სიახლეები

          • ინგლისური ენა - IIIბ კლასი

          • 10

            პროექტი „My Favourite Animals“

            კლასი: lll ბ

            თემა: ჩემი საყვარელი ცხოველები

            მასწავლებელი: მარიამ ვერულიძე

            მესამე კლასის მოსწავლეებმა ინგლისური ენის გაკვეთილზე იმუშავეს სასწავლო პროექტზე „My Favourite Animals“ („ჩემი საყვარელი ცხოველები“). პროექტის ფარგლებში ბავშვებმა ინგლისურ ენაზე აღწერეს მათთვის საყვარელი ცხოველები, შეარჩიეს შესაბამისი ილუსტრაციები და წარმოადგინეს საკუთარი მცირე პრეზენტაციები.

            მოსწავლეებმა სიამოვნებით იმუშავეს ამ თემაზე, განივითარეს ლექსიკური მარაგი, ისწავლეს მარტივი აღწერითი წინადადებების შედგენა და საკუთარი აზრის გასაგებად გამოხატვა. მათი ნამუშევრები გამოირჩევა კრეატიულობით, ფერადოვანი ილუსტრაციებით და ცხოველებისადმი სითბოთი.

            პროექტი დაეხმარა ბავშვებს ინგლისური ენის გამოყენებაში პრაქტიკულ გარემოში და კიდევ ერთხელ დაარწმუნა ისინი, რომ სწავლა შეიძლება იყოს საინტერესო და სახალისო პროცესი.

          • იდებატე - XIა და XIბ კლასი

          • 2

            იდებატეს პირველი ტური — ახალი გამოცდილება, ახალი იდეები და აზრის დაცვის კულტურა

            კლასი: Xl ა , Xl ბ

            მასწავლებელი: მარიამ ურუშაძე

            ჩატარდა „იდებატეს“ პირველი ტური, რომელიც მოსწავლეებისთვის მნიშვნელოვანი შემოქმედებითი და ინტელექტუალური გამოცდილება გახდა. ღონისძიება მიზნად ისახავდა კრიტიკული აზროვნების, არგუმენტირებულ მსჯელობასა და გუნდური თანამშრომლობის უნარების გაძლიერებას.

            ტურნირის მსვლელობისას მოსწავლეები სწავლობდნენ:

            სწრაფად და მკაფიოდ ჩამოაყალიბონ არგუმენტები;

            მოერგონ დისკუსიის ქცევასა და სხვადასხვა სიტუაციას;

            იპოვონ პრობლემის გადაჭრის ალტერნატიული გზები;

            მოუსმინონ ოპონენტს და თავიანთი აზრი პატივისცემით დააფიქსირონ.

            დებატები წარიმართა ობიექტური მსაჯების დასწრებით, რომლებიც აფასებდნენ მოსწავლეთა პროდუქციულობას, არგუმენტაციის ხარისხს და გუნდურ მუშაობას. განსაკუთრებით აღსანიშნავია მონაწილეთა აქტიურობა, პასუხისმგებლობა და ერთმანეთისადმი პატივისცემა — ეს ყველაფერი ტურნირს უფრო საინტერესოსა და დინამიურს ქმნიდა.

            მოსწავლეებმა კიდევ ერთხელ დაამტკიცეს, რომ დებატი არის უნარი, რომელიც არა მხოლოდ სასკოლო გარემოში, არამედ მომავალ პროფესიულ წარმატებასა და პიროვნულ ზრდაშიც მნიშვნელოვან როლს თამაშობს.

            გუნდებს ვულოცავთ წარმატებული პირველი ტურის გავლას და ვუსურვებთ კიდევ უფრო დიდ წარმატებებს მომდევნო ეტაპებზე!

          • ანაბანის შემობრძანება - Iგ კლასი

          • 5

            ”აი ია“ ჩვენს კლასში მოვიდა!

            საგანი: ქართული ენა

            კლასი: l გ

            მასწავლებელი: ლელა კენჭაძე

            პირველ გ კლასში გაიმართა „აი იას“ მობრძანების თემატური გაკვეთილი.

            მიზანი იყო მოსწავლეებისთვის ანბანის პირველი ასოების გაცნობა, სწავლების პროცესის მიმართ მოტივაციის გაზრდა და შემოქმედებითი უნარების განვითარება.

