სიახლეები

          • I ადგილი - მათე მახარაძე

          • საქართველოს ჩემპიონატი კიოკუშინკაი კარატეში ბავშვთა და მოზარდთა შორის, -40 კგ კატეგორიაში პირველი ადგილი დაიკავა სკოლა- გიმნაზიის lll კლასის მოსწავლემ მათე მახარაძემ.

            ვულოცავთ პატარა გიმნაზიელს ამ დიდ გამარჯვებას და ვუსურვებთ წარმატებებს მომავალში!

          • საახალწლო სამზადისი Iა კლასში

          • 5

            გიმნაზიაში საახალწლო სამზადისი განსაკუთრებული სიხარულით მიმდინარეობს.

            lა კლასში უკვე იგრძნობა ახალი წლის ჯადოსნური განწყობა. დამრიგებლის, მაიკო ყულეჯიშვილის ხელმძღვანელობით, მოსწავლეები დიდი ენთუზიაზმით ემზადებიან დღესასწაულისთვის. ისინი ერთად ალამაზებენ საკლასო ოთახს, ამზადებენ ფერად დეკორაციებს, საახალწლო ნახატებსა და ხელნაკეთ ნამუშევრებს. თითოეული ბავშვი სიხარულით და სიყვარულით ერთვება ამ პროცესში, რაც კლასში თბილ და მეგობრულ გარემოს ქმნის. საახალწლო სამზადისი ბავშვებისთვის არა მხოლოდ დღესასწაულის მოლოდინია, არამედ ურთიერთგაგების, ერთობისა და სიხარულის ლამაზი მაგალითი.

          • ისტ - VIა და VIბ კლასი

          • 3

            ინტერნეტის უსაფრთხო გამოყენება მოზარდებში

            ციფრული ტექნოლოგიების სწრაფი განვითარების ფონზე ინტერნეტი მოზარდების ყოველდღიური ცხოვრების განუყოფელ ნაწილად იქცა. შესაბამისად, განსაკუთრებულ მნიშვნელობას იძენს მათი ცნობიერების ამაღლება ონლაინ სივრცეში უსაფრთხო და პასუხისმგებლიანი ქცევის შესახებ.

            ამ საკითხთან დაკავშირებით ჩატარდა საგანმანათლებლო აქტივობა VI ა და VI ბ კლასებში, მასწავლებელი თეონა გოგიტიძე.

            შეხვედრის მიზანი იყო მოსწავლეებისთვის ინტერნეტთან დაკავშირებული პოტენციური საფრთხეების გაცნობა, უსაფრთხო გამოყენების წესების განმარტება და კრიტიკული აზროვნების განვითარება ციფრულ გარემოში.

            აქტივობის ფარგლებში განხილულ იქნა ისეთი მნიშვნელოვანი თემები, როგორიცაა პირადი მონაცემების დაცვა, კიბერბულინგის პრევენცია, საეჭვო ვებგვერდებისა და კონტენტის ამოცნობა, ასევე სოციალური ქსელების პასუხისმგებლიანი გამოყენება. მოსწავლეებმა მიიღეს პრაქტიკული რეკომენდაციები, თუ როგორ მოიქცნენ საფრთხის შემცველ სიტუაციებში და ვის მიმართონ დახმარებისთვის.

            დისკუსიებისა და მაგალითებზე დაფუძნებული მსჯელობის შედეგად, მოსწავლეებმა გამოავლინეს მაღალი ჩართულობა და ინტერესის დონე. მათ გააცნობიერეს, რომ ინტერნეტი, მიუხედავად მრავალფეროვანი შესაძლებლობებისა, საჭიროებს სიფრთხილეს, თვითკონტროლსა და ინფორმირებულ გადაწყვეტილებებს.

            აღნიშნული აქტივობა მნიშვნელოვანი ნაბიჯი იყო მოზარდებში ციფრული კულტურისა და უსაფრთხოების უნარების ფორმირებისკენ და ხელს შეუწყობს მათ დაცულ და შეგნებულ ჩართულობას თანამედროვე ტექნოლოგიურ გარემოში.

