღისადმი მიძღვნილ კალიგრაფიისა და მხატვრული კითხვის კონკურსში, რომელიც ქობულეთის რესურსცენტრის ორგანიზებით გაიმართა, ჩვენი გიმნაზიის მოსწავლეებმა აქტიურად მიიღეს მონაწილეობა და თავიანთი ნიჭი, შრომა და შემოქმედებითი უნარები წარმოჩინეს. ჩვენი სკოლისთვის ეს დღე კიდევ უფრო განსაკუთრებული გახდა, რადგან საუკეთესო ნამუშევრებისთვის დაჯილდოვდა არაერთი მოსწავლე.

            კონკურსში მონაწილეობა იყო არაჩვეულებრივი შესაძლებლობა, რათა მოსწავლეებმა არა მხოლოდ თავიანთი კალიგრაფიული ოსტატობა გამოავლინონ, არამედ დედაენისადმი სიყვარული და პატივისცემა ამ ფორმით გამოხატონ. თითოეული მათგანი, თავისი შრომითა და მონდომებით, წარმოადგენს იმ ღირებულებებს, რომელსაც ჩვენი გიმნაზია აღზრდის პროცესში მუდმივად უსვამს ხაზს – ეს არის ცოდნა, სულიერება და შემოქმედებითობა.

            გვინდა, განსაკუთრებული მადლობა გადავუხადოთ მასწავლებლებს, რომელთა შრომა და ხელმძღვანელობა მნიშვნელოვან როლს თამაშობს ჩვენი მოსწავლეების წარმატებაში. ასევე, ვულოცავთ გამარჯვებულებს და ვუსურვებთ მომავალშიც დიდ წარმატებებს და მუდმივ წინსვლას!

          • სკოლა-გიმნაზიის კურთხევა

          • 10

            რა გამოარჩევს ღირსეულ სასწავლო დაწესებულებას?

            რა თქმა უნდა, ტრადიციები.

            დიახ, დღეს, ტრადიციისამებრ

            ქობულეთის წმინდა კირიონ II-ის სახელობის მართლმადიდებლურ სკოლა- გიმნაზიაში , მამა გაბრიელმა და მამა მიქაელმა სწავლის დაწყების პარაკლისი აღავლინა, რითაც კიდევ ერთხელ განამტკიცეს ჩვენი მისია – აღვზარდოთ თაობა სულიერი სიძლიერითა და ცოდნით აღჭურვილი. მადლობა მათ ლოცვისა და მხარდაჭერისათვის. ახალ სასწავლო წელს ვიწყებთ იმედითა და რწმენით, რომ წინ დიდი წარმატებები გველის!

            დიდი მადლობა ჩვენს გიმნაზიის საზოგადოებას, მასწავლებლებს, მოსწავლეებსა და მშობლებს, რომ ერთად ვაშენებთ ამ განსაკუთრებულ ადგილს, სადაც სულიერებასა და ცოდნას შორის კავშირი ყოველთვის მტკიცეა.

          • გილოცავთ მასწავლებლის საერთაშორისო დღეს!

          • ძვირფასო მასწავლებლებო!

            გილოცავთ მასწავლებლის საერთაშორისო დღეს! თქვენი შრომა და თავდადება ჩვენი მომავალი თაობების განათლებასა და აღზრდაში ფასდაუდებელია. თქვენ ყოველდღიურად აძლიერებთ ჩვენი საზოგადოების სულიერ და ინტელექტუალურ მხარეს, აძლევთ ცოდნას, რომელიც მომავლის გზას უჩვენებს!

            გისურვებთ ულევ წარმატებას, სიხარულსა და მადლიერებას თქვენი შრომისთვის! იყავით მუდამ მოტივირებული და ენერგიულები!

             უფალი იყოს თქვენი შემწე და მფარველი!

          • გილოცავთ ახალი სასწავლო წლის დაწყებას

          • 20

            ”ცოდნა სიმდიდრეა, მერე იმისთანა მადლიანი სიმდიდრეა, რომ რაც უნდა ბევრს დაურიგო, ბევრს გაუწილადო, შენ არა დაგაკლდება-რა, თუ არ მოგემატება. ამ შემთხვევაში ცოდნა ანთებულ სანთელსა ჰგავს: ერთს სანთელზედ რომ ათასს სხვა სანთელს მოუკიდო, სანთელს ამით არც ალი დააკლდება, არც სინათლე და არც სიცხოველე, პირიქით, იმატებს კიდეც, რადგან ერთის მაგიერ ათასი სხვა სანთელი იმასთან ერთად დაიწყებს ლაპლაპსა.”

            ასეთი ცოდნის მისაღები კიდევ ერთი სასწავლო წელი ვიზეიმეთ ქობულეთის წმინდა კირიონ მეორის სახელობის მართლმადიდებლურ სკოლა- გიმნაზიაში.

            გიმნაზიელებო!

            გილოცავთ ახალი სასწავლო წლის დაწყებას! ეს დღე ყოველთვის განსაკუთრებულია, რადგან იგი აღსანიშნავია ახალი მიზნებით, აღმოჩენებითა და შესაძლებლობებით. როგორც ყოველთვის, ჩვენს გიმნაზიაში გველის ნაყოფიერი წელი, სავსე ცოდნით, სითბოთი და მხიარულებით.

            იყავით გულმოდგინე, თავდაჯერებული და ენთუზიაზმით სავსე. თქვენს წინაშეა ახალი ცოდნის მიღების საოცარი შესაძლებლობა, და ჩვენ ყველანი მზად ვართ, გვერდში დაგიდგეთ ამ გზაზე. თითოეული მასწავლებელი და მშობელი მუდამ თქვენს მხარეზეა.

            წარმატებებს და ბედნიერ სასწავლო წელს გისურვებთ!