            გაკვეთილზე ბავშვები ჩართული იყვნენ სხვადასხვა აქტივობაში: უსმენდნენ მასწავლებლის მითითებებს, ასრულებდნენ თამაშებით გამდიდრებულ სავარჯიშოებს და მონაწილეობდნენ სიმბოლურ „აი იას“ შეხვედრაში.

            სწავლა საინტერესოდ და მეგობრულ გარემოში წარიმართა. მოსწავლეებმა დიდი აქტიურობა გამოავლინეს და წარმატებით განახორციელეს ყველა დაგეგმილი ამოცანა.

            წარმატებები პატარა გიმნაზიელებს!

          • ბარაქიანი შემოდგომა - IIა კლასი

          • 21

            შემოდგომის შემოქმედებითი სტუმრობა ბერიძეების მარანში

            კლასი: llა

            თემა: ბარაქიანი შემოდგომა”

            დამრიგებელი: სოფიო ოქროპირიძე

            ჩვენი მეორე კლასელები სტუმრად იმყოფებოდნენ ბერიძეების მარანში, სადაც დაუვიწყარი დღე გაატარეს. ბავშვებმა უშუალოდ იხილეს ყურძნის დაწურვის ტრადიციული პროცესი, საკუთარი ხელით ამოავლეს ჩურჩხელები და ახლოდან შეიგრძნეს ქართული სოფლის შემოდგომის დოვლათი.

            შემოდგომის ფერებითა და ქართული სტუმართმოყვარეობის ტკბილი არომატით სავსე პატარებს დიდხანს დაამახსოვრდებათ. მადლობას ვუხდით ბერიძეების ოჯახს მეგობრული მიღებისთვის და საინტერესო გამოცდილების შექმნისთვის.

          • განცხადება

          • ჩვენო ძვირფასო მშობლებო!

            ქრისტესმიერი სიყვარულითა და დიდი პატივისცემით გიწვევთ ქობულეთის წმინდა კირიონ მეორის სახელობის მართლმადიდებლური სკოლა-გიმნაზია!

            რამეთუ უფლის მადლითა და მეუფე დიმიტრის ლოცვა-კურთხევით ყოველი 25 ნოემბერი (ხსენება არს წმინდა იოანე მოწყალისა) დადგინდა, რომ აღესრულოს საღმრთო ლიტურგია მშობელთათვის და მოებას ღვთისმშობლის სამადლობელი და სავედრებელი პარაკლისი.

            გთხოვთ, გაითვალისწინოთ ჩვენი თხოვნა, გადავდოთ ამა სოფლის საზრუნავი და ერთობით აღვასრულოთ ლოცვები უფლის სადიდებლად, სამშობლოს საკეთილდღეოდ და ჩვენი შვილების ბედნიერი მომავლისათვის. ამინ!

            დასწრება სავალდებულოა ერთ-ერთი მშობლის მაინც. ლიტურგია დაიწყება 09:30 წმინდა კირიონის სახელობის ტაძარში. პარაკლისი 12:00 გიმნაზიის სააქტო დარბაზში II-სართულზე.

            სკოლა-გიმნაზიის ადმინისტრაცია

             

             

          • ქართული ენა - IIIგ კლასი

          • საგზაო წესები: თამაში და სწავლა

            საგანი : ქართული ენა

            კლასი: lll გ

            მასწავლებელი: ირმა ოქროპირიძე

            მე-3 გ კლასი ქართულ ენაში თემაზე „მოკლე გზა“ გაეცნო ქუჩაში უსაფრთხო გადაადგილების წესებს.

            მოსწავლეებმა მოირგეს უსაფრთხოების ინსპექტორის როლები, ვისწავლეთ, როგორ გადავდივართ გზაზე უსაფრთხოდ, როგორ უნდა შევასრულოთ შუქნიშნის მითითებები და როგორ ვცნოთ ქუჩის ნიშნები.

            გარდა ამისა, მზადდებოდა საკუთარი შუქნიშნები და ფერების მნიშვნელობა, რაც დაეხმარა ბავშვებს უკეთ გაიაზრონ ქუჩაში უსაფრთხო მოძრაობა.

            მოსწავლეებმა აქტიურად მონაწილეობდნენ, დასვეს კითხვები და იმუშავეს გუნდურად – სწავლა იყო სახალისო და პრაქტიკული.