          • შიდა სასკოლო ტურნირი ჭადრაკში

          • 8

            ა(ა)იპ ქობულეთის წმინდა კირიონ მეორის სახელობის მართლმადიდებლური სკოლა-გიმნაზიში

            ჩატარდა შიდა სასკოლო ტურნირი ჭადრაკში 8, 10, 12 წლამდე ასაკის ჭაბუკთა და გოგონათა შორის, გამარჯვებული მოსწავლეები იასპარეზებენ სარაიონო პირველობაზე.

            წარმატებები!

          • კლასის საათი - IIგ კლასი

          • 15

            სკოლა-გიმნაზიის II გ კლასში გაიმართა თემატური კლასის საათი სახელწოდებით „გზა სკოლა-გიმნაზიის კედლებიდან სხვადასხვა მიზნებისაკენ“, რომელსაც ხელმძღვანელობდა კლასის დამრიგებელი, ნათია ღაღაიშვილი.

            შეხვედრის ძირითადი მიზანი იყო მოსწავლეთათვის მომავალზე ორიენტირებული აზროვნების წახალისება, პირადი მიზნების დაგეგმვისა და პასუხისმგებლიანი არჩევანის მნიშვნელობის გააზრება.

            დამრიგებლის მიერ წარმოდგენილი მასალა გამოირჩეოდა საინფორმაციო სიღრმითა და ინტერაქციული მიდგომებით, რაც მოსწავლეებს შესაძლებლობას აძლევდა აქტიურად ჩართულიყვნენ მსჯელობასა და საკუთარი ინტერესების გაანალიზებაში.

            ღონისძიებამ მნიშვნელოვანი წვლილი შეიტანა მოზარდების თვითშემეცნებისა და მოტივაციის გაღრმავებაში, რაც შემდგომ აკადემიურ და პიროვნულ განვითარებას კიდევ უფრო შეუწყობს ხელს.

          • ეროვნული სასწავლო ოლიმპიადის პირველი ტური - საბოლოო შედეგები

          • 2025-2026 სასწავლო წლის ეროვნული სასწავლო ოლიმპიადის პირველი ტურის გამარჯვებულია ის მონაწილე, რომელმაც დააგროვა ამა თუ იმ საგნის ტესტის მაქსიმალური ქულის არანაკლებ 60%-ისა და მოხვდა შესაბამისი კლასისა და საგნის რეიტინგული სიის პირველ 1000 მოსწავლეს შორის (ან მისი ქულა ემთხვევა რეიტინგულ სიაში მეათასე ადგილზე მყოფის ქულას).

            გვინდა სიამაყით გაცნობოთ, რომ ამ რთული ბარიერის დაძლევა და მეორე ტურში გადასვლა შეძლეს ჩვენი სკოლა-გიმნაზიის მოსწავლეებმა:

            ანთაძე ინა (XI კლასი) - მათემატიკა

            ბოლქვაძე თათია (XII კლასი) - ქიმია

            ბოლქვაძე თათია (XII კლასი) - ისტორია

            ბოლქვაძე თათია (XII კლასი) - რუსული ენა

            კუჭუხიძე ნიკოლოზ (XIკლასი) - რუსული ენა

            კუჭუხიძე ნიკოლოზ (XI კლასი) - მათემატიკა

            მართალიშვილი ელენე (XII კლასი) - ქართული ენა და ლიტერატურა

            მართალიშვილი ელენე (XII კლასი) - ისტორია

            შავიშვილი ნინო (XI კლასი) - ფიზიკა

            ვულოცავთ მოსწავლეებსა და მათ პედაგოგებს, ვუსურვებთ მომდევნო ტურის გამოწვევებიც ასეთივე წარმატებით გადაელახოთ!

          • მოძღვრის საათი

          • 3

            „მოციქულთა მოღვაწეობა საქართველოში“

            დეკემბრის თვეში სკოლა- გიმნაზიაში ჩატარდა დაგეგმილი “მოძღვრის საათი”, რომელსაც ესწრებოდნენ სკოლის მოძღვრები, დირექციის წამომადგენლები , პედაგოგები და მაღალი საფეხურის მოსწავლეები. შეხვედრის ფარგლებში მოსწავლეებმა განიხილეს ქრისტიანობის ადრეული გავრცელება საქართველოში და ის ისტორიული პროცესები, რომლებიც მოციქულთა მისიონერულ საქმიანობას უკავშირდება.