          • ფილმის ჩვენება - IVა და IVბ კლასი

          • 2

            წიგნი, ფილმი და ბავშვების ემოციები ერთ სივრცეში!

            კლასი: lV ა, lV ბ

            დამრიგებლები:

            ნათია გოხიძე

            ლუიზა ვერულიძე

            მოსწავლეებმა წარმატებით განახორციელეს კითხვის საათი, რომელიც ნოდარ დუმბაძის ნაწარმოების „მე, ბებია, ილიკო და ილარიონი“ გაცნობას მიეძღვნა. გაკვეთილის მიზანი — წიგნის შინაარსისა და თემატიკის უფრო ღრმა გაგება — სრულად შესრულდა.

            კლასმა დიდი ინტერესით მოუსმინა ტექსტის მნიშვნელოვან ეპიზოდებს და აქტიურად ჩაერთო განხილვებში. ფილმის ნახვამ ბავშვებს საშუალება მისცა, ნაწარმოები ვიზუალურად წარმოედგინათ და პერსონაჟების ხასიათები უფრო მკაფიოდ შეეგრძნოთ. მოსწავლეები სიამოვნებით აკეთებდნენ პარალელებს წიგნსა და ფილმს შორის, გამოხატავდნენ საკუთარ აზრს და აზიარებდნენ შთაბეჭდილებებს.

            კითხვის პროცესი ცოცხალად და საინტერესოდ წარიმართა: ბავშვები სვამდნენ კითხვებს, პასუხობდნენ, განმარტავდნენ სცენებს და ავლენდნენ ემოციურ ჩართულობას. განსაკუთრებით ყურადღებას იპყრობდნენ იუმორისტული ეპიზოდები ბებიის, ილიკოსა და ილარიონის მონაწილეობით.

            კითხვის საათმა ხელი შეუწყო მოსწავლეთა წაკითხულის გააზრებას, ინტერესის გაღვივებასა და ჯგუფური მუშაობის უნარების განვითარებას.

          • ანბანის შემობრძანება - Iბ კლასი

          • 29

            "ანბანი მობრძანდებაო…”

            საგანი: ქართული ენა

            კლასი: l ბ

            მასწავლებელი: სალომე ანთაძე

            პირველ ბ კლასში ჩატარდა გაკვეთილი „ანბანი მობრძანდებაო…”ეს იყო განსაკუთრებული და ემოციური დღე პატარა მოსწავლეებისთვის, რომლებიც სულ ცოტა ხნის წინ გადაშალეს საკუთარი ცოდნის პირველი ფურცლები.

            გაკვეთილზე ბავშვებმა წარმოაჩინეს, როგორ შემოიყვანეს თავიანთ პატარა სამყაროში ქართული ანბანის ასოები—სითბოთი, ინტერესითა და დიდი მონდომებით. მათ წარადგინეს მცირე ტექსტები, წაიკითხეს უკვე ნასწავლი ასოებით შედგენილი სიტყვები და შემოქმედებითი აქტივობებით კიდევ ერთხელ დაამტკიცეს, რომ სწავლისადმი დიდი მოტივაცია და სურვილი აქვთ.

            გაკვეთილი გამორჩეული იყო ბავშვების გულწრფელი ემოციებით, სასიამოვნო ატმოსფეროთი და შემოქმედებითი ენერგიით. პირველკლასელებს ვულოცავთ ამ მნიშვნელოვან საფეხურს და ვუსურვებთ ცოდნითა და სიყვარულით სავსე წინსვლას!

          • ხელოვნება - IIIა და IIIბ კლასი

          • 29

            შემოდგომის ფერებში ჩატარებული ხელოვნების გაკვეთილი

            თემა: “შემოდგომა”

            საგანი: ხელოვნება

            კლასი: lll ა, lll ბ

            მასწავლებელი: მარიამ ვერულუძე

            შემოდგომა თავისი ფერთა განსაკუთრებული სიმდიდრით მუდამ შთაგონების წყაროა. მხატვრები ხშირად ქმნიან მზიან, უხვ, ბარაქიან ან სევდიან, ფოთლებშემოძარცულ შემოდგომის სურათებს. ბუნების მრავალფეროვან პეიზაჟებთან ერთად, მხატვრობაში ფართოდ არის წარმოდგენილი მოსავლის აღების, ხილის კრეფისა და რთველის თემატიკა.