            საეკლესიო გადმოცემით, საქართველოს მიწაზე პირველ საუკუნეში მოვიდნენ და ქრისტიანობის ქადაგება დაიწყეს წმინდა ანდრია პირველწოდებულმა, წმინდა სიმონ კანანელმა და წმინდა მატათა მოციქულმა.

            მოციქულების მოღვაწეობამ საფუძველი ჩაუყარა ქრისტიანული სწავლების გავრცელებას დასავლეთ და სამხრეთ საქართველოში, შექმნა სარწმუნოებრივი კერები და მოამზადა ნიადაგი საქართველოს შემდგომი გაქრისტიანებისთვის.

            მოსწავლეებმა იმსჯელეს იმაზეც, რომ მოციქულთა მისიონერული საქმიანობა მხოლოდ რელიგიური მოვლენა არ იყო; მან მნიშვნელოვნად შეუწყო ხელი ქართული კულტურისა და ეროვნული თვითმყოფადობის ჩამოყალიბებას. სწორედ ამ პროცესებმა დაუდო საფუძველი იმას, რომ IV საუკუნეში ქრისტიანობა ოფიციალურ სახელმწიფო რელიგიად გამოცხადდა.

            მოძღვრის საათმა საშუალება მისცა მოსწავლეებს უფრო ღრმად გაეაზრებინათ საქართველოს სულიერი ისტორიის საწყისი ეტაპები და მნიშვნელობა, რომელიც მოციქულთა ქადაგებას ქართულ კულტურასა და სახელმწიფოებრივ განვითარებაში აქვს.

          • რაიონული სპორტული ოლიმპიადა - I ადგილი

          • სიხარულით გაცნობებთ, რომ ა(ა)იპ ქობულეთის წმინდა კირიონ მეორის სახელობის მართლმადიდებლურმა სკოლა-გიმნაზიამ 2025- 26სასწ. წლის სპორტული ოლიმპიადის ფარგლებში ჩატარებულ რაიონულ პირველობაზე მონაწილე სკოლებს შორის პირველი ადგილი დაიკავა

            გილოცავთ ყველას ამ დიდ მიღწევას!

            ჩვენი გამარჯვებების გზა გრძელდება!

          • სასკოლო ოლიმპიადა კალათბურთში

          • 2025-26სასწ. წლის სასკოლო სპორტული ოლიმპიადის ფარგლებში ჩატარებულ რაიონულ პირველობაზე

            სკოლა-გიმნაზიის

            გოგონათა გუნდმა მასწავლებელი მერაბ ნოღაიდელი

            მეორე საპრიზო ადგილი მოიპოვა

            წარმატებები გიმნაზიელებო!

          • ტვინების ბრძოლის რაიონული ტური

          • 5

            30 ნოემბერს გაიმართა "ტვინების ბრძოლის" რაიონული ტური, რომელშიც ჩვენი სკოლა-გიმნაზიის თხუთმეტი გუნდი მონაწილეობდა:

            "მაძიებელნი" (IIIგ კლასი, კლასის ხელმძღვანელი ირმა ოქროპირიძ);

            "მწიგნობარი" (Vა კლასი, კლასის ხელმძღვანელი თამარ ბარბაქაძე);

            "ლამპარი" (Vა კლასი, კლასის ხელმძღვანელი თამარ ბარბაქაძე);

            "მოაზროვნე" (Vბ კლასი, კლასის ხელმძღვანელი თეონა მელაძე);

            "შემეცნება" (Vბ კლასი, კლასის ხელმძღვანელი თეონა მელაძე);

            "არგო" (Vბ კლასი, კლასის ხელმძღვანელი თეონა მელაძე);

            "აინშტაინები" (VIა კლასი, კლასის ხელმძღვანელი ნაირა ვასაძე);

            "ვარსკვლავები" (VIბ კლასი, კლასის ხელმძღვანელი სოფიო მჟავანაძე);

            "რაკეტები" (VIბ კლასი, კლასის ხელმძღვანელი სოფიო მჟავანაძე);

            "სიბრძნის  ძალა" (VIIა კლასი, კლასის ხელმძღვანელი თეონა გოგიტიძე);

            "არწივები" (VIIბ კლასი, კლასის ხელმძღვანელი ნატო მჟავანაძე);

            "ათენა" (VIIIა კლასი, კლასის ხელმძღვანელი სოფიო რომანაძე);

            "საუნჯე" (IXა კლასი, კლასის ხელმძღვანელი მთვარისა ჯინჭარაძე);

            "ჯვაროსნები" (IXბ კლასი, კლასის ხელმძღვანელი სოფიო შენგელია);

            "სიბრძნის ქარავანი (XIა კლასი, კლასის ხელმძღვანელი ზამირა მახარაძე).

            პირველადი შედეგებით რეგიონალურ ტურში ასპარეზობის უფლება, რომელიც გაიმართება 7 დეკემბერს ბათუმის 25-ე საჯარო სკოლაში (ხალვაშის ქუჩა 102ა),  ცხრა გუნდმა მოიპოვა.

            განსაკუთრებით აღსანიშნავია გუნდ "შემეცნების" ასპარეზობა, რომელმაც U5 ასაკობრივ კატეგორიაში ქობულეთის სკოლებს შორის პირველი ადგილი დაიკავა.

            რეგიონალურ ჩემპიონატზე ერთმანეთს დაუპირისპირდებიან ბათუმის, ქობულეთისა და ხელვაჩაურის გუნდები.

            წარმატებას ვუსურვებთ ჩვენს გამარჯვებულ გუნდებს!

          • სასკოლო ოლიმპადა

          • 5

            გამარჯვება ჩვენია!

            სასკოლო ოლიმპიადის ფარგლებში გამართული რაიონული პირველობა ჩვენი გიმნაზიისთვის კიდევ ერთი წარმატებული ფურცელია!

            2025-26სასწ. წლის სასკოლო სპორტული ოლიმპიადის ფარგლებში ჩატარებულ რაიონულ პირველობაზე მაგიდის ჩოგბურთიმონაწილე სკოლებს შორის ჩვენი სკოლის ვაჟებმა l , გოგონებმა მეორე ადგილი დაიკავეს!

            გილოცავთ !

            ჩვენი გამარჯვებების გზა გრძელდება!

             

          • იდებატე - Xა კლასი

          • 2

            იდებატე 2025

            შესარჩევი ეტაპის მიმდინარეობა

            მონაწილე ახალგაზრდები აქტიურად მონაწილეობენ არგუმენტირებული მსჯელობის პროცესში, ცდილობენ საკუთარი პოზიციების ლოგიკურად და დამაჯერებლად დაცვას, ხოლო გუნდურ გარემოში — საერთო სტრატეგიის ჩამოყალიბებას.

            მონაწილეთა აქტიურობა, მაღალი მოტივაცია და დაძაბული, თუმცა ჯანსაღი კონკურენცია ქმნის მდიდარ საგანმანათლებლო გარემოს, სადაც განსხვავებული იდეები ხელს უწყობს ანალიტიკური აზროვნების დახელოვნებას. ამ პროცესში განსაკუთრებით თვალსაჩინოა მოსწავლეთა მზარდი უნარი — მოუსმინონ ერთმანეთის პოზიციებს, გააანალიზონ არგუმენტები და კონსტრუქციული დისკუსიის ფარგლებში ჩამოაყალიბონ სრულფასოვანი პასუხები.

            წინ დგას კიდევ უფრო მნიშვნელოვანი და საინტერესო ეტაპები, რომელთაც შეუძლიათ გააძლიერონ მონაწილეთა ინტელექტუალური და საკომუნიკაციო რესურსები. ამიტომ, იდებატე 2025 არა მხოლოდ კონკურსია, არამედ საგანმანათლებლო პლატფორმა, რომელიც ხელს უწყობს ახალგაზრდა თაობის აქტიურ და პასუხისმგებლიან მოქალაქედ ჩამოყალიბებას.

            წარმატებები!

          • ხელოვნება - IVა და IVბ კლასი

          • 2

            საგანი :ხელოვნება

            კლასი: lV ა და lVბ

            პროექტი :”ელენე ახვლედიანის ბიოგრაფია.”

            მასწავლებელი: ლუიზა ვერულიძე

            მოსწავლეებმა აქტიურად და პასუხისმგებლობით იმუშავეს პროექტზე „ელენე ახვლედიანის ბიოგრაფია“. ბავშვებმა შეისწავლეს მხატვრის ცხოვრება და შემოქმედება, შემდეგ კი მიღებული ინფორმაცია სხვადასხვა ფორმით წარმოადგინეს.