            ამ ულამაზესი განწყობით მე-3ა და მე-3ბ კლასებში ჩატარდა ხელოვნების გაკვეთილი „შემოდგომა“. მოსწავლეები სიამოვნებით ეზიარენ შემოდგომის ფერებს, სითბოსა და სიმდიდრეს, საკუთარი შემოქმედებითი ხედვა კი ფურცელზე მხატვრული ნამუშევრის სახით გადმოიტანეს.

            გაკვეთილი იყო სითბოთი, ფერებითა და შემოქმედებითი ენერგიით სავსე. ბავშვებმა კიდევ ერთხელ დაგვარწმუნეს, რომ შემოდგომის სამყაროში თითოეული ფერი ერთ დიდ, ჰარმონიულ სურათს ქმნის.

          • მოსწავლეთა თვითმმართველობის არჩევნები

          • 9

            2025- 2026 სასწავლო წლის

            თვითმმართველობის არჩევნები საბაზო და საშუალო საფეხურის მოსწავლეებთან წარმატებით ჩატარდა.

            მოსწავლეებმა კიდევ ერთხელ აჩვენეს აქტიურობა, პასუხისმგებლობა და გუნდური მუშაობის უნარი, რაც მნიშვნელოვანია სკოლაში დემოკრატიული ღირებულებების განვითარებისთვის. არჩევნებმა მშვიდ გარემოში ჩაიარა, მოსწავლეთა მაღალი ჩართულობითა და მხარდაჭერით. ამ ღონისძიებამ ხელი შეუწყო სკოლის თვითმმართველობის საქმიანობის გაგრძელებას.

            ვულოცავთ არჩეულ წევრებს და ვუსურვებთ წარმატებებს მომავალი გამოწვევების დაძლევაში!

          • ანბანის შემობრძანება - Iა კლასი

          • 17

            "პირველი ნაბიჯები ცოდნისა და საოცრებების სამყაროში

            საგანი: ქართული ენა

            კლასი: I ა

            მასწავლებელი: მაია ყულეჯიშვილი

            გიმნაზიის I ა კლასის მოსწავლეებისთვის ეს დღე ნამდვილად განსაკუთრებული იყო — პირველი ასოსა და ბგერის გაცნობა მათთვის ნამდვილი ემოციური და ამაღელვებელი გამოცდილება აღმოჩნდა.

            სადაც პირველი წაკითხული სიტყვა, პირველი წინადადება და პირველი დაწერილი ასო — ახალ სიცოცხლეს იძენს და საკუთარ ისტორიას ჰყვება.

            „დედა ენა“ — ეს არის წიგნი, რომელიც პირველია და ყველაზე ძვირფასი ყველა სხვა წიგნს შორის. ის როგორც გაზაფხულის პირველი ია, ისე სუფთაა და ნათელი, როგორც მზის პირველი სხივი, ასე სითბოსა და სიცოცხლეს ანიჭებს ბავშვის სულს.

            მასწავლებელმა საოცარი სიყვარულითა და შემოქმედებითი მიდგომით, მრავალფეროვანი, ფერადი და სახალისო აქტივობების მეშვეობით მოსწავლეები ამოგზაურა ცოდნის სამყაროში.

            მოსწავლეებმა სიხარულით აღმოაჩინეს, რომ სწავლა მხოლოდ წიგნი კი არა — თამაშით, ფერებითა და ემოციებით სავსე საოცარი მოგზაურობაა.

            თითოეულმა მოსწავლემ სიამაყით დაწერა თავისი პირველი ასო — თითქოს პატარა სასწაული ჩაიწერა ფურცელზე.

            მათ თვალებში ბრწყინავდა სიხარული, ცნობისმოყვარეობა და აღფრთოვანებით სავსე მზერა, რომელიც ნათლად აჩვენებდა: რომ გზა ცოდნისკენ იწყება ერთი პატარა ასოთი, ერთი პირველით ნაბიჯით.

            ეს დღე აუცილებლად დარჩება ყველა ბავშვის გულში — როგორც ერთ-ერთი ყველაზე თბილი, ნათელი და დაუვიწყარი მოგონება.

            მათი პირველი წარმატება, პირველი სიტყვა და პირველი წინადადება კიდევ უფრო მჭიდროდ აკავშირებს სკოლასთან, მასწავლებელთან და საოცარ სამყაროსთან, რომელსაც „დედა ენა“ ჰქვია.