            პროექტის მზადების პროცესში მოსწავლეებმა:

            იპოვეს და შეაგროვეს ინფორმაცია ელენე ახვლედიანის ბავშვობაზე, განათლებაზე და მის ცნობილ ნამუშევრებზე;

            გააკეთეს მოკლე ტექსტები და აღწერები, რომლებიც მარტივად და მათი ასაკისთვის შესაფერისად ჩამოაყალიბეს;

            მოგვიტანეს საკუთარი ნახატები, რომლებიც დაკავშირებული იყო ელენე ახვლედიანის თემასთან;

            იმუშავეს ჯგუფებად, სადაც ერთმანეთს ეხმარებოდნენ ინფორმაციის მოძიებასა და ორგნაიზების პროცესში;

            წარადგინეს თავიანთი ნამუშევრები კლასში, რამაც ხელი შეუწყო კომუნიკაციის, სიტყვიერი გამოსვლისა და გუნდური მუშაობის განვითარებას.

            მოსწავლეებმა გამოიჩინეს დიდი ინტერესი და შემოქმედებითი მიდგომა. მათი ნამუშევრები გამოირჩეოდა სათაურისადმი სიყვარულით.

            პროექტმა ბავშვებს ასწავლა, როგორ იმუშაონ ინფორმაციის წყაროებთან, როგორ წარმოაჩინონ საკუთარი შეხედულება და როგორ გააცოცხლონ ისტორიული პერსონაჟები.

          • ჩვენი საქართველო - VIა კლასი

          • საგანი: ჩვენი საქართველო

            თემა: მეურნეობის დარგები სამცხე- ჯავახეთში

            კლასი: Vlა

            მასწავლებელი: მთვარისა ჯინჭარაძე

            სამცხე–ჯავახეთი საქართველოში ერთ-ერთი მნიშვნელოვანი რეგიონია, რომელიც გამოირჩევა სოფლის მეურნეობის მრავალფეროვანი დარგებით. რეგიონში ფართოდ არის გავრცელებული მარცვლეული კულტურები, მეცხოველეობა, მეფრინველეობა და ბოსტანეული მცენარეების მოყვანა. განსაკუთრებით აღსანიშნავია კარტოფილი, რომელიც სამცხე–ჯავახეთის ერთ-ერთი ყველაზე ცნობილი და პროდუქტიული კულტურაა.

            გაკვეთილზე მოსწავლეებმა შეისწავლეს კარტოფილის ისტორია, მისი გავრცელება და სამცხე–ჯავახეთისთვის მნიშვნელობა. მოსწავლეებმა მოიძიეს დამატებითი ინფორმაცია სხვადასხვა წყაროდან, განიხილეს კარტოფილის კვებითი ღირებულება და მასთან დაკავშირებული ტრადიციები.

            პროექტის პრაქტიკული ნაწილი განსაკუთრებით საინტერესო და შემოქმედებითი აღმოჩნდა: ბავშვებმა მოამზადეს კარტოფილის სხვადასხვა კერძი, აღწერეს მათი მომზადების ეტაპები და წარმოადგინეს ჯგუფური პრეზენტაციები. თითოეულმა მოსწავლემ შეძლო დაენახა, თუ როგორ უკავშირდება თეორიული მასალა ყოველდღიურ ცხოვრებასა და საკუთარი რეგიონის მეურნეობის თავისებურებებს.

            სამცხე–ჯავახეთი მნიშვნელოვანი რეგიონია საქართველოს სოფლის მეურნეობაში, სადაც კარტოფილი ერთ-ერთი ძირითადი კულტურაა. ამ თემაზე შესრულებულმა პროექტმა მოსწავლეებს საშუალება მისცა განევითარებინათ კვლევითი და შემოქმედებითი უნარები და უკეთ შეეგრძნოთ საკუთარი ქვეყნის სოფლის მეურნეობის მრავალფეროვნება.

          • როლური თამაში - VIIა კლასი

          • საგანი: ქართული ენა და ლიტერატურა

            კლასი: VIIა

            მასწავლებელი:თამარ ბარბაქაძე

            თემა: ნოდარ დუმბაძე "მე, ბებია, ილიკო და ილარიონი"

            როლური თამაშის პროცესი წარმოადგენს მოსწავლეთა ჯგუფის მიერ ამა თუ იმ სიტუაციის მოდელირებას. რა დროსაც მათ უვითარდებათ როგორც კოგნიტური, ასევე ემოციური და ფსიქო-მოტორული უნარები.

            ისინი ახერხებენ: 

            ·თემატურად მსგავსი შინაარსების ურთიერთდაკავშირებას; 

            ·ინფორმაციისა და გამოცდილებების როლური გათამაშებით გადმოცემას; 

            ·შემოქმედებითი და კრიტიკული აზროვნების განვითარებას;

            ·ტოლერანტობისა და ემპათიის გრძნობის გამომუშავებას; 

            ·კომუნიკაციური უნარების განვითარებას; 

            ·შესაძლო პერსპექტივების წარმოსახვას;

            ·თვითრეფლექსიას; 

            ·თვითრეალიზებას;

            ·ქმედებაზე ორიენტირებული კომპეტენციისა და გადაწყვეტილების მიღების უნარის გამომუშავებას;

            ·სოციალური კომპეტენციების გამომუშავებას;

            ·განსაზღვრული/მოცემული ქმედებების იმიტაციას და დახვეწას. 

            მოსწავლეებმა წარმატებით გაართვეს თავი აქტივობის თითოეულ ეტაპს, ისწავლეს და ისიამოვნეს შემოქმედებითი პროცესით.

             

             

          • ლიტერატურული ვიქტორინა

          • ა(ა)იპ ქობულეთის წმინდა  კირიონ მეორის სახელობის მართლმადიდებლური სკოლა-გიმნაზიის  VI   კლასის მოსწავლეებს შორის გაიმართა ლიტერატურული ვიქტორინის I ტური.

            მოსწავლეებმა  წაიკითხეს და განიხილეს  ჰარიეტ ბიჩერ სტოუს  "ბიძა თომას ქოხი".

             

            "მონობის აკრძალვას წინ უძღოდა ქალბატონ ბიჩერ სტოუს სახელგანთქმული წიგნი" (ტოლსტოი).

            „ბიძია ტომის ქოხი“ მომავალში კიდევ ბევრ ადამინს აჩუქებს ნათელ წუთებს (კუპრინი).

            "ჩვენ ყველანი ამ წიგნით ვართ შეკრულნი, როგორც ერთი ჯაჭვით" (ბოლდუინი).

            "ჰარიეტ ბიჩერ სტოუს რომანი „ბიძია ტომის ქოხი“ ფართოდ არის აღიარებული, როგორც ერთ-ერთი ყველაზე გავლენიანი რომანი ქვეყნის ისტორიაში" (სკონორდი).

             ქულები შემდეგნაირად გადანაწილდა:

            "ტვინიკოსები" - 3 ქულა

            "მწიგნობარი" - 2 ქულა

            "ლამპარი" - 2 ქულა

            ვემზადებით შემდეგი ტურისათვის!

          • ღია კარის დღე

          • 1

            ჩვენი სკოლა-გიმნაზია მუდმივად ცდილობს მოსწავლეებს/მათ კანონიერ წარმომადგენლებს მიაწოდოს განახლებული და სანდო ინფორმაცია ზოგადი განათლების შესაბამისი საფეხურის დასრულების შემდგომი კარიერული განვითარების შესაძლებლობებთან დაკავშირებით.

             

            ამ მიზნით დღეს სკოლა-გიმნაზია მასპინძლობდა თავისუფალი და აგრარული უნივერსიტეტების სტუდენტებს, რომლებიც შეხვდნენ მეათე, მეთერთმეტე და მეთორმეტე  კლასის მოსწავლეებს.

            სტუმრებმა მოსწავლეებს გააცნეს უნივერსიტეტების ძირითადი პროგრამები, მიღების პროცესი და ის უპირატესობები, რაც ამ უნივერსიტეტებში სწავლის დასრულებასთანაა დაკავშირებული. განსაკუთრებით გამოიკვეთა განათლების ხარისხისა და საერთაშორისო კავშირების მნიშვნელობა, რაც ახალგაზრდებს შრომის ბაზარზე კონკურენტულ პოზიციას უმაგრებს.