            წარმატებები ჩვენს პატარა გიმნაზიელებს ცოდნის ამ ახალ, ფერად და შთამაგონებელ გზაზე!

             

          • ლიტერატურული ვიქტორინა - Vა კლასი

          • ა(ა)იპ ქობულეთის წმინდა  კირიონ მეორის სახელობის მართლმადიდებლური სკოლა-გიმნაზიის  Vა   კლასის მოსწავლეებს შორის გაიმართა ლიტერატურული ვიქტორინის I ტური.

            მოსწავლეებმა  წაიკითხეს და განიხილეს  ჯეიმს გრინვუდის  "პატარა  მაწანწალა".

            • ჯეიმს გვინვუდი მკითხველს კარგად აჩვენებს თუ რამხელა მნიშვნელობა აქვს გარემო პირობებს ადამიანის ჩამოყალილებაში;

            • ჯიმი იყო: ძლიერი, ამაყი, პასუხისმგებლიანი, სამართლიანი, შეუპოვარი, მიზანსწრაფული...

            • ენით აღუწერელი გაჭირვების, ტკივილისა და ტანჯვის მიუხრდავად, ჯიმიმ შეძლო ცხოვრება სწორად და ღირსეულად წარემართა;

            • ეს ნაწარმოები გვასწავლის, რომ ფარ-ხმალი არასოდეს უნდა დავყაროთ, რთულ ვითარებაშიც უნდა შევძლოთ მოქმედება და გამოსავლის ძიება;

             ქულები შემდეგნაირად გადანაწილდა:

            "გენიოსები" - 3 ქულა

            "მწიგნობარი" - 2 ქულა

            "ლამპარი" - 1 ქულა

            ვემზადებით შემდეგი ტურისათვის!

          • პატივისცემა ურთიერთობის საფუძველი - VIIა კლასი

          • 3

            ”პატივისცემა ურთიერთობის საფუძველი “

            დამრიგებელი თეონა გოგიტიძე

            VII ა

            კლასში ჩატარდა კლასს საათი თემაზე „პატივისცემა ურთიერთობის საფუძველი“.

            მოსწავლეებმა მასწავლებლის ხელმძღვანელობით ისაუბრეს იმაზე, თუ რამდენად მნიშვნელოვანია ერთმანეთის პატივისცემა ყოველდღიურ ცხოვრებაში — ოჯახში, სკოლაში და მეგობრებთან ურთიერთობისას.

            ბავშვებმა დაასახელეს მაგალითები, როგორ გამოხატავენ პატივისცემას უფროსების, თანატოლებისა და გარემოს მიმართ.

            მათ გააცნობიერეს, რომ პატივისცემა ნიშნავს ყურადღებას, კეთილ სიტყვას, დახმარების სურვილს და ერთმანეთის გაგებას.

            დასასრულს მოსწავლეებმა პატარა სცენებითა და თამაშებით აჩვენეს, როგორ შეიძლება მეგობრული და პატივისცემაზე დაფუძნებული ურთიერთობა.

            ბავშვებმა შეიმეცნეს, რომ პატივისცემა კეთილი ურთიერთობების საწყისია, და სადაც პატივისცემა სუფევს — იქ მუდამ სიხარული, მეგობრობა და სიყვარულია.

          • ეროვნული სასწავლო ოლიმპიადა 2025-2026

          • 2025-2026 სასწავლო წლის ეროვნული სასწავლო ოლიმპიადა იწყება. ოლიმპიადაში მონაწილეობა შეუძლია თითოეულ საგანში/საგნებში განსაზღვრული კონკრეტული ასაკობრივი ჯგუფის (X-XII კლასები) მოსწავლეს, თუმცა, სურვილის შემთხვევაში, საბაზო საფეხურის ნებისმიერ მოსწავლესაც.  

            ოლიმპიადისათვის რეგისტრაციის გავლა შესაძლებელია 4 ნოემბრის 10:00 საათიდან 18 ნოემბრის 18:00 საათამდე ამ ბმულის გამოყენებით.

            რეგისტრაციის გასავლელად მოსწავლეს დასჭირდება მხოლოდ პირადი თერთმეტნიშნა ნომერი.

             დეტალური ინსტრუქცია

            ეროვნულ სასწავლო ოლიმპიადას შეფასებისა და გამოცდების ეროვნული ცენტრი ყოველ წელს სამ ტურად ატარებს. პირველ ტურს მონაწილეები ელექტრონულად გადიან. მომდევნო ორი ტური კი საგამოცდო ცენტრებში ტარდება. 

            ეროვნული სასწავლო ოლიმპიადის პირველ ტურზე რეგისტრირებულ მოსწავლეებს ცენტრი შესაძლებლობას აძლევს ონლაინ რეჟიმში გაიარონ საცდელი ტესტირება. აპლიკანტს საშუალება ექნება ყოველგვარი შეფასების გარეშე ივარჯიშოს და წინასწარ გაეცნოს იმ ელექტრონულ პროგრამას, რომლითაც ჩატარდება ტესტირება. პრეტესტში მონაწილეობა ნებაყოფლობითია. დეტალური ინსტრუქცია გამოქვეყნდება ოლიმპიადის დაწყებამდე რამდენიმე დღით ადრე.

            მეორე ტურში მონაწილეობის უფლებას მოიპოვებს ის მონაწილე, რომელიც დააგროვებს ტესტის მაქსიმალური ქულის 60%-ს ან მეტს და, ამასთან ერთად, მოხვდება საგნის რეიტინგული სიის პირველ 1 000 მოსწავლეს შორის.

            ეროვნული სასწავლო ოლიმპიადა ჩატარდება: ქართულ ენასა და ლიტერატურაში, ქართულ ენაში (არაქართულენოვანი სკოლების მოსწავლეებისათვის), მათემატიკაში, ისტორიაში, გეოგრაფიაში, ფიზიკაში, ქიმიაში, ბიოლოგიაში და უცხოურ ენებში (ინგლისური, გერმანული, ფრანგული და რუსული).

            მოსწავლეებს, რომლებსაც ესაჭიროებათ სპეციფიკური საგამოცდო გარემოს შექმნა, რეგისტრაციის დროს უნდა მონიშნონ - „სპეციალური პირობები“ და შეფასებისა და გამოცდების ეროვნულ ცენტრში (მის.: თბილისი, ე. მინდელის N9), რეგიონებში კი ადგილობრივ საგანმანათლებლო რესურსცენტრში 18 ნოემბრის 18:00 საათამდე უნდა წარმოადგინონ შესაბამისი ჯანმრთელობის ცნობა (ფორმა N100).

            ტესტირების თარიღისა და დროის თაობაზე ინფორმაცია, ასევე სხვა მნიშვნელოვანი დეტალები  გამოქვეყნდება ცენტრის ოფიციალური ვებგვერდზე: www.naec.ge 

          • ბუნებისმეტყველება - IIა კლასი

          • 33

            პრაქტიკული სამუშაო — “რა იხსნება წყალში ?”

            კლასი : II ა

            მასწავლებელი: სოფიო ოქროპორიძე

            მეორე კლასში ჩატარდა შემეცნებითი პრაქტიკული სამუშაო თემაზე „რა იხსნება წყალში“.

            ცდა ჩატარდა სოფო მასწავლებლის დახმარებით.

            მოსწავლეებმა დიდი ინტერესით ჩაატარეს ექსპერიმენტი: თითოეულმა ჭიქაში ჩაყარა შაქარი, მარილი, ქვიშა , შემდეგ კი დააკვირდნენ, რა მოხდებოდა.

            დაკვირვების შედეგად ბავშვებმა აღმოაჩინეს, რომ შაქარი , და მარილი წყალში იხსნება, ხოლო ქვიშა — არ იხსნება.

            მოსწავლეებმა პრაქტიკული გზით დაასკვნეს, რომ ნივთიერებები განსხვავდებიან ერთმანეთისგან და ყველა მათგანი ვერ იხსნება წყალში.

            ეს ცდა ძალიან საინტერესო, სახალისო და შემეცნებითი აღმოჩნდა ყველასთვის.

            ბავშვები კიდევ ერთხელ დარწმუნდნენ, რომ სწავლა შეიძლება ერთდროულად იყოს სასარგებლოც და ძალიან საინტერესოც!

          • სასკოლო სპორტული ოლიმპიადა

          • სასკოლო ოლიმპიადის ფარგლებში გამართული რაიონული პირველობა ჩვენი გიმნაზიისთვის კიდევ ერთი წარმატებული ფურცელია!