            მოსწავლეები დაინტერესდნენ სხვადასხვა მიმართულებით სწავლების შესაძლებლობებით, დასვეს კითხვები უნივერსიტეტის სასწავლო გარემოს, სტიპენდიების სისტემისა და პრაქტიკული გამოცდილების შესახებ. შეხვედრა ინტერაქტიულ რეჟიმში წარიმართა და მონაწილეებს მოტივაცია მისცა, მეტი ძალისხმევა მიმართონ საკუთარი მიზნების განხორციელებისკენ.

            მადლობას ვუხდით ჩვენს სტუმრებს ინფორმაციული შეხვედრისთვის, რომელიც ჩვენი მოსწავლეებისთვის ძალიან სასარგებლო და მნიშვნელოვანი იყო!

          • ექსკურსია ოტია იოსელიანის სახლ-მუზეუმში - IIIა კლასი

          • 15

            lll ა კლასის მოსწავლეებმა,

            დამრიგებლები: ნინო ვერულიძე ,მარიამ ვერულიძე, დაუვიწყარი დღე გაატარეს ოტია იოსელიანის სახლი-მუზეუმში.

            პატარა სტუმრებმა სიჩუმით გაჟღენთილ ოთახებში იმოძრავეს, სადაც ოტია იოსელიანის სულს თითქოს კვლავ ესმოდა ბავშვების ხალისიანი ნაბიჯების ხმა. აქვე, მუზეუმის ბიბლიოთეკის კუთხეში, თავად ოტიას შვილმა— დაჩიმ — საყვარელ გამოცემას, „დაჩის ზღაპრებს“, პატარა სტუმრებს გულით მონათლული, თბილი სამახსოვრო წარწერები გაუკეთა.

            მუზეუმიდან გამოსულები ბავშვები მარანსაც ეწვივნენ. სწორედ იქ, შემოდგომის თბილ სურნელებს შორის, მათ ტრადიციული საქმიანობები შეასრულეს — თითქოს დრო უკან გაბრუნებულიყო და ძველი ქართული რიტუალები მათ თვალწინ გაცოცხლებულიყო.

            საბოლოოდ, შთაბეჭდილებებით სავსე, ემოციებით ამაღლებულნი და ახალი ცოდნით გამდიდრებულნი, მესამე კლასელები ბედნიერი დაბრუნდნენ სახლში. ეს დღე მათთვის არა მხოლოდ საგანმანათლებლო, არამედ ნამდვილი თავგადასავალი გახდა.

          • ისტორიის კლუბი "მატიანე"

          • 5

            25 ნოემბერს, 2025 წელს, ქობულეთის წმინდა კირიონ მეორის სახელობის სკოლა-გიმნაზიაში გაიმართა ისტორიის მოყვარულთა კლუბ „მატიანეს“ პირველი შეხვედრა. შეხვედრის მიზანი იყო კლუბის საქმიანობის საფუძვლების ჩამოყალიბება და მონაწილეებისთვის კლუბის კონცეფციის გაცნობა.

            მოსწავლეებმა შეხვედრისას განიხილეს რამდენიმე მნიშვნელოვანი საკითხი:

            კლუბის მიზნებისა და სამომავლო გეგმების წარმოდგენა;

            კლუბის სამუშაო გეგმის შემუშავება მოსწავლეებთან თანამშრომლობით;

            ისტორიის მოყვარულთა კლუბის ლიდერის არჩევა;

            კლუბის ლოგოს შექმნის პროცესის დაწყება.

            კლუბის საქმიანობას ხელმძღვანელობდა კლუბის კურატორი, ისტორიის პედაგოგი მთვარისა ჯინჭარაძე, რომლის ხელმძღვანელობითაც შეხვედრა მიმდინარეობდა ორგანიზებულად და სამუშაო გარემოს შესაბამისი აკადემიური ატმოსფეროთი.

            ასეთი კლუბების მუშაობა ხელს შეუწყობს მოზარდებში ისტორიისადმი ინტერესის გაღრმავებას, საერთო მიზნების ჩამოყალიბებასა და შემოქმედებითი თანამშრომლობის სტიმულირებას, ეს შეხვედრა მნიშვნელოვანი საფუძველია კლუბის შემდგომი წარმატებული საქმიანობისთვის.