            2025-26სასწ. წლის სასკოლო სპორტული ოლიმპიადის ფარგლებში ჩატარებულ რაიონულ პირველობაზე (ამანათრბენი გოგონები ) მონაწილე სკოლებს შორის ჩვენმა გოგონებმა მეორე ადგილი დაიკავა!

            ბარბარე ჯაიანი

            ბარბარე კონცელიძე

            ელენე მოწყობილი

            ბარბარე ჯინჭარაძე

            ბარბარე მესხიძე

            მარიამ მოწყობილი

            გილოცავთ ყველას !

            ჩვენი გამარჯვებების გზა გრძელდება!

          • “ბულინგი და მისი პრევენცია” - IXბ კლასი

          • 5

            კლასი IX ბ

            კლასის საათი: “ბულინგი და მისი პრევენცია”

            დამრიგებელი: სოფო შენგელია

            IX ბ კლასში ჩატარდა კლასის საათი თემაზე „ბულინგი და მისი პრევენცია“. შეხვედრის მიზანი იყო მოსწავლეებში ცნობიერების ამაღლება ბულინგის სხვადასხვა ფორმისა და მისი შედეგების შესახებ.

            საუბარი გაიმართა იმაზე, თუ რა არის ბულინგი, როგორ ვლინდება ის ყოველდღიურ ურთიერთობებში და რა გავლენა აქვს როგორც მსხვერპლზე, ისე დამკვირვებლებსა და თვით ბულინგის განმახორციელებელზე. მოსწავლეებმა აქტიურად მიიღეს მონაწილეობა დისკუსიაში, გამოთქვეს საკუთარი მოსაზრებები და იმსჯელეს, როგორ უნდა მოიქცეს ადამიანი მსგავს სიტუაციაში.

            განსაკუთრებული ყურადღება დაეთმო მეგობრობის, ურთიერთპატივისცემისა და ემპათიის მნიშვნელობას. ღონისძიება დასრულდა ერთობლივი გადაწყვეტილებით — ყველამ უნდა ვეცადოთ, ჩვენი კლასი და სკოლა იყოს უსაფრთხო, კეთილგანწყობილი და მხარდამჭერი სივრცე, სადაც ადგილი არ ექნება ბულინგს.

            კლასის საათმა კიდევ ერთხელ შეგვახსენა, რომ თითოეულს შეგვიძლია ვიყოთ ცვლილების ნაწილი — გავავრცელოთ სიკეთე და დავიცვათ ერთმანეთი.

          • გვიყვარდეს და პატივი ვცეთ ერთმანეთს – ჩემი მეგობარი

          • 28

            სადამრიგებლო საათი

            კლასი: II ბ

            დამრიგებელი: ირმა ბებია

            ჩატარებული სადამრიგებლო საათის მთავარი მიზანი იყო ბავშვებში მეგობრობის, სიყვარულისა და ურთიერთპატივისცემის მნიშვნელობის გაღვივება. საუბარი გაიმართა იმაზე, თუ რა თვისებები ახასიათებს ნამდვილ მეგობარს.

            მოსწავლეებმა გულწრფელად იმსჯელეს, რომ მეგობრობა მხოლოდ ერთად გართობა და სიცილი არ არის — მეგობარი ის ადამიანია, რომელიც გაგიგებს, მოგისმენს, დაგეხმარება და შენს სიხარულს ან მწუხარებას გულით გაიზიარებს.

            განსაკუთრებული ემოცია მოჰყვა აქტივობას, სადაც ბავშვებმა თითოეულმა აირჩია მათთვის სასურველი ფერის გული. ამ გულებით ისინი სიყვარულსა და კეთილ სურვილებს უზიარებდნენ ერთმანეთს. თითოეული მოსწავლე გამოხატავდა მადლიერებას თავისი მეგობრებისადმი და გულით გადაუნაწილა მათ სითბო, მეგობრობა და პატივისცემა.

            დასასრულს, მოსწავლეებმა გააცნობიერეს, რომ მეგობრობა ჩვენი ცხოვრების ერთ-ერთი ყველაზე დიდი ფასეულობაა და რომ ერთმანეთის სიყვარული და პატივისცემა ბედნიერი საზოგადოების საფუძველია